Рубрикатор

Домашнее хозяйство
Кода муема алкуксонь меденть?

Сень лангс апак вано, неень шкане магазинэнь лавсятне пешксеть эрьва кодамо товардо, муемс алкуксонь ды шумбрачинтень зыянонь акандыцят – тевесь а шожда. А эдь ярсамопельтне улест оштё лезэвтькак. Теке тевесь ашти меденть коряскак. Ютавтовить ламодояк ламо медень ярмункат ды выставкат, ламо эрьва кодат микшневить магазинсэ. Те продуктась аволь дефицитэнь, ансяк вана муемс алкуксонь медь – а шожда. Медесь – истямо продукта, конань тейнить аволь алкуксонь седе сеедьстэ.

Те статьясонть минь ванносынек, кода кочкамс алкуксонь ды лезэв меденть. Мезе жо истямось алкуксонь медесь? Те – нола (нектар), конань мекштне пурныть цецятнестэ, тикшетнестэ ды теить сонзэ медекс. Теке марто мекштнень а мереви андомс сахаронь сиропто. Течи можна рамамс «медь» лементь ало продукта, конань теемасо мекштне арасельть, конась теезь неень шкань технологиятнень тевс нолдазь. Теемс истямо меденть шожда, ансяк вана лезэвчи эйстэнзэ илядо учо.



Мекшень кирдемась – тевесь а шожда. Меденть саемга аламо теемс нешкекудот ды рамамс мекшень семият. Медень пурнамонь покшолматне аштить сень эйстэяк, кодамо пертьпельксэсь – пиземетне, варматне ды коське шкась – берянь тев. Медень максыця аламо цецятнень ды тикшетнень, мекшень лавшо семиятнень кувалма ламо медь а пурнат. Бути иесь эзь удала, пурназь медесь саты бути ансяк эстест мекштненень теленть ютавтомга. Ды, эряви меремс, ансяк нешкень кирдийтнень ёрокчись ды опытэсь лездыть лезэв ды вадря продуктанть саемасо.

 

Медень ёнкстнэ

Медесь явови кавто ёнкска: цецянь ды падевой. Цецянь медесь тееви нектарсто, конань мекштне пурныть цецятнестэ. Куш кодамо медесь – донникенсесь, тикшенсесь, чиньжарамонсесь, ликшансесь ды лиятне лововить цецянь медекс.

Падевой медесь вастневи седе сеедьстэ. Сон пурнави унжинетнестэ, конат максыть ламбамо соконть (чувтоунжатне). Истя жо сон пурнави зярыя чувтотнень пургондавкстнэстэ (пештень, тумонь, сиртень, укшторонь, умарень), конат явить соконть. Падевой меденть танстезэ явови, сон сэпшть-мери. Тюсонь коряс седе чопода, лиясто натой раужо.

Седе тов минь ванносынек цецянь меденть, эдь сон вастневи седе сеедьстэ.

 

Меденть лезэвчизэ

Витаминтнэ ды микроэлементтнэ, конат совить сонзэ лувс, лездыть шумбрачинь ванстомантень. Меденть улить бактериянь а нолдамонь ёнксонзо, сон вадрялгавты сюлотнень важодеманть ды ламо лия лезэвчинзэ.

Алкуксонь меденть тюсозо эрси кода овсе валдо, истя чопода-тюжа, те ашти медень максыця касовксонть эйстэ. Седе чопода медьсэнть минеральной ды лия лезэв веществатнеде кирдевить седе ламо.

Нектарсонть эфирэнь ойтнень кирдемадонть медень эрьва сортонть эсензэ чинезэ. Теке шкасто обедъёнксонь регионтнэстэ пурназь меденть чинезэ седе марявикс северэнсетнень коряс. Теке марто медесь явови сеньсэяк, кодамо шкасто ды таркасто сон пурназь, ды натой мекштнень породанть коряскак, конат сонзэ пурнызь.

Медесь 80 % ашти сахарсто – глюкозасто ды фруктозасто, кадовозь пельксэсь – ведь, минеральной веществат, ферментт, аминокислотат. Сень коряс, мекс сахарось медьсэнть кирдеви простой формасо, сон шождасто саеви организмантень. Истя, меденть лангс минек организмась энергия а ютавты.

Медесь эрси вецана, тусто, сахарыязь. Ламот сорттнэ ванстома шканть перть полавтыть эсь тюсонть ды тусточинть. Те тевесь лемдеви кристаллизациякс, конась кодаяк а полавты лезэвчитнень. Кристаллизациясь – те глюкозанть кристаллкс теевема. Фруктозась жо кристаллкс а тееви. Секскак, бути медьсэнть ламо глюкоза, сон седеяк куроксто тустоми. Невтемга, чиньжарамонь медесь тустоми малав сеске пурнамодо мейле, а вана ашо акациянсесь вецана тундос. Медень сорттнэнь юткс, конат тустомить седе куроксто, кандовить чиньжарамонсесь, рапсонсесь ды конась пурназь крестоцветтнэстэ. Седе кувать а тустомить – кипреень ды ашо акациянь. А вана аволь алкуксонь медесь а тустоми овсе.

Теде башка, мельсэ кирдема сеньгак, бути медесь ванстови лембе таркасо, сон седе кувать а тустоми, якшамосо жо – мекевлангт.

Седе ламо медесь, кона неень шкане микшневи ярмункатнесэ, тееви Китайсэ ды ёвтави Алтаень, Башкириянь эли кодамояк лиякс. Пурнави истямо медесь субтропической зонасонть, косо пси ды начко. Мекштне эсь вийсэст а пачтясызь сонзэ эрявикс тустонтень, секскак мекшень кирдицятне саить пек вецана ды апак кенере меденть. Сень туртов, штобу а нолдамс медень чапаськадоманть, эйзэнзэ каить антибиотикть. Теке марто неень шкане тевс нолдавить манчемкатнеяк, зярдо меденть теить искусственна.

Сехте паро ёнксось вадря меденть рамамосо – рамамс сонзэ содавикс ломантнень кедьстэ, конат васенце таркас путыть аволь сюпалгадоманть, а вадря продуктань анокстамонть. Ансяк вана аволь эрьвань улить истят содавикс ломанензэ.

 

Кода редяма меденть вадрячинзэ

Васняяк, медесь улезэ кенерезь. Седе мейле, кода нектарось пурнави, мекштне ушодыть важодеме лангсонзо оштё недляшка. Те шканть перть ливтеви аэрявикс начкось, сахартнэ теевить простойкс, медесь пештяви ферменттэ. Аволь видестэ теиця ломантне саить меденть шкадо икеле ды а учить кенереманть. Истямо медесь, эйсэнзэ ламо веденть кирдеманть коряс, ванстови беряньстэ, чапаськады ды ёмавты лезэвчинзэ.

Кенерезь медесь жо седе тусто, чуди суринекс. Саеде пенчс медь ды кармадо эйсэнзэ велявтнеме, медесь чудеме а карми – сон кенерсь. Апак кенере медесь а кирдеви пенчсэнть ды карми чудеме струясо эли жо петнямо.

Нама, медесь улезэ ламбамо. Сэпшть-мериця танстесь лади ансяк зярыя сорттнэнень. Медесь солы кургосо. Никстинк сонзэ, маринк чиненть. Сахар марто човорязь меденть чинезэ арась ды танстезэяк седе лавшо. Чапамо чине илязо уле, те корты чапаськадоманть ушодомадо. Конфеткань танстесь ды чинесь кортыть седе, медесь эждезь. Бути медесь саезь аволь цецясто, а сахаронь сиропсто, конасонть андсть мекштнень, сон карми ашокс. Теке марто алкуксонь медеськак лиясто эрси ашокс.

Медень рамамсто эряви ваномс сеньгак, кодамо чакшсо миеви продуктась. Чакшось илязо уле кшнинь, эмалень пелькс марто, истямосонть медесь карми чапаськадомо. Икеле меденть кирдсть пекшень парьсэ, конат ваднезельть штасо. Истямосонть сон ванстовиль пек кувать. Оцинкованной ды медной чакштне а меревить овсе, сень коряс, медесь сынст марто кунды реакцияс ды пештяви ядонь салдо. Теке марто продуктанть эряви пештямс коське банкас, штобу ванстоволь вадрясто ды кувать.

Весе арсить, бути медесь лезэв продукта, сонзэ мереви ярсамс куш зяро. Те а истя. Покш ломанентень чинзэ перть мереви ярсамс кавтошка пенчть.

А эряви стувтнемс, медесь – продукта, конась кемексты минек шумбрачинть. Секскак кирдеде мельсэ сеть ёнкстнэнь, кода муемс вадря, алкуксонь медь. Седе паро рамамс аламошка алкуксонь медь, эли жо а рамамс овсе, медень кондямодонть рамамодо.

 

 

Анокстызе Юлия Еремина


14.08.2019

 
Татьяна Толайкина: «Кудоюртонь мазычись – тейтерь-авань тевесь»

 

Татьяна Фёдоровна Толайкинанень, кона эри Дубенка велесэ, фамилиязо пек лади. Алкукскак, кода кортыть эрзятне, тол-авась: эряза, ве минутаяк тевтеме а ашти. Казизе те фамилиянть тензэ мирдезэ Александр Иванович, зярдо 42 иеде икеле Енгалычева велень рузонь тейтересь венчась прясто пильгс эрзянь цёрантень. Понгсь од урьвась эрзянь семияс, косо ульнесть кеметь койтне-кирдатне, ававтось ве валгак рузкс а ёвтыль, секскак тейтересь куроксто тонавтнизе эрзянь келенть ды ней корты эрзятнедеяк парсте. Толайкинтнэнь семиясь ней Дубенкань районсонть содавикс. Сынь Лариса тейтерест марто кирдить «Жемчужина» кафе, Александр Ивановичень ули пилорамазо. Зярыя иеде теде икеле панжокшность кавто лавкат, ансяк шкань ютазь савсть пекстамс. Сетевой лавкатне, келя, манизь рамицятнень седе дёшова товартнэсэ.

                            



Сестэ Татьяна Фёдоровна весе виензэ путынзе эсест кафенть стявтомантень-кепетемантень: тесэ одкстомтозельть залтнэ, рузонь койтнень-кирдатнень коряс строязель чувтосто нупаль. Ярсамопельтне тесэ овсе а явовить кудонсетнень эйстэ. Кода рединь, районтнэсэ весе столовойтне истямо лувонть вельде роботыть: пидить тантейстэ ды питнетнеяк аволь менельстэ саезь. Кода корты Татьяна Фёдоровна, районтнэсэ кафетнень-столовойтнень клиенттнэ весе эсест, ошсто-косто сыцятнеде аламо. Оштё зярыя иеде теде икеле кафесэнть седе сеедьстэ налксесть свадьбат, юбилейть, чачома чить, ней жо тесэ, ловт, эрьва чистэ калмамот ды ледстнемань чить. Од ломантне бажить оргодеме Московов ды лия покш ошов, секскак сыретнень ламоксчись касы иестэ иес. Татьяна Фёдоровнаяк уш пенсиясо, ялатеке сонзэ эрязачизэ а максы тензэ оймсемс. Аванть улить эсензэ салавачинзэ, кода ванстомс шумбрачинть. Пильге вийтнень кемекстамонть туртов сон рамась тренажёр, конанть чаравты юткошкасто. Седе сеедьстэ те эрси тельня, кода скандинавиянь якамонь тренировкатнеяк. Кизна жо физкультуранть Татьяна Фёдоровнань туртов полавтсызь пиресэ тевтне, конатне велень азораватнень зярдояк а прядовкшныть. Сон кирди колмо теплицат, косо касты помидорт, куярт. Нама, кода весеяк, путни модамарть, чурькат, капстат ды зярыя иень перть виноградт. Сынденст азоравась тейни тантей компотт, кости эйсэст прякас. Эмежтнень вечки авась консервировамс, сонзэ улить ламо рецептэнзэ, кода пекстамс баклажантнэнь, морковонь, дураккуяронь, капстань банкатнень.

Ялатеке Толайкинань сехте покш вечкемазо ды каштанчизэ – кудоюртозо ды вакссонзо садпирезэ. Татьяна Фёдоровна корты, кудоюртонть мазычись – те ансяк авань тевесь. Кадык кудонть строизе мирдезэ, теизе сонзэ «ёвксонь теремококс», нама, азоравась. Уш васолдо неявить калиброванной чувтосо вельтязь кудовальматнень (те дизайнось ней ловови пек модноекс) ашолдыця узор марто налешниктне. А уш кода соват кудонть икелев – седеезэть паро! Садпиресь пештязь сливань, умарень, атемарень чувтотнеде. Сынст алга аштить ёвксонь геройть: гномикть, ватракшт, ашо локсейть. Мазый кедьгева цветить розат, фиалкат, астрат, ирист, нарцисст ды оштё зярыя а содавикс цецят. Сынь аштить эрьва кува: масторга, крыльця пева, понгавтневить вальма алга ды чувтотнень тарадтнэс. Видьметнень кастомс авась рамси Интернетэнть вельде, тосто жо ванкшны ландшафтной дизайнонтькак. Садонть мазылгавтомга Толайкина саинзе ававтонзо кудосто ташто кринкатнень, ды ней сынь эрить омбоце эрямо. Канализациянь латконтькак кекшизе парсте: лангозонзо теевтсь чувтосто лисьмань кундо, понгавтсь эйзэнзэ ведрыне. Чувтотнень алга Татьяна Фёдоровна ладсесь оймсема эземнеть, верьгаст понгавтнесь цивтёрдыця лампочкат. «Кодаткак лембе масторт а эрявить, вана косо «релаксось»­ – овсе кудо икеле!»  – корты авась.

Кудопотмоськак Толайкинтнэнь дивавты ваньксчисэ ды мазычисэ, косояк шукшпринеяк арась. Пидемань-панемань нупальсэнть ашти Татьяна Фёдоровнань каштанчизэ –рузонь каштомось. Ней кудотнесэ истят каштомтнень яжить. Татьяна Фёдоровна жо, мекевлангт, одкстомтызе сонзэ ды лови эсензэ васенце лездыцякс. «Ялган-оян рамсить микроволновкат, аэрогрильть, кшинь панема каштомнеть, оштё минень-сюнонь устройстват. Монень жо мезеяк истямо а эряви. Каштомсонть ямось, кашась, прякатне ды кшись пидевить-паневить куроксто ды весе вейсэ! Танстесткак духовкасо пидезтнень эйстэ явови. Нама, каштомонсетне сехте тантейть!» – ёвтни азоравась. Видестэ корты рузонь валмеревксэсь: «Кудось мазый аволь потмосонзо, сон мазый прякасонзо!». Пенгетнень каштомонть уштомс анокстыть вейсэ мирдензэ марто. Сырькаест пельде прякатнень-каймактнень ярсамо жо сакшныть кавто нуцькинест. Лембе каштомлангонть жо вечксызь Барон ды Сёмочка каткатне.

Татьяна Фёдоровнадо ёвтнемстэ ули мелем тешкстамс оштё вейке ёнксонть, конадонть сон, видькстан, эзь мере сёрмадомс: Толайкинтнэ Дубенкань райононь малав весе покш мероприятиятнень, кенярксчитнень, спортонь пелькстамотнень, турниртнэнь спонсорт. Вейкеяк энялдома сынь а кадыть мельтеме.

Марина Девятова

 
Шумбрачинь кемекстыця ярсамопельть

Россиянь Журналистэнь вейсэндявксос совицясь, республикань содавикс сёрмадеесь Тамара Геннадьевна Волкова 35 иеть важодсь васня Саранскоень медицинской препаратонь, мейле «Биохимик» панжадо акционерной обществань предприятиянь покш тиражонь газетасо. Тамара Геннадьевна – кавто тейтерень ава, кавксо нуцькань сырькай. Текенень поладсынек, сон покштояк покш мель яви 91 иесэ аванстэнь, Павлычева Надежда Ивановнанень, кие кодгемень иеть важодсь «Ардатовский» совхозсо ды пингень перть эри Орданьбуень Редкодубье велесэ. Аволь умок, пенсияс лисемадо мейле, Тамара Геннадьевна тусь эрямо тиринь велев, тетянзо-аванзо кудонтень. Павлычевтнень раськенть свал ульнесь покш садпирест, конань мельга икеле якась весе сынст покш семиясь.



Подробнее...
 
Шашлыкень анокстамонь салавачитне

Кизэсь – оймсемань туртов сехте паро шка. Ансяк кизэнь лембе ковтнестэ минь пек ламо шка ютавттано пертьпелькссэ, панжадо менель ало: вирьсэ, дачасо, турбазатнесэ, велесэ ды седе тов. Те шкась сехте пек лади пикниктнень туртовгак. Ды кода арсетядо, кодамо ярсамопелесь сюлмавозь истямо оймсеманть марто? Нама, шашлыкесь!

Ревень, скалонь, тувонь ды нумолонь, нармунень сывелень, калонь, эмежень ды пангонь ды оштё ламо  лия мейстэ мереви теемс шашлыкть. Течи эсь материалсонть минь ёвтнетяно тыненк те весенень вечкевикс ярсамопеленть – шашлыкенть – анокстамонь салавачитнеде. Ловнодо седе домкасто ды уледе анокт кизэнь пикниктненень.


Подробнее...
 
Инечинь алтнэнь мазылгавтомась – кезэрень кой

Овсе курок карми православной христиантнэнь сехте валдо кенярксчись – Инечись. Ламот кудазораватне ней уш вешнить рецептт куличтнень, эрьва кодамо прякинетнень, топонь пасханть пидемань-панемань коряс ды, нама, алтнэнь мазылгавтомань коряс.

Инечинтень алтнэнь мазылгавтомань коряс лувтнеде ламо. Тенень алтавияк минек течинь статьянок. Бути тынь бажатадо мазыйстэ ды лия ёнов амолиця ладсо артомс алтнэнь, те сёрмадовксось тынк туртов.

Алонь артомань тевесь мельстуиця ды сон пек вечкеви эйкакштненень. Ледстнян, кода вишкинестэ, зярдо авам Инечинень ушодыль алонь артомо, минь лелянь марто покш мельсэ кундылинек тензэ лездамо. Нама, сестэ артомапельтнеде ульнесть аволь истя ламо, ансяк ялатеке мазый алтнэ пек кепедильть меленть. Течи жо артомкатнеде эрьва кодат пек ламо. Ансяк алкуксонсетнень а эрявить стувтнемс ды истя жо нолдамат тевс. Ды бути роботавтомс пряудементь, можна получамс пек мазый алт, конатне кармить кенярксчинть мазылгавтомакс.



Подробнее...
 
<< Первая < Предыдущая 1 2 3 4 5 6 7 8 9 Следующая > Последняя >>

Страница 1 из 9

Новости

«Единая Россия» добьется закрытия недобросовестных «наливаек» в регионах
«Единая Россия», активисты «Молодой Гвардии Единой России» и проекта
«Трезвая Россия» начали всероссийский сбор подписей в поддержку своей
инициативы об ограничении работы питейных заведений, расположенных
на первых этажах многоквартирных домов и придомовых территориях (так
называемых «наливаек»). На сайте Партии и ее региональных отделений
каждый желающий может оставить свое мнение о данной инициативе и
сообщить адреса «наливаек», мешающих жителям. Информация о
подобных заведениях будет передана в правоохранительные органы для
проведения проверок. Об этом сообщила первый заместитель секретаря
Генсовета «Единой России» Ольга Баталина.
Подробнее ...
 
Единороссы высадили еловую аллею в Саранске
Акция по высадке саженцев, посвященная 75-летней годовщине Великой
Победы, состоялась сегодня в Саранске в микрорайоне Юбилейный.
Представители регионального отделения Партии «Единая Россия», МГЕР
Мордовии, молодежных общественных организаций, студотрядов,
юнармии, поисковых отрядов посадили более 40 саженцев, которые
доставили из Краснослободского района республики.


Подробнее ...
 
В Краснослободском районе успешно реализуется проект «Наследники Гиппократа»
Сегодня в медицинском колледже прошло занятие для волонтеров-медиков
Одним из победителей конкурса общественно-значимых проектов первичных отделений Партии «Единая Россия» стал проект первичного отделения №381 Краснослободского района «Наследники Гиппократа». Этот проект уже успешно реализуется в медицинском колледже в рамках реализации партийных проектов «Здоровое будущее» и «Старшее поколение», его участниками стали студенты-волонтеры.
Как отмечает секретарь первичного отделения 381 Краснослободского района Татьяна Кутузова, на средства, полученные в рамках гранта, были закуплены тонометры для измерения артериального давления, медицинская литература.
Подробнее ...
 
Съезд «Единой России» будет посвящен старту избирательной кампании в Госдуму в 2021 году
Предстоящий Съезд «Единой России» будет посвящен подготовке к
избирательной кампании в Государственную Думу в 2021 году и оценке
результатов прошедших выборов. На Съезде также предстоит обновление
партийных институтов с акцентом на электоральную составляющую. Об этом
заявил секретарь Генерального совета «Единой России» Андрей Турчак на
заседании Президиума Генсовета Партии.
Подробнее ...
 
В Мордовии стартовала акция «Круг добра»
Акция «Круг добра» проводится в рамках сотрудничества Центра
поддержки гражданских инициатив, сторонников «Единой России» и
благотворительного фонда «ДаДобро». Это еще один этап реализации
Календаря Добрых дел.

Подробнее ...