Рубрикатор

Литературная страница Редакциянь тамашат
Редакциянь тамашат

Эрзятне вечкить згилямо-пеедькшнеме. Лиясто ломанесь ёвтасынзе валтнэнь ды мик а чарькодияк: мекс кунсолыцятне «педясть» эйзэст ды велявтызь раксемакс? Васов апак яка, ледстятано кой-зяро истят тевть эрзянь журналисттнэнь важодема таркастост.

* * *


Ульнесть шкат, зярдо эрзянь ды мокшонь газетатне пекстазельть, кадновсь ансяк рузонсесь, конань эрьва номерэнзэ ютавтылизь эрзякс ды мокшокс. А тонадындерят тенень, мезекс маштоват? Ломантнень тонавтсть...

Эрзянь редакцияв сайсть од цёра, приказсонть сёрмадозель: «ученик переводчика». Нама, зярс тонавтнят, пандытькак теть седе аламо. Ялатеке васенце зарплатантень цёрась пек кецясь. Ансяк эзь кенере ярмактнень зепезэнзэ тонгомо, вейке аволь уш од ялгась вешсь кедьстэнзэ долкс – сы получкас, келя. Савсь максомс. Ды вана вейке ков ютась, омбоце, колмоцеськак эль прядови – «лелясь» пандомо а капши.

– Михал Мироныч, зярдо эно ярмакон велявтсыть, мон уш кевкстемеяк виздян, – энялгадсь Никита.

– А тон иля визде, ярмактне тонь, кевкстнек...

* * *

Be кельстэ омбоцес ютавтомсто яла лиснильть меньгак тамашат. Эйстэст кургодо кургс ёвтнильть-пачтнильть ламо иень перть.

Омбо масторонь кулятнеде вейкесэнть рузкс сёрмадозель: «Английская королева противостояла римскому папе». Эрзякс теемстэнзэ ютавтыцясь-авинесь конянзояк сормсизе ды пшкадсь редакторонтень:

– Василий Егорович, эно кие кинь каршо стясь? Паряк, мекевланк эряволь?

* * *

ТАСС-сь (Советской Союзонь Телеграфной Агентствась) кучнесь редакциятнева снимкаткак. Вейкенть ало сёрмадозель: «Максим Горький отдыхает на вилле в Сорренто». Прянь апак яжа переводчикесь сёрмадсь: «Чапамо Максим оймси сянго прясо...».

* * *

Емельян Иванович Пятаев зярыя иеть важодсь «Эрзянь правдань» ответственной секретарекс, седе тов – «Сятко» журналонь редакторокс. Вана кие маштсь пеедькшнеме! Та-кода весть ТАСС-нь кулятнень юткс рузкс печатавтсь истямо: «Ожидается землетрясение, эпицентр – в местечке Посоп близ города Саранска». Ды максызе переводчикентень, конань кудозо Посопсоль. Машинисткантень диктовамсто тона апак учо лоткавсь, сеске чийсь секретариатов.

– Емельян Иванович, нолдамака кудов… Неят, мезде тесэ сёрмадыть…

* * *

Артур Моро моли Саранскоень Советской ульцява. Каршонзо омбоце ёнга эскели Дмитрий Куляскин поэтэсь. Ульцянь трокс пижакадсь:

– Артур Матвеич, тондеть Пятаев «паразит» мерсь!

Моро букакстнезь кузсь Печатень кудонь нилеце этажс, ноцковтызе «Эрзянь правдань» секретариатонь кенкшенть. Пятаевде башка тосо кияк арасель.

– Мондень тесэ кие-бути «паразит» мерсь? – кепединзе раужо сельмечирькензэ А.Моро.

– Монгак мезе-бути истямо маринь, – кургонь келес мизолгадсь Емельян Иванович. Артур Матвеевичень кежензэ сеске та-ков ёмасть...

(Седе, кода А.М.Моронь кучнизь ваномо сяворезь телебашнянть, кона нейгак ашти пек нардевстэ, поэттэнть очерксэяк сёрмадозель. Кемицяль сон ломанесь.)

* * *

«Сятконь» тиражонть печатамсто позда чокшне Е.И.Пятаевень кудосо дирнезевсь телефонось. Д.Куляскинэнь содавикс вайгелесь пшкадсь:

– Пут тень пельлитра, журналсонть ильведькс витинь: Геннадий лементь, понимаш, кавто «н» марто печатыльть...

Мизолксось нардазь нардавсь Емельян Ивановичень чамасто. Сон капшазь оршнесь ды ношкстась типографияв. Паро, «витевксэнть» марто страницатнень самозонзо эзть кенере печатамо...

* * *

Е.И.Пятаевень пингстэ «Эрзянь правдасо» мон кенеринь роботамо весемезэ кавто недлят (тов сынь 1960 иестэ). Ялгатне ледстнесть, кода сон, келя, И.А.Бояркин художникенть-фотографонть лангсо пеедькшнемга анокстакшнось виде-паро «официальной» документ – шожда машинатнень азорост кедьстэ мекев саемадо. Марят, государствась тень а шны: ломантнень обуцяст-ёжост колавкшны. Текенень, ветнемеяк сынь паро ладсо а маштыть, государствань бензин салсить-ютавтыть. Машинатнень кис питненть тенст пандсызь мекев аламонь-аламонь. Иван Андреевич сонськак маштсь лиянь пуло алга ведень валомо, а тесэ талнозевсь. Машинань рамамо кенерсь ды, алкукскак, мекев илизь сае? Пек уш кемевиксстэ документэсь сёрмадозь…

 

Новости

В «Единой России» разместят на «Карте доступности» данные о кинотеатрах, оборудованных для людей с ОВЗ
Активисты партийного проекта «Единой России» «Единая страна – доступная среда»
разместят на созданном в рамках партпроекта портале для маломобильных групп населения
«Карта доступности» (kartadostupnosti.ru) информацию о кинозалах, оборудованных для
людей с ограниченными возможностями здоровья. Данные о них будут получены по итогам
мониторинга, который пройдет в июне. Об этом сообщил координатор партпроекта,
заместитель председателя комитета Госдумы по труду, социальной политике и делам
ветеранов Михаил Терентьев.
Подробнее ...
 
Госдума единогласно приняла в первом чтении поправки Турчака в закон о местном самоуправлении
Государственная Дума единогласно (397 депутатов – «за», против и 
воздержавшихся не было) приняла в первом чтении поправки в статью 40 ФЗ
«Об общих принципах организации местного самоуправления в Российской 
Федерации», которые 3 апреля внес вице-спикер Совета Федерации, 
секретарь Генерального совета «Единой России» Андрей Турчак.
Подробнее ...
 
Партийцы Мордовии совместно с минсельхозом обсудили проект Госпрограммы комплексного развития сельских территорий на 2020-2025 года
 

21 мая 2019 в  Воронеже состоится форум «Единой России», посвященный российскому селу. В преддверии  форума 13 мая партийцы республики совместно с министерством сельского хозяйства и продовольствия РМ провели «круглый стол», посвященный путям решения проблем российского села.

На «круглом столе» под председательством  первого заместителя министра сельского хозяйства и продовольствия Республики Мордовия Юрия Голова были обсуждены вопросы разработки муниципальных программ комплексного развития сельских территорий на период до 2025 года.

Подробнее ...
 
Представители «Единой России» в рамках всероссийской акции по озеленению городов высадят 3 млн деревьев
В рамках всероссийской акции партийного проекта «Единой России» «Чистая страна» по
озеленению городов с мая по октябрь будет высажено около 3 млн деревьев. Так, на майских
праздниках в 36 субъектах РФ будет высажено более 1 млн деревьев. В акции примут участие
депутаты всех уровней от «Единой России». Об этом сообщил координатор партийного
проекта, председатель комитета Государственной Думы по экологии и охране окружающей
среды Владимир Бурматов.
Подробнее ...
 
В Саранске состоялся турнир по боевому самбо на призы МРО Партии «Единая Россия»
Сегодня, 11 мая, состоялся турнир по боевому самбо на призы
Мордовского регионального отделения Партии «Единая Россия».
Открывая соревнования, заместитель Руководителя Мордовского
регионального исполнительного комитета Партии «Единая Россия»
Сергей Губарев отметил, что региональное отделение Партии
ежегодно выступает организатором спортивных турниров по разным
видам спорта и активно поддерживает развитие спорта в республике.
Подробнее ...