Четверг, марта 28, 2024
Важное

Августонь 1-це чистэ, Ошонь чистэнть, покш витнемадо-петнемадо мейле панжовсь Ковылкинань центральной районной библиотекась. Сонзэ одкстомтомась ютась «Единая Россия» партиянь «Культура малой Родины» проектэнть ды «Культура» нацпроектэнть лувсо.

Ней тесэ ловномань од нупальть, компьютерт, од литература. Тевс нолдазь неень шкань паро оборудования. Вишка ловныцятнень туртов ладсезь мазый тюсонь чевте озамо таркат. Седеяк вадря вишкинетнень туртов налксемань таркась. Ловнома кудонть витнемга ды паролгавтомга ютавтозельть 5 млн. целковойть.

Кода пачтясь «Культура малой Родины» проектэнь координаторось, МР-нь Культурань, раськень политикань ды архивень тевень министрась Светлана Баулина, Ковылкинань районсо ловномань од залось – интеллектуальной ды образовательной алкуксонь центра, косо улить информационной од технологият. Весе модельной библиотекатнесэ паро Интернет, эрьва кодат информационной ресурст ды периодической печать.

«Библиотекась карми важодеме социальной сетьсэ ды Интернет-СМИ-сэ. Книгань ды ловномань од форматось алтави неень шкань од ломантненень. Полавтови материально-технической базась», – кортась С.Н.Баулина.

«Единая Россия» партиянь членэсь, Ковылкинань райононь центральной библиотечной системань прявтось Марина Соловьева мельспаросо невтнинзе фондтнэнь.

«Те аволь ансяк од витнема-петнема ды мебель. Тесэ – полавтови ловныцянок марто весе важодемась. Минь кемтяно, кецявтсынек ловныцянок, истя жо сетнень, кить лангозонок кемсть, кить лездасть тенек», – кортась сон.

Ковылкинань райононь прявтось Николай Комусов ёвтнесь, библиотекань витнемась мольсь колмо ковонь перть.

«Теезь книгань алкуксонь мастор, кона а моли лия библиотекатнень ёнов. Неень шкань од оборудования, коммуникацият, одкстомтозь книгань фондось», – кортась сон.

Ковылкинань районной библиотекань ташто зданиясь стявтозель 50 иеде икеле. Ней тесэ теезь покш витнема-петнема. Сонзэ лемдить «Саморазвитие» библиотечной центракс. Эйсэнзэ улить «БиблиоНавигатор»; «Интеллект» центра; «Увлеченные чтением» эйкакшонь центра; «Гармония» арт-центра; «Истоки» этностудия ды лия мезе.

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».