Рубрикатор

Домашнее хозяйство Юрий Егорцев: «Иень перть тевсэтяно»
Юрий Егорцев: «Иень перть тевсэтяно»

 

Аволь умок вастневинь Мордовия Республикань Ветеринарной службань прявтонть А.Н.Кечайкин марто. Сон ёвтнесь, кода важодить ветеринарной врачтне тувонь африкань чуманть а нолдамга, кодамо оборудования сась республикань ветеринарной лабораторияс, кить иестэ иес таштыть эсь тевсэст изнявкст, кить сюпалгавтыть республикань животноводстванть.
Александр Николаевич шнынзе Отяжелень райононь ракшань орматнень каршо бороцямонь коряс станциясо важодицятнень, конатнень прявтсо ветеринарной врачось Ю.Н.Егорцев.

 

Тынк косто ушодовсть покш эрямонтень эскелькстнэ? – истямо кевкстемасто ушодызе кортнеманзо минек корреспондентэсь Ю.Н.Егорцев марто.

– Мон чачинь Отяжелень райононь Ламбаське эрзянь велесэ 1967 иестэ. Тиринь велень средней школанть прядомадо мейле тонавтнинь Козловкань 13 № средне-профессиональной технической училищасо. 1985 иестэ экзаментнэнь парсте максомадо мейле карминь тонавтнеме Н.П.Огаревонь лемсэ Мордовской госуниверситетэнь ветеринариянь факультетсэ.

Тонавтнинь вадрясто. Арасель истямо тев – шкастонзо аволинь максо экзаментнэнь. Производственной практиканть свал ютавтния тиринь велень хозяйствань предприятиясо. Тосонь специалисттнэ тень лездасть эрьва мейсэ.

90-це иетнестэ, университетэнть прядомадо мейле, сынь важодеме Отяжелень райононь ракшань орматнень каршо бороцямонь станцияв. Сестэ станциянь прявтокс важодсь Геннадий Степанович Балаев. Сон оймамонь а содыцяль. Нучк-пачк  ютнинзе райононь велетнень, сетнень кардазтнэнь, кить трясть ракшат. Кие пшкадиль тензэ – ракшань лецямо ардыль ветькак.

Иень ютазь карминь важодеме межрайонной ветеринарной лабораториянь прявтокс. Коллективесь аволь покшоль. Весемезэ ульнесть 16 ломанть. Минь ванкшнынек аволь ансяк Отяжелень райононь ракшатнень, истя жо Покш Березникень, Дубенкань, Орданьбуень. Мерян, важодинек виевстэ, вейке-омбоценень лездазь. Автомашинанок свал ки лангсоль. Сестэ лабораториясонть парсте важодсть Н.О.Суняйкина, М.М.Колесникова. Сынь анокольть топавтомс те эли тона тевенть куш кодамо шкане.

– Течи тынк станциясо кить кеме неженк?

– Важодемасост кецявтыть прявт бухгалтерэсь Татьяна Васильевна Морозова. Сон чачсь-кассь, эйкакш поранзо ютавтызе Пермь ошсо. Тосонь техникумонть прядомадо мейле эрзянь цёрась ускизе мартонзо Отяжелев. 1982 иестэ саезь эри ды важоди Отяжелесэ. Тевензэ содасы вадрясто. Татьяна Васильевна эрьвань марто мукшны кель-вал.

Вана Т.В.Морозовань лездыцязо, бухгалтерэсь Ольга Николаевна Измалкина, тенек важодеме сась Чувашиясто. Тевензэ топавты уш кемнилее иеть.

Истя жо парсте, мелень путозь важодить Вечерлеень участковой лечебницань ветеринарной врачось Лидия Николаевна Каймакова, ветеринарной врачось Нина Осиповна Суняйкина, ветеринарной врачось, аптекань прявтось  Мария Николаевна Балаева. Тешкстаса, аптекась минек пек вадря. Тесэ микшневить эрьва кодат надобият ракшатнень шумбрачист вадрялгавтомга. Мерян, аптеканть ули лицензиязо. Те ламодо корты.

Седе тов. Вадрясто тевест топавтыть ветсанэкспертэсь Галина Петровна Корчагина, Козловка велень ветеринарной лечебницань прявтось, ветврачось Татьяна Петровна Петрушкина, эпизоотической отрядонь прявтось, ветврачось Николай Алексеевич Барсуков.

– Эпизоотической отрядсонть зяро ломанть?

– Эйстэдест сисем. Весе эсь тевень алкуксонь специалистт. Сынст весемесь ули ветеринарной мероприятиянь ютавтомантень: автомашина, косо неень шкань оборудования, лия кедьёнкст.

– Юрий Николаевич, од ломантнестэ кинь бу явовлинк?

– Мельспаросо аштетяно ветлабораториянь лаборантканть Анастасия Лумеень, ветврачонть Татьяна Лазаревань, ветврачонть-гинекологонть Александр Фролкинэнь кувалма.

Тешкстаса, Александр Фролкин минек университетсэ тонавтнесь монь меремам коряс индивидуальной программань коряс. Те меленть-арсеманть шнызь тетязо-авазо, Юрий Александрович ды Лидия Геннадьевна. МР-нь Правительстванть Постановлениянзо коряс од специалистэсь получась 100 тёжат целковойть подъемнойть, зарплатазонзо путови 8 тёжат целковойть.

Тесэ кода а шнамс Сабанцелень ветлечебницань прявтонть Михаил Николаевич Иневаткинэнь. Тедеде, зярдо тешкстынек эсь профессиональной кенярксчинть, сонензэ максозь МР-нь Велень хозяйствань ды продовольствиянь министерствань Почётонь грамота.

Видькстан, ули мезень кисэ максомс истямо грамота. Михаил Николаевич ваны «Сабанчеевское» велень хозяйствань предприятиянь ракшатнень мельга, конат трявить-андовить Сабанцелесэ, Дюрькинасо, Аловелесэ… Вановтонзо ало истя жо велень эрицятнень ракшатне.

М.Н.Иневаткин ветеринаронь а шожда канстонть канды уш комсте ламо иеть. Арасель истямо тев, штобу сон аволинзе топавто ветеринарной мероприятиятнень, эрявикс вешематнень.

– Юрий Николаевич, ветстанциянть вановтонзо ало ламо-аволь ракшат?

– Минек станциянь специалисттнэнь вановтост ало велень хозяйствань 16 предприятият, крестьянско-фермерской 8 хозяйстват. Районсонть лововить вейксэ тёжадо ламо скалт, эйстэст малав ниле тёжатне – потявтовицят, 22 лишметь, 287 реветь.

Станциянь специалисттнэ покш мель явить частной секторонтень, косо велень 19 поселеният. Тесэ кирдевить кавто тёжадо ламо скалт.

– Юрий Николаевич, тынь, нама, покш мель явтадо аволь ансяк ракшатнень мельга ванномантень, истя жо пштистэ вантадо ярсамопельтнень качестванть мельгаяк?

– Нама, истя. Районсонть важодить «Атяшевский» мясоперерабатывающей комплексэсь, «Маслодельный завод «Атяшевский» ОАО-сь, «Агро-Атяшево» ЗАО-нь нармунень хозяйствась. Сынст продукцияст ашти минек специалисттнэнь вановтост ало.

«Атяшевский» МПК-со, «Агро-Атяшево» ЗАО-со, «Боршак МВ» ИП-сэ теезь государственной ветеринаронь контролень отделт, косо важодить 16 ломанть. Сынст прявтсо ветврачось Владимир Свойкин. Ней ракшатнень печкить башка пункттнэсэ. Районсонть истятнэде лововить ниле. Печкемань эрьва пунктсонть ули ветеринарной врач ды санитарной эксперт. Пекстазь зярдояк а эри Ботужелень пунктось. Сонзэ теизе крестьянско-фермерской хозяйствань азорось Владимир Кандрашкин.

– Течи кодат тевть топавттадо?

– Малавгали скалтнэнь тельня кардосо кирдемась. Теленть парсте ютавтомга, течи минек специалисттнэ анокстыть кардотнень: белить потмо ёндо, ютавтыть дезинфекция. Ковозонзо весть ванкшновить скалтнэ вазыямонь коряс. Те тевесь тееви УЗИ-нь вельде.

Нурькинестэ меремс, минек специалисттнэ иень перть тевсэть.

 

Кортамонть сёрмадызе

Пётр Зиновьев.

 


 

Новости

Турчак: «Единая Россия» предлагает ввести повышающий коэффициент 1,4 для выплат по программе «Земский доктор»
«Единая Россия» готова в короткие сроки внести в законодательство 
необходимые изменения, направленные на повышение качества первичной 
медицинской помощи. Речь идет о введении повышающего коэффициента 
1,4 для выплат по программе «Земский доктор» для особо сложных и 
труднодоступных территорий и законодательном закреплении института 
наставничества для молодых врачей в течение не менее трех лет. Об этом 
заявил секретарь Генерального совета «Единой России» Андрей Турчак.
Подробнее ...
 
В «Единой России» подготовят предложения по освобождению учителей от излишней административной нагрузки
В «Единой России» перед началом учебного года подготовят
предложения по решению проблемы избыточной отчетности педагогов. Свои
инициативы сможет направить любой желающий через сайты региональных
отделений «Единой России» до 28 августа, а 4 сентября планируется
обсудить их с участием всех профильных ведомств, экспертов,
представителей родительского сообщества на федеральной дискуссионной
площадке «Благополучие человека». Об этом заявила первый заместитель
секретаря Генерального совета Партии, депутат Госдумы Ольга Баталина.
Подробнее ...
 
Турчак просит Президента РФ представить к награде бортпроводницу Ан-24 авиакомпании «Ангара»
Вице-спикер Совета Федерации, секретарь Генерального совета 
«Единой России» Андрей  Турчак выступил с предложением наградить 
бортпроводницу самолета Ан-24 авиакомпании «Ангара» Елену  Лапуцкую, 
которая 27 июня спасла 43 пассажира самолета, потерпевшего крушение в 
аэропорту бурятского поселка Нижнеангарск. Соответствующее обращение 
он направил Президенту РФ Владимиру Путину.
«Героический поступок бортпроводницы самолета Ан-24 
авиакомпании «Ангара» Елены Лапуцкой, которая спасла из горящего 
самолета 43 пассажира, рискуя собственной жизнью и имея серьезные 
травмы, достоин награды. Безусловно, такие случаи необходимо отмечать на 
государственном уровне», - уверен Турчак.
«Желаю Елене Лапуцкой скорейшего выздоровления и возвращения в 
профессию», - заключил вице-спикер Совфеда.
Отметим, 27 июня самолет Ан-24 авиакомпании «Ангара» из-за отказа 
двигателя совершил жесткую посадку в аэропорту бурятского поселка 
Нижнеангарск, и врезавшись в здание очистных сооружений, 
загорелся. Бортпроводница Елена Лапуцкая в одиночку сумела быстро 
открыть аварийные двери и помогла людям выбраться из салона. 
Благодаря этому, никто из 43 пассажиров не погиб. Командир корабля 
и бортмеханик погибли сразу, второй пилот покинул самолет через 
аварийный люк горящей кабины.
 
К лету 2020 года в рамках акции «Единой России» по лесовосстановлению будет высажено более миллиона деревьев
В рамках акции «Единой России» по лесовосстановлению будет
высажено более одного миллиона деревьев до лета 2020 года. Первые
лесовосстановительные мероприятия начнутся уже в сентябре-октябре этого
года в регионах, климат которых наиболее благоприятен, и продолжатся
весной. Первыми участниками акции станут лесные регионы Сибири,
Дальнего Востока и Северо-Западного федерального округа: Хабаровский,
Забайкальский, Приморский, Красноярский и Алтайский края, Республики
Алтай, Бурятия и Карелия, Амурская, Иркутская, Омская, Томская,
Новосибирская, Архангельская и Новгородская области.
Подробнее ...
 
Партийцы Мордовии провели акцию «Лучший друг»
Акция организована активом сторонников регионального
отделения партии в рамках проекта сторонников партии « Центр
поддержки гражданских инициатив» совместно с
Благотворительным фондом Да Добро. Волонтеры передали в
приют для безнадзорных животных Саранска корм,
медикаменты, аксессуары для животных.
Подробнее ...