Рубрикатор

Спорт
Центранть сюпавчизэ - филиалтнэсэ

 

Маень 10-12-це читнестэ Саранскойсэ ютыть раськеютконь Кубоконть кис спортонь якамонь пелькстамотне. Россиянь сборной командась, меремс, 96 процентс карми Мордовиянь спортсментнэстэ. Теньсэ покш таликазо Мордовиянь олимпийской анокстамонь центранть, конась панжозель 1995 иестэ. Сестэ Швециянь Гетеборг ошсо Европань чемпионатсо Саранскоень якицясь Ирина Станкина 20 вайгельбень дистанциясо саекшнесь сырнень медаль. Се шкане республиканть туртов те ульнесь пек покш ды васенце изнявкс. Самай теде мейле чачокшнось мелесь панжомс эрзя-мокшонь енксонь прявтошс спортонь якицянь анокстамонь центра. Те меленть пек шнакшнызе Мордовиянь Прявтось Н.И.Меркушкин. Ней, 17 иень ютазь, апак пеле можна меремс, Мордовиянь спортонь якамонь школась масторлангсонть сехте виев.

Эряви меремс, ютазь иетнень перть центрась пек полавтовсь. Ней тесэ улить весе условиятне, штобу ютавтомс тренировкатнень ды спортсментнэнь анокстамонь лия процесстнэнь. Тесэ пек паро столовой, медицинань центра, тренажеронь залт, баня, душевой, бассейна. Весемеде башка, тесэ роботы покш квалификация марто персонал, конасонть эрьвась топавты эсь тевенть. Меельце иетнестэ центранть роботазо келейгадсь. Бути икелень шкатнестэ спортсментнэ анокставильть ансяк Саранскойсэ, ней тевтне полавтовсть. Республикань ламо районтнэсэ роботыть ЦОП-нть филиалонзо. Тосонь эйкакштне, кить невтнить паро результатт, поладыть тренировкатнень Саранскойсэ. Лиякс меремс, ютавтовить спортсменэнь кочкамот. Эряви тешкстамс, ламо филиалтнэсэ тренерэкс роботыть содавикс тренерэнть Виктор Михайлович Чегинэнь икелень воспитанниктне. Зярдо эште весемесь ансяк ушодовкшнось, те тевенть топавтсть физкультурань тонавтыцятне, футболонь ды сокссо чийницянь тренертнэ. Ней весемесь полавтовсь. Центрань теемань васенце чистэ саезь прявтокс тесэ роботы эсь тевень ды спортонь вечкиця ломань. Те – Виктор Владимирович Колесников. Самай сон евтнеськак филиалтнэнь роботадост.

– Бути кортамскак районтнэде, – евтни директорось, – ванодо тынсь мезе тосо тееви. Строявить стадионт, спортонь дворецт, налксемань паксят. Ней миненек уш сави «бороцямс» эрьва эйкакшонть кис. Эрьва филиалсонть теезь спецгруппат, конатнесэ 25 ломанть. Сынст ули уш кодамояк разрядост ды пелькстамосо участвовамонь опытэст. Филиалтнэнень минь свал рамсетяно спортонь оршамопельть. Эряви меремс, спортонь якамось аволь уш истямо питней лиятнень ладсо.

– Филиалтнэнь роботаст минь ладятано колмо енкска, – евтни седе тов Колесников. – Сехте васенцекс минь ловтано патриотической воспитаниянть. Тентеме а кода. Омбоце покш меленек, штобу седе ламо эйкакшт сюлмавольть ояксчинь сюлмот спортонть марто. Колмоце енксонтень сови шумбра эрямолувонь пропагандась. Неть енкстнэде башка Олимпийской анокстамонь центрась эште вешни паро спортсмент. Самай теньсэ васенце лездыцянок минек филиалтнэ. Кочкамось моли виев. Иень перть эрьва филиалсонть ютавтовить малав 60 пелькстамот. Ды, бути од спортсменэсь невти сеедьстэ паро результатт, минь истятнэнь пурнатано спортонь лагерентень, конась «Мордовия» комплексэнь базасо. Тосо сынст туртов ули весемесь: паро ярсамопель, оймсема ды виев тренировкат... Самай тестэ сехте партнэнь кочкатано ды сайтяно ЦОП-нь базань резервной группантень, косо тренерэкс роботыть Вера Васильевна ды Константин Николаевич Начаркинтнэ. Бути кортамось тусь тренертнэде, мерян, республикань филиалтнэсэ роботыть Россиянь 17 заслуженной тренерт. Минек центрасо роботы Мордовиянь заслуженной врачось Г.Ю.Сысуев. Истямо лементь Мордовиясо сондензэ башка кияк а кандтни. Тренертнэнь туртов эрьва ков ютавтневить семинарт, максови методической литература.

Виктор Владимировичень марто кортамсто ледстязель Инсаронь ды Орданьбуень райононь спортонь якицятненень интернатонь строямоськак. Кортамось теде мольсь эште кавто иеде икеле. Вана мезе тень коряс мерезель:

– Виде, истямо мель ули, Орданьбуень Кельвядни велесэ тосонь средней школанть базасо снартнетяно панжомс спортонь якицятненень интернат. Истят тевтне Инсарсояк. Тесэ ламо эйкакшт, секскак ули кинь эйстэ кочкамс. Ней те кевкстемась арсеви правительствасо. Кодат кармить алкуксонь тевтне, невтьсы шкась, эдь Мордовиясь весе од проекттнэсэ свал васенце.

Подробнее...
 
Мордовиянь спортось - 30-це иетнестэ

Ютазь пингень 30-це иетнень апак пеле можна лемдямс мокшэрзянь енкссо физкультурань движениянь чачома иекс. Теде икеле пек мезеяк арасель. 1930 иестэ ульнесь теезь физкультурань Совет, мейле сон лемдязель Совнаркомонь физкультурань ды спортонь комитетэкс.

1936 иень маень 24-це чистэ ютавтозель республиканской васенце спартакиада. Теке жо иестэнть ютась колхозтнэнь ютксо спартакиадась. Сестэ чемпионокс лиснесь Отяжелень райононь «Путь к свободе» колхозонь командась. Архивень даннойтнень коряс 1934 иестэ республикасонок лововсть 9,5 тежат физкультурникть. Эйстэст – ГТО-нь значоконь 600 азорт. 1930 иетнестэ саезь сеедьстэ ютавтневильть ошонь ульцятнева шожда атлетикань эстафетат «Красная Мордовия» республиканской газетань призтнэнь кис. Неть иетнестэ Мордовиянь 630 физкультурань коллективтнесэ лововильть 18,8 тежат ломанть. Сынст эйстэ 4,5 тежатне топавтокшнызь ГТО-нь комплексэнь нормативтнень. 1939 иестэ республикасонть лововсть спортсо роботыця 240 сотрудникть. Саранскойсэ панжозель соксонь база ды леднемань тир.

Краеведениянь документтнэнь коряс, ютазь пингень 30-це иетнестэ кармась таштамо вийть сокссо чийнемань спортось. Те сюлмавозель ГТО-нть тевс нолдамонзо марто. Виде, сокссо минек енкссо чийнесть икелеяк, ансяк 30-це иетнестэ весе пелькстамотне ды чийнематне сюлмавозельть вейке системас.

Сокссо чийнемань республиканской васенце пелькстамотне ютасть Саранскойсэ 1935 иень январь ковсто. Колмо вайгельбень дистанциясонть сестэ изнякшнось «Спартак» вейсэндявксонь спортсменкась Галина Лаптева. Цератне сестэ чиекшнесть 10 вайгельбеть. Сынст ютксо изнякшнось НКВД-нь сотрудникесь, «Динамо» вейсэндявксонь спортсменэсь В.Стрелков. Неть спортсментнэнь можна ловомс те спортсонть Мордовиянь васенце чемпионокс.

30-це иетнестэ СССР-нь «ловонь регионтнэсэ», ютксост Мордовияськак, сеедьстэ ютавтневсть ламо вайгельбес сокссо чийнемат. Ульнесть ютавтозь Саранск-Инсар-Саранск ды Саранск-Темников марафононь чийнемат.

Подробнее...
 
Тонавты спортонь вечкеме

Владимир Ильич Бекшаевень содаса аволь марсемань коряс. Зярыя иень перть савкшнось тенек вейсэ роботамс Саранскоень электромеханической техникумсо. Владимир Ильич – физкультурас тонавтыця. Сон истят ломантнестэ, конат косо бу авольть робота, кадыть мельгаст паро тевть. Се шкастонть ютасть ламо иеть. Ней В.И.Бекшаев – трудонь ветеран, ансяк ялатеке вечкевикс роботанзо а кады ды тонавты эйкакштнень спортонь вечкеме Саранскоень промышленно-экономической колледжсэ.

– Ней весемесь полавтовсь, – корты ветеранось, – пек паролгадсь спортонь базась. Сонзэ кодаяк а ладясак икеленсенть ваксс.

Алкукскак, зярдо Владимир Ильич Бекшаев ушодокшнызе роботамонь кинзэ, республикасонок спортонь истямо база арасель, секскак те тевенть топавтомо кадовкшность ансяк эсь тевень вечкиця ломанть. Бекшаев – истятнэстэ вейкесь.

Сон чачсь 1951 иестэ Торбеева поселкасо. Сестэ тов роботамо кучокшнызь тетянзо Илья Михайловичень. Церанть ундоксонзо – эрзянь. Авазо ды тетязо Чаунза енксонь Сайгуши ды Пенгелей велетнестэ. Зярыя иень ютазь Бекшаевтне састь эрямо Саранскоев. Володя тонавтнесь ошонь 10 № школасо. Физкультурань тонавтыцясь Виктор Петрович Якунин пек вечксь эйкакшт. Сон снартнесь максомо тенст весе сень, мезесь кармавты вечкеме спортонть. Ютасть кемень иетне. Сась шка кочкамс профессия. Лиятнень ладсо Володя Бекшаев шожда кить эзь вешне. Сась роботамо Саранскоень «Электровыпрямитель» заводов. Тесэ спортонь вечкиця церанть сеске редизь ды тердизь налксеме предприятиянь футболонь командас. Чинь сменадонть мейле чокшне малав ютнильть тренировкатне. Од ломантне сизема эзть сода. Изнявкстнэньгак учомс савсь а кувать. Саранскоень ошонь первенствасо сынст командась саекшнизе васенце тарканть ды совавтозель васенце дивизиононсетнень юткс. Мейле ульнесь армиясь. Служамс савсь Крымсэ. Се шкане солдаттнэнень ламо шка явовсь физподготовкантень. Бекшаев аволь лавшотнестэль. Нурька шкас топавтозельть весе нормативтне.

Подробнее...
 
Форумось ламокстасынзе Мордовиянь спортонь изнявкстнэнь

Вейке недля кадовсь «Россия – спортивная держава» раськеютконь форумонь панжомантень. Форумось карми ютамо Саранскойсэ сентябрянь 8-11-це читнестэ. Эйсэнзэ примить участия малав ниле тежат ломанть. Мордовиянь прявтошов сыть инжеть 16 масторсто. Омбо масторонь делегациятнес совить Международной олимпийской комитетэнь (МОК) члентнэ, спортонь ламот видтнэнь Федерациятнень президенттнэ. Ансяк журналисттнэде тесэ учовить 500 ламо ломанть.

Васенцеде «Россия – спортивная держава» форумось ютавтозель 2009-це иестэ Казаньсэ, омбоцесь – Московсо (2010 ие). Саранскойсэ ютавтовиця Форумось алтави Россиясо олимпийской движениянь 100 иетненень. Мордовиясо форумонь ютавтомадо решениясь корты покш кемемадонть республикантень минек масторонь руководстванть пельде. Мордовиясь а стяко ловови васенцекс сеть регионтнэнь ютксо, косо явить покш мель спортонтень. Тесэ аволь ансяк анокстыть чемпионт, республикасонть тееви весемесь, штобу седе ламо эрицятне явовольть мель спортонтень.

Масторлангонь келес Мордовиясь кармась содавиксэкс спортонь якамонь школанть вельде. 15 иеде ламо республикань представительтне лиснить изницякс сехте покш пелькстамотнесэ. Ней уш весе содыть: Олимпийской чемпионкась ды мирэнь двукратной чемпионкась Ольга Каниськина, Олимпийской чемпионось ды мирэнь двукратной чемпионось Валерий Борчин, двукратной Олимпийской призерось Денис Нижегородов – Мордовиянь спортсмент. А стяко Мордовиясь кочказель спортонь якамонь коряс 2012-це иестэ Мирэнь кубоконь ютавтома таркакс. Саранскоесь кочкась кавксть седе ламо вайгельть Китаень Тайчинэнть коряс.

Подробнее...
 
Спортось - "Газпромонь" важодемань покш пелькс

Ютазь недлянь перть Саранскойсэ мольсь спортонь алкуксонь кенярксчи. Августонь 15-22-це читнестэ тесэ ютась «Газпром» ОАО-нь кизэнь IX-це Спартакиадась. Мордовиянь прявтошонтень састь Россиянь весе енкстнэстэ 30 командань представительть. Весемезэ Спартакиадань участниктнеде ды инжетнеде ульнесть 2300 ломанде ламо. Командатне пелькстасть спортонь истят видтнэсэ: баскетбол, тейтерь-авань ды церань волейбол, футбол, гирянь спорт, шожда атлетика, укшнома. Пелькстамотне ютасть ошонь кото спортивной площадкатнесэ: «Старт» ды «Саранск» стадионтнэсэ, «Мордовия» спорткомплекссэнть, «Баскетболонь ды волейболонь коряс СДЮШС», «Боксонь коряс О.Маскаев лемсэ СДЮШОР», «Волейболонь ды баскетболонь коряс СДЮШС» ФОК-тнэсэ, Эень дворецсэ.

«Газпром» ОАО-нь Спартакиадатне пурнавкшныть иезэнзэ весть кизна ды тельня, явовить эйкакшонь ды покшонсетнень лангс ды ютавтовкшныть сеть оштнесэ, косо улить «Газпром» ОАО-нь дочерней предприятиянзо. Иеде иес касы неть пелькстамотнесэ участниктнень ламочись, мезесь корты «Газпромсо» спортонтень покш мелень явомадонть.

Подробнее...
 
<< Первая < Предыдущая 1 2 3 4 5 6 7 8 9 10 Следующая > Последняя >>

Страница 8 из 12

Новости

«Единая Россия» добьется закрытия недобросовестных «наливаек» в регионах
«Единая Россия», активисты «Молодой Гвардии Единой России» и проекта
«Трезвая Россия» начали всероссийский сбор подписей в поддержку своей
инициативы об ограничении работы питейных заведений, расположенных
на первых этажах многоквартирных домов и придомовых территориях (так
называемых «наливаек»). На сайте Партии и ее региональных отделений
каждый желающий может оставить свое мнение о данной инициативе и
сообщить адреса «наливаек», мешающих жителям. Информация о
подобных заведениях будет передана в правоохранительные органы для
проведения проверок. Об этом сообщила первый заместитель секретаря
Генсовета «Единой России» Ольга Баталина.
Подробнее ...
 
Единороссы высадили еловую аллею в Саранске
Акция по высадке саженцев, посвященная 75-летней годовщине Великой
Победы, состоялась сегодня в Саранске в микрорайоне Юбилейный.
Представители регионального отделения Партии «Единая Россия», МГЕР
Мордовии, молодежных общественных организаций, студотрядов,
юнармии, поисковых отрядов посадили более 40 саженцев, которые
доставили из Краснослободского района республики.


Подробнее ...
 
В Краснослободском районе успешно реализуется проект «Наследники Гиппократа»
Сегодня в медицинском колледже прошло занятие для волонтеров-медиков
Одним из победителей конкурса общественно-значимых проектов первичных отделений Партии «Единая Россия» стал проект первичного отделения №381 Краснослободского района «Наследники Гиппократа». Этот проект уже успешно реализуется в медицинском колледже в рамках реализации партийных проектов «Здоровое будущее» и «Старшее поколение», его участниками стали студенты-волонтеры.
Как отмечает секретарь первичного отделения 381 Краснослободского района Татьяна Кутузова, на средства, полученные в рамках гранта, были закуплены тонометры для измерения артериального давления, медицинская литература.
Подробнее ...
 
Съезд «Единой России» будет посвящен старту избирательной кампании в Госдуму в 2021 году
Предстоящий Съезд «Единой России» будет посвящен подготовке к
избирательной кампании в Государственную Думу в 2021 году и оценке
результатов прошедших выборов. На Съезде также предстоит обновление
партийных институтов с акцентом на электоральную составляющую. Об этом
заявил секретарь Генерального совета «Единой России» Андрей Турчак на
заседании Президиума Генсовета Партии.
Подробнее ...
 
В Мордовии стартовала акция «Круг добра»
Акция «Круг добра» проводится в рамках сотрудничества Центра
поддержки гражданских инициатив, сторонников «Единой России» и
благотворительного фонда «ДаДобро». Это еще один этап реализации
Календаря Добрых дел.

Подробнее ...