Рубрикатор

Здравоохранение
Весенень лездыця, эрьванть кис мелявтыця

Сонзэ кудонь кенкшензэ свал панжадот весень туртов. Ломантне чиить тензэ мелявксост-ризнэмаст эли кецямост марто. Эрьвантень муи лембе вал, максы превс путома эли жо лезды тевсэ. Зяро ломанть сон идесь, лецясь, стявтсь пильге лангс – а лововияк. Течинь ловныцятнень ули меленек содавтомс Мария Григорьевна Славкинань марто, конань велесэ кармасть лемдямо доктор Лизакс (Елизавета Глинка содавикс врачонть коряс). Сон истя жо весе седейсэ капши весенень лездамо.

Подробнее...
 
Учаева – кеме обуця тейтерь-ава

Тиринь газетань ловныцятненень течи минь ёвтнетяно кеме обуця тейтерь-авадо. Галина Николаевна Учаева – чевте седей, панжадо ойме, виздиця ломань, эрямосонзо лисезь покш зыянонть лангс апак вано, сон эзинзе нолда лавтовонзо, пурнынзе весе виензэ ды кармась эрямо одс. Килангонь покш зыян, операцият, зярыя  ковонь перть ютавтозь реабилитация, инвалидэнь коляска… Весе тень пачк ютазь, Галина Учаева эзизе ёмавто эсензэ вийтнес кемеманть. Течи сонзэ лемензэ вадрясто содасызь республикань ды весе масторонь спортонь вечкицятне. Те тейтерь-авась сеедьстэ лисни изницякс инвалидтнэнь ютксо спортонь эрьва кодамо пелькстамотнесэ, спартакиадатнесэ, турниртнэсэ. Сон кемень иеде ламо ашти инвалидэнь коляскасо, тень лангс апак вано, а лововить сонзэ изнямонзо армрестлингень ды пауэрлифтингень коряс. Галина Учаева совавтозь Россиянь сехте виев тейтерь-аватнень юткс. Теде башка, сон кишти коляскасо, получась водителень прават ды ули покш мелезэ стявтомс кудо.

Подробнее...
 
Ливксэнь путома шка

Неть читнестэ Мордовиянь Пресс-центрасо журналисттнэнь марто вастовкшность Мордовия Республикасо Роспотребнадзоронь Управлениянь прявтонь полавтыцясь В.Б.Окунев ды МР-нь Здравоохранениянь министрань полавтыцясь Н.Г.Юдина. Кортамось мольсь гриппсэ ды ОРВИ-сэ сэредемань шканть ушодовомадо икеле профилактикань мероприятиятнень ютавтомадонть.

Подробнее...
 
Ванстынк седеенк

Мезе теема ломанентень омбоце инфарктонть эйстэ менемга

 Эрьва ковсто инфарктось масторонь келес среднейстэ саи 5 тёжат ломанень эрямот. Лиякс меремс, эрьва чассто 7 ломанть. Седеень-санонь орматне Россиясо аштить васенце таркасо эрямосто а шкасто туемань коряс. Кодат валт авольть ёвта бу минек медицинадонть, ялатеке ламось ашти эсенек эйстэ, седе, кода минь вансттано шумбрачинек. Сень ловозь, бути содамс прявт ильведевкстнэнь, сестэ верьсанонь кажось, паряк, а лисевель, эли айгевель пек седе васов. Вана кода теде толковить минек ловныцятненень содавикс кардиологтне, конат пурнавкшность «Азбука фармации» «кругловой столентень». Тосо ульнесть ёвтазь ламо превс путомат, конатнень эрявить содамс ормадонть икеле, сонзэ пингстэ ды теде мейле, бути ломаненть ули мелезэ эрямс кувать ды уцяскавсто. 

Подробнее...
 
Ливксэнь путнема шка

Неть читнестэ Мордовиянь Пресс-центрасо ютавтовсь брифинг МР-со Роспотребнадзоронь Управлениянь прявтонть Т.П.Харитонова ды МР-нь Здравоохранениянь министрань полавтыцянть Н.Г.Юдина марто. Кортамось мольсь гриппень ды ОРВИ-нь эпидемиянь шкантень анокстамонь кевкстематнеде. Тедеде гриппенть эйстэ ливкст арсеви путнемс республикань 40% эрицятненень, 75% эйстэст – эйкакшт.

Подробнее...
 
<< Первая < Предыдущая 1 2 3 4 5 6 7 8 Следующая > Последняя >>

Страница 1 из 8

Новости

«Маска» АРТ-кафесэнть – кулинаронь-футболонь матчт

 Мейсэ Мордовиясь карми андомо ды дивавтомо 2018 иень Футболонь коряс масторлангонь чемпионатонь инжетнень? Неть салавачитнень панжомга «Маска» АРТ-кафесь ютавты кулинаронь-футболонь матчт. Кафень инжетнень туртов тесэ пидевить-паневить чемпионатонь мастортнэнь-участницатнень раськень ярсамопельть. Сынст варчамодост мейле эряви максомс вайгель вечкевикс ярсамопеленть кисэ ды анокстамс-пурнамс 2018 иень Футболонь коряс масторлангонь чемпионатонь ваныцятнень ды эсенк туртов меню.

Подробнее ...
 
Инжетненень невтема национальной культуранть мазычинзэ

Мордовиянь Прявтось Владимир Волков неть читнестэ вастневсь «Ассоциация финно-угорских народов» общественной вейсэндявксонь председателенть, Саранск ошонь администрациянь прявтонть Пётр Тултаев, ды эрзя-мокшонь раськетнень регионъютконь общественной вейсэндявксонь исполкомонь председателенть Александр Лузгин марто.

Подробнее ...
 
Кулят Ошонь Администрациясто

Пондельникстэ, мартонь 26-це чистэ, ошонь Администрациясо ютась оперативной совещания, конань ветясь ошонь округонь прявтось Петр Тултаев. Промксось ушодовсь Кемерова ошсо чавовозтнень коряс чатьмонемань минутасто. Саранскоень мэрэсь тешкстызе: «Объекттнэнь эксплуатацияс совавтомга вешематнень эрявить полавтомс. Минек ошсояк, койсэнь, микшнемань ламо комплекстнэ кандыть зыян. Саемга, ульнинь «Киномакс-Победа» кинотеатрасо ды сеансто мейле дивазевинь, лисема таркась вейке! Бути мезеяк тееви, арседе тынсь, мезе карми! Икелень шкатнестэ тосо ульнесть совамонь-лисемань кавто таркат. Сестэ строительтне арсесть зыяндо ванстоманть коряс. Паряк эряви анокстамс законодательной инициатива, проектно-сметной документациясь ютаволь экспертиза безопасностень лувтнень коряс».

Подробнее ...
 
Шумбрачинь чи

Эйзюрковонь 3-це чистэ Саранскойсэ ютавтови ошонь Шумбрачинь чи. Ленинской ды Пролетарской райононь парктнесэ, Экопарксонть ды конькасо кирякстнема таркатнесэ (Коваленконь, Гожувской куротнесэ ды «Саранск» стадионсонть) 11.00 чассто ушодовить концерттнэ, 12.00 чассто – спортонь пелькстамотне. Ленинской районсо арсевить «Тетям, авам, мон – спортонь семия» стартось, эрьва кодат пелькстамот ды квестт.

Подробнее ...
 
Чемпионатонть шкасто транспортонть ды общественной таркатнень важодемадо

Ошонь мэрэнтень эрицятнень пельде сеедьстэ максовить кевкстемат, кода Футболонь коряс масторлангонь чемпионатонь шкастонть кармить важодеме общественной транспортось, рынкатне ды микшнемань лия таркатне.

Подробнее ...