Среда, августа 17, 2022
Важное

Умарьковонь 15-це чистэ эсь юбилеензэ тешкстызе Эрзянь ды мокшонь национальной драматической театрань прявтось Светлана Ивановна Дорогайкина. Те мазый ды паро авась минек газетанть вадря ялга. 



Светлана Ивановна чачсь 1970 иестэ Краснослободской ёнксонь Ташто Синдрова велесэ. Школань прядомадо мейле тонавтнесь Н.П.Огарёв лемсэ МГУ-со. Васня важодсь театрасо аволь штатной администраторокс ды келень-кортамонь коряс репетиторокс. 2015 иестэ ладязель театрань прявтокс.

Светлана Ивановна эсь таркасонзо. Сон ламо теи вечкевикс театранть ды сонзэ важодицятнень туртов. Муи кель-вал весень марто: актёртнэнь, режиссёртнэнь, художниктнень ды лиятнень. Нацтеатрасо иезэнзэ зярыя од путовкст, артисттнэ сеедьстэ ардтнить гастрольга, невтнить спектаклят театрань фестивальтнесэ-пелькстамотнесэ. Улить тиринь кельсэ виев путовкст, конат невтевить тесэ ды республикань томбале. Чарькодеви, покш коллективсэ улить ламо мелявксткак. Те авась муи вийть цидярдомс весементь, соды, кода витемс стакачитнень ды команданзо марто састыне юты икелев.

Мельспаро молемс Национальной театрав. Тосо весе инжетнень мизолкс марто васты Светлана Ивановна. Эрьва ваныцянтень сон яви мель, шумбракстни, ёвты, ков озамс. Спектаклянть ваномадо мейле – ильти, кевкстни, тусь-арась мельс путовксось ды терди самс таго. Маряви, тов сакшныть инжекс теке малавикс ломантнень туртов!

Чачома чи марто, Светлана Ивановна! Весе седейстэ арсетяно кеме шумбрачи, валдо уцяска ды эрямосо ансяк изнявкст!

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».