Чадыковось аноксты раськень творчествань вечкицятнень туртов паро казне. Од вийсэ гайгезевить эрзянь ды мокшонь эстрадань моротне. Сынст морасызь коллективтне ды ськамост морыцятне.
МР-нь Культурань, национальной политикань ды архивень тевень министерствась, Республикань раськень творчествань кудось ютавтыть «Од вий» эрзянь ды мокшонь эстрадань моронь республикань фестивалень гала-концерт. Сон карми чадыковонь 16-це чистэ 14:00 чассто Эрзянь ды мокшонь раськень драматической театрасо.
Гала-концертэнь участниктне уш ютызь фестивалень кочкамонь туртнэнь. Сынь кармить морамо эрзянь ды мокшонь неень шкань моротнень, лия кельстэ ютавтозь моротнень, сынст ютксо сетне, конат алтазь од ломантненень ды гайгить дискотекасо. Ваныцятне марясызь эстрадань обработкасо раськень моротнень, профессиональной ды самодеятельной композитортнэнь произведенияст.
Фестивалесь юты Эрзянь ды мокшонь кельтнень Весероссиянь чинть тешкстамонть лувсо.
Весень тердтяно ваномо!