Рубрикатор

Эзь кенере

Паша, Миша, Олодя – паро ялгат. Сынь чачсть-кассть Чапамо велесэ. Тесэ прядызь средней школанть. Тонавтнесть сынь вадрясто. Эрьвань средней образованиядо аттестатсонть оценкатне ансяк «нилеть» ды «вететь».
Колмо ялгатне школань прядомадо мейле кочкизь вейке тевенть – телевизоронь витнеманть. Тенень васня тонавтнесть ошонь училищасо. Сась армияв служамонь шкась.


– Миша, минь Паша марто арсинек молемс Рудняв, косо анокстыть лётчикть, – мерсь Олодя. – Тон мартонок молят?
– А молян. Мон чачинь аволь менельга ливтнеме, мода ланга якамо, – мизолдозь мерсь Михаил.
Истя явовсть ялгатне. Миша служась масторонь якшамо ёнкссо, Паша ды Олодя, мекевлангт, – лембе ёнкссо. Ансяк сынь ояксчинь сюлмотнень эзизь сезе. Сёрмалесть вейкест-вейкест туртов сёрмат. Миша шнась эсь прянзо – ветнян танк. Лиясто танксонть ардтневтян полконь командирэнть.
Паша ды Олодя истя жо пряст шнасть:
– Куроксто тонадынек самолётонть менельс кепедеме, – сёрмадсть сынь.
…Вана удало кадовсь Советской Армиясо служамонь шкась. Миша велявтсь тиринь чачома велес. Ёлганя, келей лавтов. Военной формась пек тензэ мольсь.
– Авай, молян клубов, военной формасо прям невтьса, – корты Миша. – Паряк, однасум муян.
Миша клубов эзь пачкоде.
– Чокшнень перть косолить? – кевкстни авазо.
– Косолинь? Ялган марто пиянь бутылкат костинек.
– Косто ярмактнень сайнить? Мон тонеть эзинь максне.
– Ялган каванимизь!
– Истя а лади, зярдо кисэть кие-бути панды. А тон содат, ялгат Паша ды Олодя армиясто састь! – мерсь Мишань авазо.
Неть валтнэнь марямодо мейле Миша чиезь тусь ялгатненень. Ней сынь веньперть симсть.
Шкась мольсь. Миша ды Паша эрить чачома ёнксонть эйстэ аволь васоло, Олодя – шабра ошсо. Ней сынь вастневить, кода мерить, чуросто, но кеместэ. Ледстнематне куватьс кадовить...
Чачома ёнкссто Олодя сыргась эрямо тарказонзо шабра ошов. Рамась поездс билет.
«Кода истя туян ялган апак нее. Те а тев», – арсесь эсь пачканзо Олодя.
Сон гайневтсь Пашанень, мейле – Мишанень. Ялгатне ливтязь ливтясть чугункань кинь вокзалов.
– Мезе, паряк, цяркань цярка симтяно, – ушодсь Олодя.
– Каршо а мольтяно. Васня цярка, мейле – омбоце, – поладсь Паша.
Ялгатне симсть васня вейке цярка, мейле – омбоце, колмоце... Олодянь келесь кармась понгонеме. Кой-кона валтнэ ней уш а чарькодевитькак.
Ваныть ялгатне, поездэсь сыргась састо таркастонзо… Ялгатне сеске цопадизь эсь кедьгест ды ёртовсть вагононтень. Чиить прянь-полдань синдезь. Васня ялгатнень икельдинзе Миша, мейле Паша, ды сынь уш вагонсот.
– Олодя! Чийть весе вийсэ! – сеерить Паша ды Миша.
Поездэсь эрьва минутань ютазь бойкасто ардомо кармась. Олодя чии ды сонсь пейди.
– Мекс пейдят? – кевкстнить сонзэ чугункань кинь вокзалсо учицятне.
– Эдь туицясь мон, а сыненст эрявсь монь ильтямс…

Пётр Зиновьев

 

Новости

Повышение уровня занятости на селе – один из приоритетов «Единой России»
На XVIII Съезде «Единая Россия» предложила дать возможность расширения
рынков сбыта для личных подсобных хозяйств (ЛПХ).
 В рамках обсуждения на дискуссионной площадке XVIII Съезда Партии, 
посвященной вопросам сельского хозяйства, было предложено дать 
возможность применения добровольной патентной системы 
налогообложения для крупных личных подсобных хозяйств (ЛПХ). Тех, что 
намеренны выйти на более широкие рынки сбыта, нежели фермерские 
ярмарки.  «Но для этого им сейчас нужно оформляться в качестве 
фермерского хозяйства или индивидуального предпринимателя. Это уже 
другая отчетность и налогообложение.  подача деклараций и заполнение 
нескольких видов отчетностей. Мы предлагаем дать  возможность 
владельцам ЛПХ, которые этого захотят, приобрести патент. Если у вас есть 
личное подсобное хозяйство, вы реализуете излишки, и не планируете 
выходить на уровень более широкой торговой деятельности, то и 
приобретать патент не нужно», - пояснил заместитель Председателя
Госдумы, руководитель фракции «Единая Россия» Сергей Неверов.
Подробнее ...
 
Премьера!

Декабрянь 8-це чистэ 17:00 чассто Эрзянь ды мокшонь национальной драматической театрасо ваныцятнень учи премьера. Тесэ невтить М.Камолеттинь «Играем в дружную семью, или гарнир по-французски» од путовкс. Спектаклясь алтави МР-нь заслуженной артисткатнень Марина Аверкинань ды Галина Самаркинань юбилеень тешкстамонтень. Режиссёрось-путыцясь МР-нь заслуженной артисткась Л.Шахова.

 
Ардоманть кис питнетне яла касыть

Саранск ошонь общественной транспортонь частной предприятиятне бажить кепедемс ардоманть кис питнетнень декабрянь 25-це чистэ саезь. Теде сынь пачтясть ошонь администрацияв. 2, 5, 10, 15, 16, 18, 19, 21, 22, 24, 25, 28, 32, 35, 36, 37, 38, 40, 41, 44 ды 45№ маршурттнэсэ питнесь карми 25 целковойть (ней – 20). 23, 34 ды 66№ – 23 целковойть. Мэриясо пачтясть: неень шкане Саранскойсэ важодить кавто ООО-т («Сигнал С» ды «ПАТП»), конат усксить ломанть, истя жо индивидуальной кавксо предпринимательть. Частной усксицятнеде 35%.

Подробнее ...
 
Важоди Якшаматянь почта

Мордовиянь Главпочтамтсо декабрянть прядовомс карми важодеме Якшаматянь Почтась. Сёрмадомс ды нолдамс почтань ящикс телень прявт волшебникентень пачтямо мереви эрьвантень, иетнень лангс апак вано.

Подробнее ...
 
Партийцы ждут от Съезда конструктивных дискуссий

  - Именно в первый день  XVIII  Съезда Партии, который пройдет  7-8 декабря в Москве, состоится работа трех дискуссионных площадок «Обновление», «Открытость», «Партия и выборы», на которых мы сможем обсудить свои предложения и принять  решения, действительно позволяющие   наладить более эффективную и открытую работу партийных структур», -  сказал секретарь  Регионального отделения  «Единой России», Председатель Государственного Собрания республики Владимир Чибиркин.

Подробнее ...