Ноябрянь 7-це чистэ тусь эрямосто пародояк паро ломань, кона эсь мельганзо кадсь ансяк валдо тешкс. Те – Раиса Семёновна Анисимова. Сон ламо иеть тонавтсь од ломанть Л. П. Кирюков лемсэ музыкальной училищасо, панжсь келей ки аволь вейке кемень од цёранень ды тейтернень.
Весе сынь ней аштить покш седейризкссэ «эсест аваст», кода мернесть тензэ ламот, куломанзо кувалма. Те ризксэв кулясь моньгак токимим седей юрс, теке ёмавтынь пек малавикс ломань.
Сон истя улияк. Лиясто, ломаненть марто тонсь эзить вастневеяк, а зяро паро ды лембе валт марят сондензэ, эсеть туртовгак те ломанесь тееви малавиксэкс ды пародояк паро ялгакс. Истя лиссь Раиса Семёновна Анисимовань мартояк, кинь ловинь эсень туртов алкукс малавиксэкс. Видькстан, теде икеле монень вестькак эзь савкшно вастневемс мартонзо. Кортнемскак эзь пракшно шка. Теке марто ламо мезе маринь сондензэ лиятнень пельде. Васняяк, эрзянь од морыцянть Артём Мамаевень пельде. Цёрась а лоткси шнамодо эсензэ тонавтыцянть. Аволь ансяк шнамо, сон аноколь эрьва чистэ кандтнемс тензэ цецят ды сюконямс пильгезэнзэ сень кис, кодамо путовкс Раиса Семёновна тейсь морыцякс сонзэ кастомасо. «Раиса Семёновна монь туртов, ды аволь ансяк монь, весень туртовгак, кить сакшность велестэ ды тонавтнесть сонзэ кедьсэ Л. П. Кирюков лемсэ музыкальной училищасо, ульнесь авань, сырькаень, оянь-ялгань таркас», – седеень панжозь, кортыль Мамаев. Ды ушодыль ёвтнеме, кода Раиса Семёновна тонавтсь эйсэнзэ морамо. «Сонзэ ладсо, кода сон машты тонавтомо од морыцятнень вайгелень путомо, моронь таргамо, – истят ломанть муят аволь эрьва косто. Эсензэ ёрокчинть Раиса Семёновна аволь весть невтнизе мастер-класстнэсэ, косо ульнекшнесь СССР-нь народной артистэсь Леонид Сметанников, кона пек покш питне путнесь сонзэ маштомачинтень».
Истят валт Р.С. Анисимовадо маринь лия од ломантнень пельдеяк, кить тонавтнесть сонзэ кедьсэ Л. П. Кирюков лемсэ Саранской музыкальной училищасо. Эряви меремс, 1982 иестэ саезь, зярдо Р. С. Анисимова сась училищав, сон анокстась аволь вейке кементь артистт, конатнень эйстэ ламотне ней теевсть содавикс морыцякс аволь ансяк эсенек Мордовиясо, весе Россиянть келес. Ютксост Мордовия Республикань заслуженной артисткась Наталья Макарова, Константин Пурилкин, кона Н. Г. Жиганов лемсэ Казанской консерваториянть прядомадо мейле зярыя шка морсесь Московсо оперной од морыцянь студиясо Галина Вишневскаянь кедьсэ, ней «Геликон-Опера» театрасо (Америка).
Александр Лобурев ды Юрий Бакулин, конат истя жо прядызь Казаньсэ секе жо консерваториянть ды ней важодить И. М. Яушев лемсэ театрасо. Весень лемест а ледстявить. Сындест пек ламо. Ды весе сынст кисэ Раиса Семёновна аштиль мельспаросо ды каштанчисэ.
Музыкальной училищав самодо икеле Р.С. Анисимова 25 иеть морсесь музыкальной театрасо, ков сась сонзэ панжомстонзо саезь (1959 иестэ). Те шканть перть морсесь васенце партиятнень истят оператнесэ, кода А. С. Даргомыжскоень «Русалка» (Наташа), П. И. Чайковскоень «Евгений Онегин» (Татьяна), «Пиковая дама» (Лиза) ды ламо-ламо лиясо. Р. С. Анисимова васенцель, кинень максозель налксемс Л. П. Кирюковонь операсо Нормальнянь роленть.
Музыкальной училищасо тонавтомадо башка (1984 иестэ саезь 2016 иес) Р.С. Анисимова эзизе кадно морамонь тевензэ. Училищань камерной оркестранть марто, зярдо сонзэ прявтсо ульнесь В. А. Шешуков, морась М. Глинкань «Дойну» ды «Жаворонок» произведениятнень. Сонзэ репертуарсо пек ламо морот, конатнень сёрмадызь эсенек композитортнэ: Г. Павлов, И. Соколов, Г. Сураев-Королев ды лият. М. Н. Антоновань марто концертт невтнесть республикань велетнесэ. Н. В. Кошелевань сёрмадовт произведениянзо морсесь Нижегородской консерваториянь залсо ды ламо лия покш сцена лангсо Р. С. Анисимова покш мельсэ яксесь научно-методической вастовомас, ков пурнавкшность морыцят весе масторонть келес. Ютавтнесь панжадо урокт Надежда Малашкина, Наталья Макарова марто, зярдо сынь тонавтнесть сонзэ кедьсэ.
Пенсияв туезьгак, сон эзизе стувтне эсь тевензэ, конанть туртов максызе, ловт, весе эрямонзо. Сонзэ сеедьстэ неилик концерттнэсэ, сехте пек истятнэсэ, косо морасть сонзэ кедьсэ тонавтницятне.
Раиса Семёновна Анисимова казезь ламо казнесэ. Ансяк вейкесь ацирьгавтни, мекс сонензэ эзть максо Мордовия Республикань заслуженной артисткань лем. Видькстан, 2017 иестэ «Литова» эрзянь авань вейсэндявксонть пельде сёрма кучнинек Мордовия Республикань икелень прявтонтень В.Д. Волковнень. Сёрмасонть энялдынек максомс Р.С. Анисимованень «Мордовия Республикань Почетной гражданин» лементь. Сёрманть каршо мезеяк эзь учово. Каднови ансяк янксемс тень кувалма ды тердемс весень, кить тонавтнесть Р. С. Анисимовань кедьсэ, а стувтнемс эсь тонавтыцянть, седе сеедьстэ ледстнемс лемензэ ды паронзо пандомс паросо. Те карми улемеяк сехте покш казнекс сонзэ туртов.
Раиса Щанкина
Сон истя улияк. Лиясто, ломаненть марто тонсь эзить вастневеяк, а зяро паро ды лембе валт марят сондензэ, эсеть туртовгак те ломанесь тееви малавиксэкс ды пародояк паро ялгакс. Истя лиссь Раиса Семёновна Анисимовань мартояк, кинь ловинь эсень туртов алкукс малавиксэкс. Видькстан, теде икеле монень вестькак эзь савкшно вастневемс мартонзо. Кортнемскак эзь пракшно шка. Теке марто ламо мезе маринь сондензэ лиятнень пельде. Васняяк, эрзянь од морыцянть Артём Мамаевень пельде. Цёрась а лоткси шнамодо эсензэ тонавтыцянть. Аволь ансяк шнамо, сон аноколь эрьва чистэ кандтнемс тензэ цецят ды сюконямс пильгезэнзэ сень кис, кодамо путовкс Раиса Семёновна тейсь морыцякс сонзэ кастомасо. «Раиса Семёновна монь туртов, ды аволь ансяк монь, весень туртовгак, кить сакшность велестэ ды тонавтнесть сонзэ кедьсэ Л. П. Кирюков лемсэ музыкальной училищасо, ульнесь авань, сырькаень, оянь-ялгань таркас», – седеень панжозь, кортыль Мамаев. Ды ушодыль ёвтнеме, кода Раиса Семёновна тонавтсь эйсэнзэ морамо. «Сонзэ ладсо, кода сон машты тонавтомо од морыцятнень вайгелень путомо, моронь таргамо, – истят ломанть муят аволь эрьва косто. Эсензэ ёрокчинть Раиса Семёновна аволь весть невтнизе мастер-класстнэсэ, косо ульнекшнесь СССР-нь народной артистэсь Леонид Сметанников, кона пек покш питне путнесь сонзэ маштомачинтень».
Истят валт Р.С. Анисимовадо маринь лия од ломантнень пельдеяк, кить тонавтнесть сонзэ кедьсэ Л. П. Кирюков лемсэ Саранской музыкальной училищасо. Эряви меремс, 1982 иестэ саезь, зярдо Р. С. Анисимова сась училищав, сон анокстась аволь вейке кементь артистт, конатнень эйстэ ламотне ней теевсть содавикс морыцякс аволь ансяк эсенек Мордовиясо, весе Россиянть келес. Ютксост Мордовия Республикань заслуженной артисткась Наталья Макарова, Константин Пурилкин, кона Н. Г. Жиганов лемсэ Казанской консерваториянть прядомадо мейле зярыя шка морсесь Московсо оперной од морыцянь студиясо Галина Вишневскаянь кедьсэ, ней «Геликон-Опера» театрасо (Америка).
Александр Лобурев ды Юрий Бакулин, конат истя жо прядызь Казаньсэ секе жо консерваториянть ды ней важодить И. М. Яушев лемсэ театрасо. Весень лемест а ледстявить. Сындест пек ламо. Ды весе сынст кисэ Раиса Семёновна аштиль мельспаросо ды каштанчисэ.
Музыкальной училищав самодо икеле Р.С. Анисимова 25 иеть морсесь музыкальной театрасо, ков сась сонзэ панжомстонзо саезь (1959 иестэ). Те шканть перть морсесь васенце партиятнень истят оператнесэ, кода А. С. Даргомыжскоень «Русалка» (Наташа), П. И. Чайковскоень «Евгений Онегин» (Татьяна), «Пиковая дама» (Лиза) ды ламо-ламо лиясо. Р. С. Анисимова васенцель, кинень максозель налксемс Л. П. Кирюковонь операсо Нормальнянь роленть.
Музыкальной училищасо тонавтомадо башка (1984 иестэ саезь 2016 иес) Р.С. Анисимова эзизе кадно морамонь тевензэ. Училищань камерной оркестранть марто, зярдо сонзэ прявтсо ульнесь В. А. Шешуков, морась М. Глинкань «Дойну» ды «Жаворонок» произведениятнень. Сонзэ репертуарсо пек ламо морот, конатнень сёрмадызь эсенек композитортнэ: Г. Павлов, И. Соколов, Г. Сураев-Королев ды лият. М. Н. Антоновань марто концертт невтнесть республикань велетнесэ. Н. В. Кошелевань сёрмадовт произведениянзо морсесь Нижегородской консерваториянь залсо ды ламо лия покш сцена лангсо Р. С. Анисимова покш мельсэ яксесь научно-методической вастовомас, ков пурнавкшность морыцят весе масторонть келес. Ютавтнесь панжадо урокт Надежда Малашкина, Наталья Макарова марто, зярдо сынь тонавтнесть сонзэ кедьсэ.
Пенсияв туезьгак, сон эзизе стувтне эсь тевензэ, конанть туртов максызе, ловт, весе эрямонзо. Сонзэ сеедьстэ неилик концерттнэсэ, сехте пек истятнэсэ, косо морасть сонзэ кедьсэ тонавтницятне.
Раиса Семёновна Анисимова казезь ламо казнесэ. Ансяк вейкесь ацирьгавтни, мекс сонензэ эзть максо Мордовия Республикань заслуженной артисткань лем. Видькстан, 2017 иестэ «Литова» эрзянь авань вейсэндявксонть пельде сёрма кучнинек Мордовия Республикань икелень прявтонтень В.Д. Волковнень. Сёрмасонть энялдынек максомс Р.С. Анисимованень «Мордовия Республикань Почетной гражданин» лементь. Сёрманть каршо мезеяк эзь учово. Каднови ансяк янксемс тень кувалма ды тердемс весень, кить тонавтнесть Р. С. Анисимовань кедьсэ, а стувтнемс эсь тонавтыцянть, седе сеедьстэ ледстнемс лемензэ ды паронзо пандомс паросо. Те карми улемеяк сехте покш казнекс сонзэ туртов.
Раиса Щанкина