Рубрикатор

Зифа Альмяшева: «минек тевсэнть арасть ве ёндонь ломанть»

МВД-нь кинологонь службанть прявт тевезэ – те общественной сэтьмечинть ванстомась кода республиканть келес, истя жо сонзэ томбале. Сотрудникесь ды кискась – те а явовиця пелькс, лиякс меремс, кинологось свал эсензэ кисканть марто вейсэ топавтыть икелест путозь тевтнень. Полициянь старшей лейтенантонть, разведываниянь, служебной кискатнень кастомань, дрессировкань ды тренировкань отделениянь прявтонть Зифа Альмяшевань туртов Мордовия Республикава Кинологонь службань куншкакуросонть важодемась аволь ансяк профессия, те весе эрямонь тев.


Ледстни, васенце киска левксэнть, восточно-европейской овчарканть, эйкакшпингестэ сонензэ казизе тетязо.

Мон куватьс тетянь-авань кедьстэ вешинь киска, пурнынь азортомотнень, ансяк кудов сынст саемадост эзть мере. Зярдо монень топодсь 11 ие, тетям кандсь тень казнекс киска левкс. Превсэнзэяк арасель, казсь тень аволь ансяк покш мельспаро, истя жо редизе сы шкань профессиям, – корты Зифа Альмяшева.

Ниле пильгсэ оянть мельга якамось пек вечкевсь тейтерькантень, ды сон сайсь мель совамс Россиянь ДОСААФ-нть юрсо кискань кирдицятнень-трицятнень вейсэндявксонтень, косо кискатнень марто важодеманть истя жо топавтсть кинологтне. Сон сеедьстэ яксесь МВД-нь кинологонь куншкакуронтень, яла ламолгавтсь кискатнень коряс содамочинзэ. Зифань кисказо эрясь 8 иеть, теде мейле сон пек ормалгадсь. Тейтеренть арасельть виензэ лездамс ялгантень, эзть сато содамочитне медицинанть коряс. Секскак эсензэ туртов арсизе, школанть прядомадо мейле моли тонавтнеме аграрной факультетэв. Истя лисськак, Зифа «ветес» прядызе ветеринаронь специальностенть. Практиканть свал ютась кинологонь службань куншкакуросонть. Дипломонть получамодо мейле Зифа Альмяшева сась служамо тей. Васняяк важодсь ветврачокс, мейле – младшей кинологокс-инспекторокс. Течинь должностьсэнть вейсэндинзе весе содамочинзэ – левксыявты, касты киска левкстнэнь, ваны шумбрачист мельга, покш мель яви дрессировкантень, тонавты сынст.

Седейлембе марто авась корты профессиянь тевентень совавтыцядонзо, превс путыцядонзо, неть – Александр Мудров ды Александр Бойков. Неень шкане сынь поладыть вечкевикс тевест, куншкакуросонть важодить инспекторокс. Кискатнень вечкемась, сынст дрессировамо маштомась – неть ёнкстнэ вейсэндить весень, кить тесэ важодить.

Зифа Альмяшева 30 иеть важоди кинологонь куншкакуросонть, видькстась, сон а неи эсензэ эрямонзо кискавтомо. Ней питомниксэнть 48 кискат, ды эрьванть марто мусь «кель-вал».

Весть сонензэ гайневтсь Московсто ялгазо ды пачтясь, фабрикасонть, косо тонась важоди, эри киненьгак а эрявикс киска. Авась, куватьс апак арсе, сыргась Московов. Истя сонзэ ды Тимур цёранзо кармась од ояст – сырнень ретриверэсь.

Кискась эрясь мартост сисем иеть, те шканть перть кармась семиянь пелькскекс. Сонзэ куломадо мейле, Зифань валонзо коряс, кудось чамсь. Зярыя шкань ютазь сынь вастовсть Бакара марто. Те ульнесь Чебоксары ошсо, ков Зифа якась инжекс ялганстэнь. «Мон ансяк варштынь сельмезэнзэ: раужот, налксицят, ды сеске чарькодинь, те монь эйдесь». Киска левксэськак сеске редизе од азоронть, чокшнень перть аштесь кедь лангсонзо. Зифа кортызе ялганзо максомс кисканть сонензэ. Ды эзь маняво, фокстерьерэнть пек вадря профессиональной ёрокчинзэ, сынь кармасть службань коряс напарникекс – вейсэ важодить уголовной тевтнень панжомаст коряс.

 Зифа истя жо теевсь ялгакс Белла немецень овчарканть марто, сеедьстэ сайни эйсэнзэ кудов. Мартонзо вейсэ ванстыть общественной сэтьмечинть, важодить преступлениятнень ды правань коламотнень профилактиканть ды а нолдамонть коряс.

Кинологось истя жо ледстизе Лайма овчарканть, сон уш кулось. 2012 иестэ те кискадонть кармасть содамо республикань келес, сон идесь ломанень эрямо. Зыянов тевесь лиссь «Силовик» гаражонь вейсэндявкссонть, конась ашти Саранскоень Строительной куросонть. Зифа кисканть марто мольсть ушова, ваксозост чийсь сыре ломань ды пачтясь, вейке гаражсонть ацетонь чинеденть лепиясть кавто цёрат.

Монь гаражось ашти каршост. Неинь, сыре ломанесь красясь гараж  потмонть. Ванан, сон куватьс а лиси, зярыя шкань ютазь гаражонтень совась цёразо. Тонаськак ёмась. Молинь варштамо мезе тосо лиссь. Неинь, каськань кенкшесь панжадо ды тосо (1,5 метрань сэрьсэ) празь кавто ломанть, – ёвтнесь цёрась.

Гаражонтень совамсто Зифа редизе, седе сыре цёрась уш кулось, омбоцесь эштё лекси. Авась истя жо чарькодсь, верев сонензэ ськамонзо сынь а кепедевить, ацетононь чинеськак пек виевель. Гайневтсь мартонзо важодицятненень, тердсь медицинань куроконь лезксэнь служба. Врачтнень самс цератнень кепедизь верев. Од цёрантень Зифа явсь медицинань лезкс. Колмо минутань ютазь тонась сась ёжос. Врачтне мейле толковизь, бути лезксэсь а максоволь шкастонзо, цёрась куловоль… Тетязо уш эзь идеве. Весе те шканть перть Лайма ульнесь азораванзо вакссо.

Эштё вейке ялганть, Каста овчарканть марто, конась важодсь кулявтомо ёмазтнень вешнеманть коряс, сынь идизь куломадо сыре бабанть. Тевесь лиссь Рузаевка ёнксонь Хованщина велесэ 2017 иень сундерьковсто. Авась сыргась шабра велев ды ёмась. Ветявсть вешнемань виев тевтеемат, тердезельть волонтёрт. Ниле чинь перть ванновсть веленть маласо весе таркатне. «Меельце метратнень ванномсто, Каста кармась онгомо ды чийнеме ве таркасо, – корты Зифа. – Мон чиинь малазонзо ды коське сэрей тикшенть потсто неия празь сыре аванть, сон ульнесь ёжосо, ансяк овсе вийтемель, кельмезь ды вачоль. Куроксто ваксозонок састь ломанть, аванть оршавтынек, тердинек медицинань куроконь лезкс ды пачтинек больницяв».

Те тевденть Зифа натой ёвтнесь Россиянь МВД-нь министрантень Владимир Колокольцевнень – Тейтерь-авань раськеютконь чинть каршо сон тердезель Московов, тосо сонензэ ёвтасть лембе поздоровт ды тешкстызь покш казнесэ.

Неень шкань кодамояк техникась ды аппаратурась а полавтсы кискань судонть. Куш кодамо техникась калады, максы аволь виде куля. Кискатне жо тень коряс пек кемевикст. Служебной кискатнень таликаст преступлениятнень панжомасо покштояк покш. Те ракшанть судозо – лия ёнов а молиця инструмент, конась ломанень судонть коряс реди кементь тёжадо седе ламо эрьва кодат чинеть, – ёвтни Зифа. – Эрьва чистэ зярыя часонь перть кискатнень марто ютавтовить тренировкат, якатано мартост ошонь куротнева, ламо ломанень пурнавома таркатнева, лавкатнева, усксетяно транспортсо – истя ушодтано анокстамо службантень. Те – тевс совавтомань пелькс. Зярдо жо кискантень топоди ие, сестэ ушодови виев дрессировкась.

Сынь теке ломанть, эрьванть эсензэ обуцязо, секскак дрессировканть шкасто тевс нолдан важодемань башка ёнкстнэнь – веенст вечкить налксеме, омбонст тантейстэ ярсамо. Кискатне редить монь ёжом, марить эйсэнь. Видестэ мартост важодемась – те цела искусства. Бути сёвнат кисканть, эряви алкукс кежейгадомс лангозонзо, рангомс, сон чарькодезэ: азоронтень мезесь-бути мельс а тукшны. А уш бути шнамс, сестэ седейшкава, кискась седеяк вадрясто карми важодеме. Паряк, секскак минек службасонть арасть ве ёндонь ломанть.

 

Анокстызе

Татьяна  Аксенова

 
Горяйновка веленть маласо...

 


Июнень 28-це чистэ панжозель Сокамонь коряс Россиянь 8-це чемпионатось, конасонть эсь ёрокчист невтизь Россиянь 39 регионсто 49 трактористт. Почетной инжетнень ютксо ульнесть РФ-нь Велень хозяйствань министерствань растениеводствань, механизациянь, химизациянь ды касовкстнэнь ванстомаст коряс департаментэнь директорось Роман Некрасов, Сокамонь весемирэнь организациянь председателесь Колин Миллер.  Теке чистэнть РФ-нь Госдумань аграрной кевкстематнень коряс комитетэнь председателесь Владимир Кашин, РФ-нь велень хозяйствань министрань васенце полавтыцясь Джамбулат Хатуов, «Росагролизинг» АО-нь генеральной директорось Павел Косов, РФ-нь Госдумань депутаттнэ, МР-ва главной федеральной инспекторось М.С.Сезганов,  велень хозяйствань техникань содавикс нолдыцятнень представительтне МР-нь Прявтонть В.Д.Волковонь марто ванкшнызь выставкатнень, конат теезельть Саранск ошонь округонь Горяйновка веленть вакссо.

Тесэ инжетне ванкшнызь велень хозяйствань техниканть ды оборудованиянть, республикань муниципальной районтнэнь, пищевой ды перерабатывающей предприятиятнень ды лиятнень продукцияст. Весень мельс пек тусь «Березниковский» велень хозяйствань перерабатывающей кооперативенть продукциязо. Сынь нолдыть ансяк паро сосискат, сарделькат, эрьва кодамо сортонь колбаса, колмо видэнь тушенка – тувонь, скалонь, куркань сывельстэ, мраморной сывельстэ шашлык ды лия мезе. Кооперативесь, косо лововить 10 ломанть, важоди уш кавто иеть. Сонзэ прявтсо ашти М.В.Струёнков.

Михаил Владимирович видькстась, колбасань-мезень анокстамсто производствас сывельде башка мезеяк а кайсеви. Тень мельга кеместэ ваны технологось Григорий Наумкин.

Мордовиянь инжетне кувать аштесть «Сыродельный комбинат «Ичалковский» предприятиянь палатканть вакссо. Тесэ инжетне ды участниктне ванкшнызь «Пармезан», «Монгал» ды лия сортонь сыратнень.

«Агрофирма «Октябрьская» нармунень фабрикань прявтось И.С.Андин инжетнень содавтынзе продукциянть марто, конань нолдыпредприятиясь, ды, нама, микшневи аволь ансяк минек республикасо, сонзэ томбалеяк. Аволь умок нармунень фабрикась ушодсь нолдамо мороженой. Течи сонзэ нолдыть 11 видэнь.

Джамбулат Хатуовонь валонзо коряс, Россиянь велень хозяйствань министрась Николай Патрушев мель явсь сеть невтематненень, конатнень таштынзе республикась. Региононть а берянь экспортозо. Паро изнявкст таштазь животноводствасо ды растениеводствасо. Переработкасо тевс нолдавить неень шкань технологиятне. Целанек Мордовиянь агропромышленной комплексэсь важоди пек виевстэ.

МР-нь Прявтонть В.Д.Волковонь валонзо коряс, республикань велень хозяйстванть виегавтомасо те турнирэсь лездась теемс эскелькс икелев.

Паро, те площадкасонть невтневи весе вадрясь, мезе ули Россиянь АПК-со. Тесэ ламо од ломанть, конатне карзень кувалма кенярдомс, эдь минь нолдатано весементь, мезе теить велень хозяйствасо масторлангсонть, Россиясо. Ды отраслясь ловови сехте технологичнойтнестэ вейкекс, –  тешкстызе Владимир Дмитриевич.

Истя жо В.Д.Волков ледстизе, «Росагролизингенть» марто вейсэ Дубенкань районсо строяви 6,5 тёжат потявтовиця скалс комплексэсь, кона карми Россиясо сехте покштнестэ вейкекс.

Кода мерсь Владимир Кашин, РФ-нь Госдумань аграрной кевкстематнень коряс комитетэнть республикав самось анокстазель загодь. Аравтлувсост васенце таркасоль Мордовиясо Сокамонь коряс Россиянь чемпионатонть ютавтомась. «Те анокстамонть лувсо теезь ламо, те течи тесэ неяви. Сетнень туртов, кить важодить велесэ, профессиянтень, корьмаентень мелень явома. Техникась, конась нолдави масторсонок, кецявты. Минь толковасынек сень, мезе эряви велентень, штобу парсте, емавкстомо ютавтомс видематнень ды паксянь урядамотнень. Покш меленек – велесэ эрямось паролгадоволь», – тешкстызе Владимир Кашин.

«Росагролизингень» генеральной директорось Павел Косов ледстизе, предприятиясь

ловови АПК-нь рынкасо сехте эрявикстнэстэ вейкекс, истя жо сон – Россиянь велень хозяйствань техникань сехте виев рамиця ды микшниця.  «Мордовиясь – сехте малавикс ды умонь партнёронок.  Секс покш мель явтано республикантень, сонзэ прявттнэнень. Минь тей ламо ярмакт явинек», – тешкстызе Павел Косов.

Тешкстасынек, июнень 28-це чистэ Сокамонь коряс Россиянь чемпионатонть лувсо ютавтозельть зярыя мероприятият, тень ютксо: «Обновление парка сельхозтехники: опыт, практика, перспектива» пленарной конференциясь, Кадошкина поселкасо «Мир цветов» тепличной хозяйстванть ванкшномась, истя жо Ковылкина райононь Кочелаева велесэ РФ-нь Госдумань аграрной кевкстематнень коряс комитетэнь выездной заседаниясь, конань темазо ульнесь истямо: «Сельские территории в пространственном развитии страны: потенциал, состояние, перспективы (на примере Республика Мордовия).

«Обновление парка сельхозтехники: опыт, практика, перспективы» пленарной конференциянть панжомсто, МР-нь Прявтось В.Д. Волков мерсь: «Мордовиянть туртов пек паро, што сон кочказь Сокамонь коряс Россиянь чемпионатонь ютавтомань таркакс.

Те решениянть кис покш сюкпря РФ-нь велень хозяйствань министерствань ды «Росагролизинг» государственной компаниянь прявттнэнень. Минь кецятано, мероприятиясь лиссь пек покшокс, тей састь Россиянь ламо регионсто. Тей пурнавсть государственной ды общественной организациянь прявттнэ, авторитетной эксперттнэ, покш предприятиянь ды фермерэнь хозяйствань азортнэ, сень кисэ, штобу муемс кить-янт аграрной отраслясо талновтыця кевкстематнень изнямосо».

Течи Мордовиясо лововить 3 тёжадо ламо тракторт, вейке ды пель тёжат сюронь ды коромонь урядамонь комбайнат, малав 3,5 тёжат видемань ды велень хозяйствань инвентарь.

РФ-нь Госдумань велень хозяйствань кевкстематнень коряс комитетэнь председателесь Владимир Кашин промкссонть тешкстызе, республикасо эрямос совавтовить паро проекттнэ. Сонзэ валонзо коряс, розень кастомасонть ды сырань нолдамосонть теезь виев эскелькс, АПК-нть виевгавтомасо республиканть опытэсь тонавтневи Россиянь лия регионтнэсэ.

Истя, кавто чить пелькстасть трактористтнэ Сокамонь коряс Россиянь чемпионатсонть. Раськеютконь судьянь коллегиясь, конань составс совасть Европейской сокамонь федерациянь ды масторлангонь сокамонь организациянь члентнэ, изницякс ёвтызе Пензань областень трактористэнть Сергей Захаровонь. Сонензэ максозь главной казнесь – Петербургонь тракторонь заводонь  «К-424» тракторось.

Чемпионатонь призёрокс кармасть Орловской областень трастористэсь Виктор Устинов ды Ивановской областень трактористэсь Сергей Телегин.

Неть пелькстамотнесэ пек бажась изнямс Мордовиянь трактористэсь Сергей Митрофанов, но изницятнень юткс сон эзь понго.

Мордовиянь лия представителесь Алексей Киреев (Покш Березникень район), эсь ёрокчинзэ невтизе «Трактор-шоусо» ды тесэ саизе колмоце тарканть.

 

Пётр Зиновьев,

Саранск ошонь Октябрьской райононь

Горяйновка веле

 
Зярдо вечкат – изнят!

 

Те иень васенце пельксстэнть РФ-нь Президентэнь грантонь пелькстамосонть изницякс лиссть Мордовиянь 18 аволь коммерческой общественной организацият. Сехте ламо ярмакт – 2 миллионт 157 тёжат целковойть макссть «Од веле» велень территориянь виевгавтомань региононь общественной организациянтень, конань прявтсо эрзянь цёрась, МР-нь Общественной палатань членэсь, социологической наукань кандидатось Евгений Евгеньевич Ледяйкин. Неть ярмактне ютавтовить Покш Березникень Паракина велень «Музейно-культурный центр Дом традиций» проектэнть эрямос совавтомантень.


Эрьва ломанесь, кинь эйкакшпингезэ ютась велесэ, зярдояк а стувтсынзе сеть ледстнематнень, конатне сюлмавозь тиринь кудонть ды малавиксэнзэ вечкеманть, ансяк потявтозь ловсонть танстензэ ды луганарганть кепе чийнеманть марто. Неть ледстнематне поладовить эштё ламо эрьва кодат седеень эждиця, мельспаронь кандыця ёжомарямотнень марто. Ошов туезетнень эйстэ аламот, кить алкукс пиить-палыть чачома ёнксонть, покштятнень-бабатнень модаст кувалма. Виде, улить истят, кить а кадныть тетяст-аваст сад-пиретнень, оймсема читнестэ ардтнить оймсеме, кудост одкстомтомо, пирест путомо. А вана истятнэде, кить велявтсть эрямо тиринь велев: путсть кудо ды бажить паролгавтомс тозонь эрямо кадовозтнень уцяскаст – сурсо лововить.

Видькстан, сеске эзинь кеме, зярдо маринь эрзянь цёранть, Покш Березникень Паракина велесэ чачозенть-касозенть Евгений Евгеньевич Ледяйкинэнь аволь ансяк тиринь ёнксов эрямо самодо, эштё тосо эрямонь лувонть полавтомо снартомадо…

Виде, вейсэнь ялгатнень пельде аволь весть савсь марсемс Евгений Евгеньевичень эрямодо, масторлангонь келес ардтнемадо ды масторонь прявт ошсо парсте важодемадо. Лиясь бу сонзэ таркас эряволь ды саевель ансяк эсензэ лезэс весе паронть. Нать, лиякс трязь-кастозь те эрзянь цёрась, конась сайсь мель содамс-ванстомс эсь ундоксонзо.

Ледстясынек, Евгений Ледяйкин Паракинань средней школанть парсте прядомадо мейле, 1994 иестэ ушодсь тонавтнеме Московсо Международной ояксчинь (Дружбы народов) университетсэ инженер-строитель специальностень коряс. Сонзэ прядомадо мейле тоско кадовсь важодеме теке специальностенть коряс. Теке шкастонть ушодсь ветямо общественной покш робота, совась «Эрзянь вайгель» общественной организациянтень, косо Мордовиянь томбале эрицятне бажить ванстомс тиринь келенть, вельмевтемс минек раськень койтнень-кирдатнень. Те организациянть прявтокс сонзэ кочкамодо мейле самай истямо вастовомасо, теевинек содавиксэкс Е.Е.Ледяйкин марто. Виде, сондензэ карминь содамо ков седе икеле, теде пачтян седе тов.

Те промксось, конась сестэ ютакшнось масторонь прявт ошсо, мелезэнек пек тусь. Васняяк сеньсэ, сон вейсэндясь эрьва кодамо профессиянь важодицят, Мордовиянь икелень эрицят, кить республиканть эйстэ ве ёно эрязь, тошнакадсть тиринь ёнксонть кисэ, весе седейсэ мелявтсть раськень койтнень-кирдатнень ванстомадо. Ламот юткстост невтизь ёрокчист киштемасо-морамосо, ламонь содамосо.

Од прявтонть самодо мейле, те общественной организациясь поладызе ушодозенть ды ламо од кармась совавтомо эсест вейсэндявксонтень, конань минь свал редятано «Голос Эрзи» социальной сетень сайтстост.

                                           Умонь ледстнематнестэ
Сёрмадыцянь тевенть топавтомсто ледстневи, 2006 иестэ савсь тень улемс Покш Березникень Паракина велесэ ды теевемс содавиксэкс Е.Е.Ледяйкинэнь аванзо, Александра Михайловнань, икелень тонавтыцянть, чевте седей, ламос бажиця тейтерь-аванть марто. Тешкстасынек, сон рузава. Эйкакшпингезэ ютась Тазина велесэ. Паракинав мирденень лисемадо мейле аволь ансяк парсте кармась содамо эрзянь келенть, мик ламо иеть ульнесь эрзянь келень тонавтыцякс, алкукс мелявтсь келенть кис. Нать, ламось те обуцянь ёнксстонть ютась веженць цёранстэнь Евгенийнень. Эштё ламо иес тень кадовсь ледстневицякс истямо тевесь, кодашка покш путовксозо ульнесь Александра Михайловнань Паракина велесэ церькованть кепедемасо, ознома тарканть вейсэ ялганзо марто теемасо. Ледстневи, эрзянь авась седейшкава тень ёвтнесь аволь ансяк эрямодонзо, истя жо ламо превс путомат пачтясь эйкакшонь трямодо-кастомадо. Туемстэ прянь апак шна тень ёвтась, кодамо покш мельспаросо ашти веженць цёранзо Женянь Московсо тонавтнеманть коряс. Нама, содавольгак Александра Михайловна икелепелев цёранзо Женянь тиринь велев велявтомадо, каштанчизэ ков седе покш улевель…

Кода ломань ютксо кортыть, цёрась масторлангонь колмонест покш тевтнень топавтынзе: кудо путсь, цёра кастась, ламо чувтот озавтсь.

Валентина Юдина

Аштемковонь 25-це чистэ эрзянь цёрась Евгений Евгеньевич Ледяйкин тешкстызе чачома чинзэ. Сонзэ лемс ёвтавсть ламо поздоровт ды паронь арсемат, конатненень вейсэндявтано миньгак, «Эрзянь правда» газетань теицятне. Арсетяно тензэ кеме шумбрачи, эрямосо уцяска, весе мелензэ топавтома. Кадык икелепелевгак сатыть виензэ тиринь ёнксонть паролгавтомс, республиканть ды масторонть сюпалгавтомс!

 
Алёна Маскаева: «Виев обуцясь лезды тень изнямс!»

Аволь умок Московсо ютась цёратнень ды аватнень ютксо смешанной боевой единоборствань коряс (ММА) Россиянь Чемпионат. Пелькстамосонть ульнесть 112 спортсмент, конат сакшность федеральной весе округтнестэ. Равчирень федеральной округонть пельде ульнесь М.Е.Евсевьев лемсэ МГПИ-нь филологиянь факультетэнь 1 курсонь студенткась, эрзянь тейтересь Алёна Маскаева. Сон лиссь финалс аватнень ютксо 70,8 кг сталмонь категориясо смешанной боевой единоборствань коряс ды изнясь сиянь медаль. Сонзэ вадря невтевкстнэнь вельде ПФО-нь авань сборноесь общекомандань зачетсо лиссь омбоце таркас.

Россиянь Чемпионатсо изнямонть вельде Алёна тердевсь ММА-нь коряс Европань чемпионатов Италияв, ансяк тов, нама, эрявить ламо ярмакт… Секскак минек спортсменкась апаркстомсь, эзь понго тюреме омбо масторов.

Алёнанень 19 иеть. Сисемеце классто саезь покш мель яви спортонтень, налксесь баскетболсо. Мейле кармась бороцямо. Ней сон ламо шка ютавты вольной бороцямонь ды самбонь коряс тренировкатнесэ, конат ютыть зярыя таркава: «Динамосо», 4№ ДЮСШ-сэ. Тренерэзэяк аволь вейке, неть: В.Б.Ковалёв, Л.Ю.Зинченко, М.А.Чекурков. Сон ёвты тенст покш сюкпря. Алёна невтнизе ёрокчинзэ вольной бороцямонь ды самбонь коряс ПФО-нь соревнованиятнесэ. Аволь весть лиснесь призёрокс ды изницякс.

Паряк, ламот эйстэнек дивазевить, мекс од тейтерь-аватне кочкить истямо тев? Самай те кевкстеманть максынек Алёнанень.

– Тюремс аволь шожда, тень лангс апак вано, монень пек вечкеви спортонь те видэсь. Тосо невтеви виев обуцясь, а пелемась. Московсо ютазь Чемпионатось макссь тень сёлмот. Эсень сельмсэ неия кода-мезе, кода ютыть истят покш пелькстамотне.

Пединститутонь весе тонавтыцятне ды тонавтницятне аштить каштанчисэ студентканть кувалма. Кецнить ды мелявтыть кисэнзэ малавиксэнзэ. Миньгак арсетяно од тейтерентень ансяк изнявкст ды икелев молемань покш ки!

Татьяна Маторкина

 
Раськень спортонтень – улемс?!

                                                                                                                                                                                                                       


Меельце шкастонть минек масторсо пек покш мель кармасть явомо спортонтень. Чарькодеви, васенце таркасо ашти, кода тензэ мерить, покш спортось. Ансяк, кода нетяно, сонзэ экшсэ сеедьстэ кекшевить спортивной истят налксематне ды пелькстамотне, кодат ульнесть седикеле эрьва раськенть эрямосо. Эрзянь ды мокшонь раськентькак седикеле ульнесть шумбрачинь кемекстамонь ды виень кастомань эсест коест. Сынь, нама, ламо таркава стувтозь. Паро, муевсть ломанть, кить кундасть одс вельмевтемест. Те, васняяк, Павел Валерьевич Мигунов. Те ломанесь, ловт, весе виензэ путы эрзянь-мокшонь ды финнэнь-угрань лия раськень спортонь налксематнень эрямос одс совавтомантень. Косо кодат ютыть покшчить, промкст, вастовомат, тов бажи понгомс сонгак. Ды аволь ансяк понгомс. Эрьва косо бажи ютавтнемс пелькстамот спортонь сеть налксематнень коряс, конат малавикст минек раськентень. Яки велень, ошонь школатнева, косо истя жо бажи невтемс эрзянь-мокшонь раськень спортонь налксематнень, тевень содазь ёвтни, мекс эрявить сынст совавтомс школань программатнес. Теке энялдоманть марто а лоткси пшкалемадо покш прявттнэненьгак.

 

Эряви меремс, Мигуновонь энялдоманзо ламот вастыть чарькодезь ды лездамскак анокт. Истят мельть ёвтазельть Мордовия Республикань Общественной палатань келей промкссонтькак, кона ульнесь аштемковонь 19 чистэ. Сон ютавтозель патриотической воспитаниянь, од ломанень политикань ды тевтнень эсь мельсэ ветямонь комиссиянть (прявтось Н.А.Кручинкин) ушодксонзо коряс. Промксонть панжомсто МР-нь Общественной палатань ветиесь И.В.Капитонов пуромозтнень тердинзе ёвтамс эсь мелест-арсемаст сень коряс, эряви-арась школань программатнес совавтомс эрзянь-мокшонь раськень спортивной налксематнень. Кой-кить ёвтасть кавтолдомат. Теке марто каршо молицят арасельть. Мекевланк, весе тешкстасть: раськень спортонь налксематне – культурань пелькс. Секс а кода сынст ёртомс ве ёнов. Кода мерсь Н.А.Кручинкин, эсь раськень культуранть марто эйкакшонть содавтомо эряви ушодомс эйдень кужосто саезь. Сестэ ансяк сонзэ оймесэ вельми раськень ёжось.

Сонзэ валонзо поладынзе содавикс ученоесь Б.Ф.Кевбрин ды ледстизе, кода эрзятне ды мокшотне икеле (ды нейгак) виздильть кортамо тиринь кельсэст. «Те шкас арсян, мейсэ тувталось? А вана татаронь ломантне зярдояк а виздить эсест келест эйстэ?» – мерсь профессорось ды сонсь толковизе: «Ломанесь а карми вечкеме эсензэ культуранть, а сыремтиндерясызь те ёжонть сонзэ седейс эйкакшпингстэ саезь».

Те тевсэнть, ученоенть валонзо коряс, лезды этноспортоськак, кона седе виевстэ ладязь тюркской раськетнень ды Сибирень раськетнень ютксо. А стяко сынь седе ванстовсть. Ней этноспортонть кемекстамонзо коряс кевкстематнень саинзе эсензэ лангс Россиянь Традиционной налксемань ды этноспортонь федерациясь, ков Мордовиянть пельде сови П.В.Мигунов. Кода спортонть марто сюлмавозь тевтнень парсте содыця, Павел Валерьевич пачтясь: весе масторлангонь спортивной покш пелькстамотнесэ аладямотнень кувалма Россиянь спорткуронь прявттнэ вешнить лия кить. Вейкесь эйстэст – те национальной ды аволь олимпийской спортонь фестивалесь, кона ютась уш Ульяновскойсэ (2014, 2015, 2017 иетнестэ), Сыктывкарсо (2016 иестэ). 2021 иестэ Национальной ды аволь олимпийской налксемань масторлангонь пелькстамот кармить улеме Уфасо.

Лия пелькстамот секе тев ютнить Якутиясо: «Азиянь эйкакшт» Раськеютконь налксемат, конатнень ютавтомаст кисэ Саха Республикань (Якутиянь) прявтонтень максозель Шнамонь конев Россиянь Президентэнть пельде. Кизэнь Универсиададонть мейле (2013) Казаньсэ ютасть од ломанень масторлангонь III налксематне, конатнесэ пелькстасть од спортсмент 48 мастортнэстэ. Футболонь коряс масторлангонь чемпионаттонть мейле (2018), паряк, Мордовияськак саи эсензэ лангс ютавтомс покш пелькстамот, конатнестэ вейкенть паро улевель лемдямс «Финно-угриянь эйкакшт» Раськеютконь эйкакшонь налксемат?

Те весе паро. Стакачись лиясо: кода тень совавтомс эрямос? Эрьва тевенть топавтоманзо туртов эрявить ярмакт. Минек, кода свал, сынь арасть. Косто сынст саемс? Неть стакачитнень эйстэ лисема кись, кода мерсь Общественной палатань студенческой комиссиянь ветиесь Алексей Надин, те – сёрмадомс проектт. Ней эрьва кодат фондтнэде пек ламо. Пек покш кемемат, марят, максы Президентэнь фондось. Тедеде те фондонь грантонть кис ламо пелькстыцятне лиссть изницякс. Паряк, П.В.Мигуновонь вейсэндявксонтеньгак варчамс виенть те тевсэнть?

Проектэнь сёрмадомась – тевесь а берянь. Ансяк аволь эрьвась машты тень тееме. Ламот умок уш терявтнить сермалемс проектт ды стяко. Келя, ансяк ёмавтнетяно шканть ды вийтнень.
Промксось ялатеке эзь юта чаво кортамосо. И.В.Капитонов алтась те кевкстеманть кепедемс общественной советсэ, козонь тердевить ломанть колмо (образованиянь, культурань ды спортонь) министерствасто. Арсетяно, Иван Владимирович топавтсы алтамонзо. Ды, паряк, школань программатнес раськень спортивной налксематнень совавтомадо П.В.Мигуновонь мелезэ-арсемазо окойники юты тевс. Те улевель покш изнявксокс VII Инекужонть самодо икеле шкастонть.

Раиса Щанкина

 

 
<< Первая < Предыдущая 1 2 3 4 5 6 7 8 9 10 Следующая > Последняя >>

Новости

В «Единой России» хотят повысить штрафы за задержку рейсов и багажа в 10 раз
В «Единой России» предлагают увеличить штраф за просрочку
доставки пассажира, багажа или груза и рассчитывать его в размере 3% от
провозной платы за каждый час задержки, об этом пишет газета «Известия».
Соответствующие поправки комитет нижней палаты парламента по
транспорту и строительству планирует внести ко второму чтению
законопроекта «О внесении изменений в статью 120 Воздушного кодекса РФ
в части ответственности перевозчика за просрочку доставки пассажира,
багажа или груза» в осеннюю сессию. Об этом заявил член профильного
комитета Государственной Думы Максим Сураев.
Подробнее ...
 
В Мордовии стартует акция «Здравствуй, школа!»

 

Не так много времени остается до начала нового учебного года, и скоро родители учеников начнут собирать детей в школу. Но есть те, кто оказался в сложной жизненной ситуации. На помощь им ежегодно приходят организаторы республиканской акции «Здравствуй, школа!» - Российский фонд милосердия и здоровья, региональное отделение Партии «Единая Россия», Федерация профсоюзов РМ и «Молодая Гвардия Единой России» РМ.

«Бесспорно, что для первоклашек, которые с нетерпением ждут этот день, 1 сентября – настоящий праздник! И все они думают и мечтают о том, как первый раз пойдут в школу с новыми учебниками и тетрадями и с букетом цветов в руках. К сожалению, не все семьи могут себе позволить полноценно собрать ребёнка в школу – купить рюкзаки, альбомы, краски и другие канцелярские товары. В рамках ежегодной акции «Здравствуй, школа!» мы помогаем многодетным и малообеспеченным семьям собрать первоклассников в школу. Это очень важно, чтобы у каждого ребенка было все необходимое для учебы вне зависимости от достатка семьи», - говорит председатель регионального отделения Российского фонда милосердия и здоровья, координатор федерального партийного проекта «Крепкая семья» в Республике Мордовия Людмила Никонова. - Основная цель акции - привлечь внимание общественности к проблемам социально незащищенных категорий детей республики, оказать материальную поддержку детям из малообеспеченных семей к учебному году.

«Мы объявили сбор денежных средств для детей, оказавшихся в трудной жизненной ситуации. Спонсорскую помощь окажут представители депутатского корпуса, бизнес-сообщества», - продолжает Людмила Никонова.

Каждый желающий также может перечислить средства на расчетный счет благотворительного фонда. Номер расчетного счета – 40703810839150000735. В платежном поручении необходимо указать: пожертвование на проведение республиканской акции «Здравствуй, школа!».

До 1 сентября акция пройдет во всех районах республики, в Саранске вручение подарков к школе для 100 детей из малообеспеченных и многодетных семей состоится 29 августа в Мордовском национальном драматическом театре.

 

 

 
Единороссы Мордовии помогают многодетной семье, пострадавшей от пожара

 



8 июля в п. Тургенево Ардатовского района Республики Мордовия сгорел дом многодетной семьи Потылициных, воспитывающих 4 детей и ожидающей в скором времени рождение пятого малыша. Ситуацию с организацией помощи погорельцам взял под личный контроль член Генерального совета Партии, Секретарь МРО Партии «ЕДИНАЯ РОССИЯ» Владимир Чибиркин.

Мордовское региональное отделение ВПП «ЕДИНАЯ РОССИЯ» сразу же объявило сбор вещей и предметов первой необходимости для пострадавшей семьи Потылициных. Поддержку семье оказали член Совета Федерации Владимир Литюшкин, депутаты Государственного Собрания РМ Анатолий Бузлаев и Владимир Кабаев, аппарат Государственного Собрания республики. Что немаловажно, семье один из депутатов готов предоставить стройматериалы для восстановления дома. Погорельцы уже дали свое согласие.

Тем временем, неравнодушные граждане Мордовии продолжают нести в Региональный исполнительный комитет МРО Партии вещи, игрушки для детей пострадавшей от пожара семьи.

Принимая очередные пакеты с вещами от сотрудника мордовского РИК, многодетная мама Оксана Потылицина поблагодарила всех неравнодушных граждан, которые оказали ее семье помощь:

«Большое всем спасибо, кто не прошел мимо нашей беды. Это очень страшно в одночасье остаться без дома с маленькими детьми на руках. Спасибо депутатам, гражданам за неравнодушие, человечность».

 

 
Единороссы прочитали цикл лекций для молодых политиков на форуме «Инерка»

 

 

В девятый раз образовательный форум «Инерка» собрал активистов молодежных движений Мордовии. В этом году участниками палаточного лагеря в Большеберезниковском районе стало около 700 человек.

По традиции одним из направлений форума стала площадка «Молодые политики». В течение четырех дней ребята получали дополнительные знания в области политологии, социологии, экономики, ораторского искусства, направлений государственной политики.

Работа форума — это ежедневные лекции, мастер-классы, беседы с экспертами, обучающие семинары и тренинги. Со слушателями площадки встречались Секретарь МРО Партии «Единая Россия», член Генерального совета Партии, Председатель Госсобрания РМ Владимир Чибиркин, член Совета Федерации Федерального Собрания РФ Владимир Литюшкин, заместитель Секретаря Регионального отделения Партии по агитационно-пропагандистской работе Валерий Маресьев, региональный координатор ПФО МГЕР Люция Юлуева, и.о. Первого заместителя Регионального исполнительного комитета Партии Евгений Миронов, депутаты Государственного Собрания РМ и другие эксперты.

В рамках встреч со спикерами поднимались не только политические темы. Ребята обсуждали волнующие их вопросы, в том числе о возможностях самореализации для молодого поколения. Направление «Молодые политики» стало площадкой для профессиональной политической подготовки молодых лидеров и создания кадрового резерва нашего региона.

В заключительный день были подведены итоги работы форума. От имени Главы республики, Госсобрания РМ и регионального отделения Партии «Единая Россия» Владимир Чибиркин поздравил всех участников «Инерки-2019».

«Сегодня у молодого поколения нашей республики есть возможность реализовать себя во многих направлениях. Партии «Единая Россия» уделяет большое значение образованию молодежи, - отметил Владимир Чибиркин. - У вас было много образовательных лекций, спортивных и развлекательных мероприятий, с вами встречались компетентные эксперты. Вы приобрели новые знания, которые теперь сможете внести в свои коллективы. Уверен, что на следующий юбилейный форум вы приедете с новыми идеями и планами, которые будут реализованы в нашей республике».

Особо отличившимся Владимир Чибиркин вручил заслуженные награды: благодарности Главы республики, Председателя Госсобрания РМ и Федерального агентства по делам молодежи, знаки «Общественное признание». В числе награжденных – врио Руководителя регионального отделения «Молодой Гвардии Единой России» Владимир Шаляев, заместитель руководителя Ковылкинского отделения «Молодой Гвардии Единой России» Надежда Шушняева.

 

 
Госдума одобрила в третьем чтении законопроекты о защите медработников и пациентов

 

 Речь идет о внесении изменений в Уголовный кодекс РФ и Кодекс об административных правонарушениях РФ

Госдума приняла в третьем, окончательном чтении два законопроекта, которые направлены на защиту медицинских работников и пациентов. Речь идет о внесении изменений в Уголовный кодекс РФ и Кодекс об административных правонарушениях России, которые предполагают усиление ответственности за воспрепятствование деятельности медицинских работников.

Действующим законодательством установлена повышенная уголовная ответственность за убийство, умышленное причинение тяжкого и средней тяжести вреда здоровью, совершенные в отношении лица в связи с осуществлением служебной деятельности. Данная норма теперь будет применятся при совершении преступлений в отношении медицинских работников при осуществлении ими служебной деятельности.

Законопроектом предлагается распространить данный подход на причинение легкого вреда здоровью и угрозу убийством или причинением тяжкого вреда здоровью и внести соответствующие изменения в статьи 115, 119 УК РФ. Также предлагается установить в уголовном законодательстве ответственность за воспрепятствование оказанию медицинской помощи.

Как отмечается в пояснительной записке, в ряде муниципалитетов пострадавший медработник является единственным профессионалом, способным оказать медицинскую помощь. В таких случаях преступлением под угрозу ставится не только здоровье или жизнь самого медработника или отдельного пациента, но и здоровье неопределенного числа жителей населенного пункта, лишенных возможности получить необходимую, иногда неотложную, медпомощь, что существенно увеличивает общественную опасность таких посягательств.

В Кодекс об административных правонарушениях России предлагаются изменения, устанавливающие ответственность за воспрепятствование в какой бы то ни было форме законной деятельности медработника, если эти действия не содержат признаков уголовно наказуемого деяния. Кроме того, усиливается ответственность за непредоставление преимущества в движении скорой помощи с включенными проблесковыми маячками и со специальным звуковым сигналом. Теперь штраф за подобные действия составит от 3 до 5 тысяч рублей или лишение права управления ТС на срок до одного года (сейчас действует штраф в размере 500 рублей или лишение права управления ТС на срок от одного до трех месяцев).

Как ранее заявлял депутат Госдумы, заместитель секретаря Генсовета Партии Александр Грибов, новеллой является расширение действия статьи «на случаи посягательств не только на лиц, осуществляющих деятельность, но и их близких или лиц, выполняющих общественный долг». 

«Также ранее предполагалось указать закрытый перечень воспрепятствования деятельности медработников. Это удержание, угрозы, создание препятствий по доступу к больному. Правительство предложило сделать этот перечень открытым и указана формулировка «в какой бы то ни было форме» - то есть любое действие, которое может восприниматься как воспрепятствование деятельности. Это основная суть законопроекта, направленного на защиту прав врачей и пациентов», - отметил Грибов.

Напомним, проекты федеральных законов, направленные на усиление защиты медицинских работников и пациентов, были одобрены во втором чтении на пленарном заседании Госдумы 10 июля.