Рубрикатор

Спорт
Мордовиясо келейстэ тешкстызь физкультурникень чинть

Физкультурникень чись эрьва иестэ тешкставкшны августонь омбоце субутастонть. Тедеде сон прась августонь 13-це чинтень. Васенцеде те кенярксчись тешкстазель 1939 иестэ. Се шкастонть ютасть ламо иеть, ансяк Физкультурникень чись нейгак келейстэ тешкстави масторсонок. Те кенярксчись весе сеть ломантнень, кить вечксызь спортонть иетнень ды профессиянть лангс апак вано. Пек ламо истят ломантнеде минек республикасояк. Те кенярксчистэнть Мордовиясь, мерят, велявты спортонь вейкине покш площадкакс.

Коень коряс Физкультурникень чистэнть Саранск ошонь весе спортонь объекттнэсэ ютавтневить «Панжадо кенкшень чить», анокставить ламо эрьва кодат мероприятият. А кадовкшныть ве енов те тевстэнть республикань районтнэяк. Эрьвасонть арсезель башка программа, ютавтозельть ламо мельстуиця мероприятият.

Физкультурникень чистэнть Мордовиянь спортонь площадкатнесэ ютасть профессионалтнэнь ды спортонь вечкицятнень ютксо пелькстамот спортонь 10 видтнэнь коряс: футбол, хоккей, велоспорт-ВМХ, кизэнь биатлон, теннис, баскетбол, волейбол, спортонь якамо ды лият.

Подробнее...
 
"ГАЗПРОМОНЬ" Спартакиадань программась

Августонь 15-22-це читнестэ Саранскойсэ карми ютамо «Газпром» ОАО-нь кизэнь IX-це Спартакиадась. Сонзэ лувсо пелькстамотне кармить молеме ошонь спортонь зярыя объекттнэсэ. Спартакиадань программантень совавтозь шожда атлетикань, футболонь, гирянь спортонь, укшномань, баскетболонь ды волейболонь коряс пелькстамотне. Теде башка, кармить пресс-конференцият, кругловой стольть, концертт ды ламо мезе лия. Эрьва чись карми сюпав мельстуиця мероприятиясо.

Августонь 15-це чистэ сыть делегациятне, карми молеме мандатной комиссиянь ютамось ды прявт судейской коллегиянь заседаниясь. Чокшне карми молеме «Шумбрат, Спартакиада!» программась (20.00-22.00 чассто).

Августонь 16-це чистэ ванновить пелькстамонь ютавтома таркатне, Спартакиадань делегациятнень туртов ветявить экскурсият. Ютавтови укшномань коряс прявт судейской коллегиянь заседаниясь. Чокшне пурнави пресс-конференция, косо Мордовия Республикань, «Газпром» ОАО-нь, «Газпром Трансгаз Нижний Новгород» ООО-нь прявттнэ максыть каршо валт журналисттнэнь кевкстемаст лангс (19.30-20.30 чассто).

21.00 чассто «Старт» стадионсо ушодови Спартакиадань торжественной панжомась, сон карми молеме 23.00 чассто.

Подробнее...
 
Анокстамот "ГАЗПРОМОНЬ" Спартакиадантень

Кода пачтякшнынек, августонь 15-22-це читнестэ Саранскойсэ карми ютамо «Газпром» ОАО-нь кизэнь IX Спартакиадась. Сонзэ программантень совавтозь пелькстамот шожда атлетикань, гирянь спортонь, баскетболонь, волейболонь, укшномань ды футболонь коряс. Пелькстамотне кармить ютамо спортонь зярыя объекттнэсэ: «Старт» стадионсонть, «Мордовия» спорткомплекссэнть, О.Маскаев лемсэ ФОК-сонть, баскетболонь коряс спорткомплекссэнть (Химмашонь ФОК-сь).

Спартакиадань панжоманть самс шкась кадовсь овсе аламо. Минь ваннынек, анокт-арась Саранскоень спортонь объекттнэ учовикс пелькстамотнес.

Спартакиадань торжественной панжомась ютавтови «Старт» стадионсонть. Кода евтнесь тенек стадиононь директоронь полавтыцясь О.П.Сагайдак, торжественной церемониясь ушодови августонь 15-це чистэ 21 чассто, сон карми пек мазыекс ды мельстуицякс. Теде башка, тесэ кармить ютамо пелькстамотнеяк. Августонь 16-21-це читнестэ «Стартсо» кармить молеме шожда атлетикань ды мини-футболонь коряс соревнованиятне. Течис стадионось малав анок Спартакиадантень. Неть пелькстамотнень туртов рамазель эрявикс инвентарь, одкстомтозель шожда атлетикань манежесь.

Подробнее...
 
Стакачитнень печтязь - изнявкстнэс

Ютазь пингень 90-це иетне кода масторонок, истя жо республиканок туртов ульнесть а шождат. Самай неть шкатнень лемдизь реформань иекс. Кода илязо уле, Мордовиясо ванстозельть спортонь ламо структуратне ды аламонь-аламонь снартнесть кепедемс спортивной базанть. Самай неть иетнестэ Саранскойсэ покш реконструкциядо мейле одс тевс нолдазель «Светотехника» стадионось. Ванома таркатнеде ней уш тесэ кармасть 22 тежат. «Светотехникась» кармась республикань сехте покш спортонь аренакс. Статистиканть коряс седе ламолгадсть спортсментнэяк. Ней эйстэст лововсть 300 тежат, конат вейсэндязельть 1461 физкультурань коллективс. Тонавтниця од ломантнестэ спортонь секциятнес якасть 47%. 76% топавтокшнызь ГТО значоконь нормативтнень.

Физической воспитаниясо покш лездыцякс кармасть эйкакшонь спортонь школатне, конатненень яксильть 22 тежат эйкакшт. Сехте ламот якильть волейболонь, сокссо чийнемань, бороцямонь ды шожда атлетикань секциятнес. Весемеде башка роботасть 60 спортонь клубт. Тей седе сеедьстэ яксильть стака обуця марто ды закононь колсиця эйкакштне. Самай истямо клубсо 1989-це иестэ Саранскойсэ чачсь «Атлант» бодибилдингень секциясь. Сонзэ прявтсо ульнесь тренерэсь В.П.Жичкин. Тей сакшныльть весе, кинь ульнесь мелезэ теемс мазый, виев рунго.

Кавто иень ютазь Саранскоень бодибилдертнэ сайсть мель невтемс эсь прянть лиятненень. Истя аламонь-аламонь кармасть участвовамо ютавтовиця омбо ошсо турниртнэсэ. Тосо Саранскоень участниктненень савсь невтнемс произвольной ды обязательной программат. Васенцесэнть вановиль спортсменэнть рунгозо, омбоцесэнть невтневильть эрьва кодат комбинацият. Сеть иетнестэ Мордовиянь бодибилдертнэстэ лиятнеде пек явовсть В.Рокашков, В.Бурлаков, Д.Крылов, С.Занозин. Вячеслав Рокашков мик пачкодсь мейле раськеютконь турниртнэс.

Подробнее...
 
Эскелькс икелев

Ютазь пингень 70-це ды 80-це иетнестэ республикасонок спортось таркасонзо эзь аште. Самай те шкастонть 60-це иетнень содавикс спортсментнэстэ зярыят кундасть тренерэнь роботантень. Мордовиянь спортсментнэстэ кармасть лисеме «од тештеть». Истятнэстэ эряви евтамс Покш Игнатовасто чийницянть Надежда Косолаповань. 1973 иестэ «Правда» газетань призэнть кис шожда атлетикань чийнематнесэ сон сайсь омбоце тарка. Васенцентень эзь сатно ансяк эскелькс. Теке жо иестэнть весероссиянь первенствасонть 1500 ды 3000 метрань дистанциясонть сон васенце тарка сайсь весероссиянь молодежной первенствасо. Надежда Косолапова Мордовиянь тейтертнестэ васенце СССР-нь спортонь мастер.

70-це иетнестэ Мордовиясо ушодовсь биатлонось. Сехте васенце биатлонистэкс ульнесь Алексей Шанев. Те шкас сон ульнесь уш сокссо чийнемасо спортонь мастерэкс. Сестэ леднемань винтовкатнень добовамс ульнесь а шожда. Те пирявксоськак печтязель. Шаневнень ламо лезкс макссь ДОСААФ стрелковой клубонь инструкторось Александр Маланьин. Эсь ярмак лангс сынь рамсесть леднемань мишентнень ды тевесь сыргась таркастонзо. 1963 иестэ Мордовиянь биатлонисттнэ васенцеде молить Саратовав, косо ютась СССР-нь народтнэнь спартакиадась. Александр Маланьин, Николай Логунов, Иван Будников ды Иван Ведяйкин 92 команадтнень ютксо саекшнесть 4-це тарка. Почетонь пьедесталонтень Мордовиянь биатлонисттнэ васенцеде кузсть 1968-це иестэ СССР-нь профсоюзонь спартакиадасо, конась ютась Петрозаводскойсэ. Сестэ седе виев ульнесь ансяк Московонь командась. Минек икелень биатлонисттнэстэ те шкас кадовкшнось ансяк Александр Маланьин. Теке жо иестэнть командась Ленинград маласо «Спартак» обществань первенствасо сайсь васенце тарка. Шкань ютазь Александр Маланьин топавтынзе спортонь мастерэнь нормативтнень.

Подробнее...
 
<< Первая < Предыдущая 1 2 3 4 5 6 7 8 9 10 Следующая > Последняя >>

Страница 9 из 12

Новости

«Единая Россия» добьется закрытия недобросовестных «наливаек» в регионах
«Единая Россия», активисты «Молодой Гвардии Единой России» и проекта
«Трезвая Россия» начали всероссийский сбор подписей в поддержку своей
инициативы об ограничении работы питейных заведений, расположенных
на первых этажах многоквартирных домов и придомовых территориях (так
называемых «наливаек»). На сайте Партии и ее региональных отделений
каждый желающий может оставить свое мнение о данной инициативе и
сообщить адреса «наливаек», мешающих жителям. Информация о
подобных заведениях будет передана в правоохранительные органы для
проведения проверок. Об этом сообщила первый заместитель секретаря
Генсовета «Единой России» Ольга Баталина.
Подробнее ...
 
Единороссы высадили еловую аллею в Саранске
Акция по высадке саженцев, посвященная 75-летней годовщине Великой
Победы, состоялась сегодня в Саранске в микрорайоне Юбилейный.
Представители регионального отделения Партии «Единая Россия», МГЕР
Мордовии, молодежных общественных организаций, студотрядов,
юнармии, поисковых отрядов посадили более 40 саженцев, которые
доставили из Краснослободского района республики.


Подробнее ...
 
В Краснослободском районе успешно реализуется проект «Наследники Гиппократа»
Сегодня в медицинском колледже прошло занятие для волонтеров-медиков
Одним из победителей конкурса общественно-значимых проектов первичных отделений Партии «Единая Россия» стал проект первичного отделения №381 Краснослободского района «Наследники Гиппократа». Этот проект уже успешно реализуется в медицинском колледже в рамках реализации партийных проектов «Здоровое будущее» и «Старшее поколение», его участниками стали студенты-волонтеры.
Как отмечает секретарь первичного отделения 381 Краснослободского района Татьяна Кутузова, на средства, полученные в рамках гранта, были закуплены тонометры для измерения артериального давления, медицинская литература.
Подробнее ...
 
Съезд «Единой России» будет посвящен старту избирательной кампании в Госдуму в 2021 году
Предстоящий Съезд «Единой России» будет посвящен подготовке к
избирательной кампании в Государственную Думу в 2021 году и оценке
результатов прошедших выборов. На Съезде также предстоит обновление
партийных институтов с акцентом на электоральную составляющую. Об этом
заявил секретарь Генерального совета «Единой России» Андрей Турчак на
заседании Президиума Генсовета Партии.
Подробнее ...
 
В Мордовии стартовала акция «Круг добра»
Акция «Круг добра» проводится в рамках сотрудничества Центра
поддержки гражданских инициатив, сторонников «Единой России» и
благотворительного фонда «ДаДобро». Это еще один этап реализации
Календаря Добрых дел.

Подробнее ...