Рубрикатор

Здравоохранение Ливксэнь путнема шка
Ливксэнь путнема шка

Неть читнестэ Мордовиянь Пресс-центрасо ютавтовсь брифинг МР-со Роспотребнадзоронь Управлениянь прявтонть Т.П.Харитонова ды МР-нь Здравоохранениянь министрань полавтыцянть Н.Г.Юдина марто. Кортамось мольсь гриппень ды ОРВИ-нь эпидемиянь шкантень анокстамонь кевкстематнеде. Тедеде гриппенть эйстэ ливкст арсеви путнемс республикань 40% эрицятненень, 75% эйстэст – эйкакшт.

Медицинасо важодицятнень вановтост коряс, тедеде гриппсэ ды ОРВИ-сэ сэредицятнень ламолгадомась учови декабрясто-январьстэ. Эрицятненень ливксэсь путови A/H1N1 гриппень штаммонть эйстэ – «тувонь грипп», A/H1N1 (Гонконг), гриппень В вирустонть. Ансяк сэредицятне истя жо ламолгадыть сёксень шкастонтькак, тенень ветить якшамо коштось ды эйкакштнень школав  ды эйдень кужотнес велявтомась.

Тешкстасынек, ливкстнэнь путомась ушодовсь августонть прядовомсто ды тень мереви теемс 2017 иень октябрянь куншка видьс, эдь рунгосонть иммунитетэсь тееви 14-15 чинь перть вакцинанть путомадо мейле. Неень шкантень Мордовиясо гриппенть эйстэ ливкст путозь уш 4 тёжадо ламо ломантненень. МР-со Роспотребнадзоронь Управлениянь невтевкстнэнь коряс, те – 1350 эйкакшт ды 2850 покш ломанть.

Ютазь эпидемиянь сезонстонть гриппсэ сэредемадо кулость 9 ломанть, – ёвтнесь МР-нь Здравоохранениянь министрань полавтыцясь Н.Г.Юдина. – Конаськак эйстэст эзь путовтокшно ливкс. Сэредицятнень эйстэ 91% истя жо эзть теевтекшне вакцинат. Ливкстнэнь эряви теемс эрьва иестэ, эйкакштненень – иезэнзэ кавксть.

Питневтеме ливкстнэ теевить эйкакштненень, кото ковсто саезь, школасо тонавтницятненень, студенттнэнень, тонавтыцятненень, медицинасо важодицятненень, 60 иеде седе сыретненень ды хронической ормасо сэредицятненень, башка вакцина карми путовомо пешксесэ аватненень.

 

Т.Аксенова

 

Новости

Инжетне содавтовить эрзятнень эрямо коест марто

Мордовия Республикасо Эрзянь культурань ды ремеслань куншкакуронь теемань коряс дизайнерэнь арсемань объектэкс кармась Отяжелесэ пичень чочксто чапозь сокицянь-видицянь семиянь кудось. Сонзэ вакссо анок уш баняськак, кона уштови «раужосто», тунда путневить эмеж марто пандяткак.

Подробнее ...
 
Саранскойсэ панжови приют

Саранскойсэ панжови приют азортомо ракшатнень туртов. Кода пачтясть ошонь администрациясто, ней уш ули тень туртов таркаяк. Панжома шкась – те иень июнь ковс.  Приютонтень кармить кельгеме 100 каткат ды 300 кискат.

Подробнее ...
 
Удостовереният – судьятненень

Ютазь пецясто Мордовиясо Прявт федеральной инспекторось Михаил Сезганов МР-нь судьянь сообществань представительтненень явшесь удостовереният, конатнень лангс кедьчелькензэ путызе сонсь РФ-нь Президентэсь Владимир Путин. Мероприятиянтень сакшнось МР-нь Верховной судонь прявтось Сергей Штановгак.

Подробнее ...
 
Московсо гайгить эрзянь морот!

Москов ошсо поладовить концерттнэ, конатнень анокстыть МР-нь заслуженной артисткась, «Садко» рузонь музыкань ды киштемань государственной ансамблянь морыцясь Вера Прохорова ды «Эрзянь вайгель» культурно-просветительской вейсэндявксось. Эряви меремс, васенце истямо концертэсь ютась декабрянь 17-це чистэ Московонь Раськетнень кудосо. Сон алтавсь велень моротненень.

Подробнее ...
 
Мордовиянь сехте вадря сувенирт

Декабрянь 22-це чистэ яволявтозельть «Мордовия Республикань туристической сувенир» конкурсонь изницятнень лемест. Истямо пелькстамонть ютавтсть МР-нь Культурань, национальной политикань, туризмань ды архивень тевень министерствась, Туристэнь-информациянь куншкакурось. Конкурсонть вельде эрявсть муемс сувенирэнь сехте вадря продукциянть, тешкстамс производительтнень, кочкамс лия ёнов а молиця сувениртнэнь ды невтемс сынст FIFA-нь болельщикень фестивальсэ.

Подробнее ...