Рубрикатор

Здравоохранение
Губит людей не пиво?.. Нет, пиво!

Настойчивая, а еще лучше сказать — агрессивная реклама пива, которой нас усердно «кормили» с начала 90-х, уже сделала его национальным «напитком»  россиян. Благо, в России достаточно поводов и праздников для того, чтобы выпить. А для употребления пива и повод часто не нужен. Пиво употребляют, чтобы расслабиться, скрасить вечер, даже утолить жажду в жаркий полдень или после трудного рабочего дня.



Подробнее...
 
Диспансеризациясь вансты стака орматнеде

 Неть читнестэ республикань Пресс-центрасо ютавтовсь вастовома Мордовия Республикань Здравоохранениянь министранть Олег Валентинович Маркин марто. Журналисттнэнь ульнесь мелест содамс, кода республикасонок аштить тевтне диспансеризациянть коряс. Ледстясынек, те иень тунда, маень 6-це чистэ саезь, покш ломантнень туртов кемекстазь од лув. Кода мерсь О.В. Маркин, ней тейтерь-аватнень ды цёратнень, ниленьгемень иень топодемадо мейле, эрьва иестэ кармить ванкшновомо шумбрачист питневтеме. Те программантень совась онкологиянь орманть ванкшномась, а кой-кодат анализтнэ ды процедуратне кармить теевеме ков седе сеедьстэ икелень коряс. Бути ули меленк ванкшномс шумбрачинк питневтеме ды шкастонзо, тень туртов улезэ ансяк меленк.

Вастовоманть ушодовомсто МР-нь Здравоохранениянь министрась толковизе, мезе диспансеризациясь.

Покш ломантнень туртов диспансеризациясь – те питневтеме шумбрачинк ванкшнома, поликлиникасо анализтнэнь максома. Сонзэ мереви ютавтомс 18 иестэ саезь, се шкастонтькак, бути мезенкак а сэреди ды арасть кодаткак пеняцямонк шумбрачинк лангс. Ушодови анкетань сёрмадомсто, косо макстадо каршо валт, кодат орманк улить, эли малавиксэнк сэредить-арась, иредстиця симемапельть кода сеедьстэ варчнетядо, таргатадо-арась ды истя седе тов.

Теде мейле врачось кармавттадызь анализэнь максомо ды кучтадызь специалисттнэнень. Истя, питневтеме ютави флюорографиясь, маммографиясь, колоноскопиясь, ЭКГ-сь, максовить верень анализтнэ, ванкшнови щитовидной железась ды лангс ливтеви ули-арась ансяк ушодовиця онкологиянь ормась.

Неть ёнкстнэнь ванкшномадо мейле, бути тынк весе паро – кенярдовты кода эсенк, истя лецицянк. Виде, кодамояк ушодыця орманть эйстэнк редямсто эряви явомс шумбрачинтень покш мель ды ушодомс сонзэ витеманть. Тешкстазь диспансеризациясь ютавтови кавто этапсо.

Омбоце этапонть эряви ютамс васняяк сеть ломантненень, кинь улить кодаткак ормаст. Сестэ врачось кучтадызь неврологнень, хирургнень эли урологнень (цёратнень 45-72 иес, тейтерь-аватнень 54-72 иесэтнень). Бути эряви консультация колопроктологонть пельде, тееви рентген эли тевелявонь компьютерной томография, спирометрия, лоронь ды окулистэнь кедьсэ ютамо. Весе неть ванкшноматне ютавтовить сестэ, бути тенень улить кодаткак тувталт ды тыненк теде мери ванкшныця врачонк.

 

Косо ютама диспансеризациянть?

Диспансеризациясь ютавтови эсенк поликлиникасо эли фельдшерской пунктсо.

Се шкане арсеви теемс мобильной бригадат. Бути сась шканк ютамс диспансеризация иенк топодемань коряс, сестэ эйсэнк учить поликлиникатнесэ.

 

Кодамо шкасто ванкшнови шумбрачись?

Кода свал, графикень коряс эсенк поликлиникасо. Лиясто те тевенть туртов явовить башка врачт ды кабинетт. Кой-кона поликлиникатнень сайтсэ неть кулятне сёрмадозь, бути арась, гайневтеде регистратурав, тосо ёвтасызь тенк, кодамо шкасто седе паро тенк самс, штобу сеске максомс весе анализтнэнь. Аволь умок совавтозь полавтомат диспансеризациянть ютавтомадо, корязонзо те важодевксэсь ютавтови оймсема чистэ – субутасто. Истя жо важодема таркасто мереви саемс шумбрачинь ванкшномс чи, конась карми пандовомо.

Кода пачтясь тенек О.В.Маркин, минек республикасо сеть эрицятнень ютксто, кинень эряви ютамс диспансеризация (449 тёжат ломанть), пеледест ламотне (51%) уш ванкшнызь шумбрачист. Эрямонк кувалгавтомга, капшадо поликлиникатнес диспансеризациянь ютамо.

Валентина Юдина

 
Скандинавиянь ютамось – паро ормаменькс

 


Меельце шкасто ошонь ульцятнева сеедьстэ неят кавто палка марто ютыцят. Ве ёндо ваномсто, сеске а чарькодят, мезекс палкатне ломаненть кедьсэ. Ней уш ламот содыть, тень лемезэ – «Скандинавиянь ютамо». Палкатнень лангс ломантне нежедсть кезэрень шкасто саезь, ансяк истямо спортонь видэкс сон теевсь XX-це пингень куншкавидьстэ. Васняяк палкатнень лезэвчист неизь сокссо чийницятне, конатненень савиль ютавтнемс тренировкатнень кизнаяк. Сынсь спортсментнэ а весть тешкстакшнызь, палка марто кизна якамось саи истя жо вийть, кода сокссо чийнемась. Самай        тень кувалма лиссь, што палка марто якамось кармась истямо жо тренировкакс, кода сокссо чийнемась. Аламонь-аламонь палкатнень вельде кармасть анокстамо профессиональной спортсменткак. Сокссо чийницянь тренерэсь Репо Маури тень коряс мик анокстакшнось разработкаткак. 1979 иестэ печатазель сонзэ роботазо, конасонть невтезельть палка марто якамсто стакачитне. Ловови, самай те роботась тейсь ушодкс скандинавиянь якамонь концепциянтень.

Теке жо шкастонть Россиянь Выборг ошсо физкультурань вейке тонавтыцясь уроктнесэ кармась тонавтомо эйкакштнень палка марто якамо. Сон теекшнесь упражнениянь зярыя комплекст, конасонть нежекс ульнесть палкатне. 1988 иестэ конференциясо Leena Marjatta мерсь: те спортось икелепелень.

Скандинавиянь масторонь оштё вейке представителесь Том Рутлин арсесь палка марто ютамонь эсензэ лув. Сонзэ правилатнень коряс, ютыцянть кедьсэ стака палкат, конатнень нолдась ды микшнесь сонзэ предприятиясь. Васенце покш мероприятиясь, конась алтазель скандинавиянь ютамонтень, ульнесь 1988 иестэ. Сонзэ ютавтыцязо – спортонь покш центрань директорось Туомо Янтунен.

Скандинавиянь ютамонь неень шкань васенце палкатне нолдазельть 1997 иестэ. Сынст нолдась «Nordic Walker» фирмась ды питнесткак ульнесть аволь покшт. Аламонь-аламонь рамицятне ламолгадсть. Те спорттонть ламо ёвтневсь телевидениянь каналтнэва. 1988 иестэ Финляндиянь 150 тёжат эрицят сюлмавкшность «Скандинавиянь якамонть» марто. Масторсонть роботасть кавто тёжат инструкторт, панжовсть клубт.

2000 иестэ теезель «Скандинавиянь якицянь» раськеютконь ассоциация. Те спорттонть кармасть содамо масторлангонь келес. Ламо таркатнесэ панжовсть куншкакурот, клубт, косо анокстасть инструктортнэнь.

Неень шкасто «Скандинавиянь ютамось» покш эскелькссэ моли масторлангованть. Европань ды Американь ламо мастортнэсэ улить мик те спортонть коряс правительствань программат. Сехте пек те спортонть вечксызь Финляндиясо, конась ловови сонзэ чачома таркакс.

Россиясо «Скандинавиянь ютамодонть» кармасть содамо аволь умок. Тень лангс апак вано, сонзэ вечкеме кармасть ламот. Истямо спортось мик совавтозь ГТО-нь комплексэнтень.

Мекс сон ламонень вечкевсь? Тевесь сеньсэ, истямо ютамось пек лезэв шумбрачинть ванстомга. Сон кемексты иммунитетэнть, рунгонть. «Скандинавиянь якамось» максы ламо лезэ куявтненень, сетненень, кинь ормалгадсь седеезэ.

Россиясо «Скандинавиянь ютамонть» шныцякс-ёвтницякс ловови Андрей Волков, Физкультурань институтонь спортивной медицинань кафедрань доцентэсь, врачось-реабилитологось. Сон – Санкт-Петербургсто. Финляндиясо улемстэ неизе, кода тосонь ламо эрицят якить палка марто теезь ялго якамонь китнева. Васня эзь чарькоде тевденть. Мейле кармась содамо, истя кизна ютавтнить тренировкаст тосонь сокссо чийницятне. Волковонь ульнесть эсензэ стакачинзэ покш сталмонзо коряс. Кудов самодо мейле сайсь палкат ды варчизе. Истя сонензэ куроксто удалась ёртомс а эрявикс килограмматнень. Тевесь сеньсэ,  скандинавиянь палка марто ютамсто роботыть рунгонь весе мышцатне. Калориятнедеяк ёмавтовить, невтемакс, велосипедсэ ардомадонть ламо. Тень содазь, Андрей Волков кармась максомо мель ормаменьксэкс эсензэ пациенттнэнень «скандинавиянь ютамонть». Седе тов те спортось вечкевсь одтнэненьгак.

«Скандинавиянь ютамонь» спортось аволь питней. Сонзэ туртов а эрявить кодаткак спортзалт ды питней тренажёрт. Эрявить ансяк кавто палкат ды паро ёжо. Неень промышленностесь нолды кавто видэнь палкат: телескопическойть ды монолитнойть. Васенцетнень кувалмост тееви кодамо эряви, сынь нурькалгавтовить ды кувалгавтовить. Монолитнойтнень покшолмаст вейке. Телескопической палкатне маштовить эрьва кинень: одтнэненьгак, сыретнененьгак. Теде башка, сынст пек паро ускомс мартот. Питнесткак монолитнойтнеде седе аламо. Ёвтазденть башка оштё нолдыть ды микшнить карбоновой палкаткак. Сынь пек шождынеть ды кеметь. Питнень коряс седе питнейть. Весе микшневиця палкатнень кундамо таркатне вельтязь резинасо. Сокссо чийнемань палкат «скандинавиянь ютамосо» саемс а мереви. Кода лия спортсояк, «скандинавиянь ютамосо» ули молемань техника.

Седе паро улевель бу, штобу васенце занятиятне, те спортонть тонавтнемга, ютавольть покш опыт марто инструкторонь сельме икеле. Бути васенце занятиятнестэ кармат ютамо аволь кода эряви, мейле тень витемс карми стака. Аволь виде техникась аволь вейкетьстэ роботавты рунгонь мышцатнень, самай тень кувалма ломанесь куроксто сизи.

Эрьва тренировкадонть икеле эряви эждемс мышцатнень физзарядканть вельде. Мейле видестэ стяма пильге лангс ды нежедема кочкарятненень. Теде мейле рунгонь сталмонть валгстома пильгесуртнэнь лангс. Ютамонь техникась – шождыне. Икелев васняяк ютавтовить вить кедесь ды керш пильгесь, мейле, мекевлангт, керш кедесь ды вить пильгесь. Палкатне ютамсто икелев ютавтовить аволь пек. Истямо правилась сеедьстэ колсеви асодыцятнень ютксо.

Бути весемесь тееви видестэ, ютыцясь а карми марямо сизема, мекевлангт, виень кавонзамо ды паро ёжо.

Анокстызе Николай Евдокимов

 
Цёратнень шумбрачист ванстомга программа

 

«Здравоохранение» ОНФ-нь тематической площадкань экспертэсь, Республиканской эйкакшонь клинической больницянь отделениянь прявтось, «Детская урология-андрология» специальностенть коряс высшей категориянь врачось, врачось-эйкакшонь хирургось, врачось-урологось, Мордовия Республикань аволь штатной прявт специалистэсь-экспертэсь Александр Жаров:

Мордовиясо цёратнень репродуктивной шумбрачист ванстоманть туртов эряви анокстамс «Цёрань шумбрачинть коряс» целевой программа. 2008 иестэ Саранскойсэ Республиканской эйкакшонь клинической больницянть юрсо (ДРКБ) ушодызе важодеманзо «Цёрань шумбрачинь» куншкакурось, минек лецямонь учреждениянь специалисттнэ ваныть цёрынетнень шумбрачист мельга.

 

Урологиянь лезксэнть явомга Мордовиясо теезь колмо уровнянь система. Васенцесь – эйкакшонь хирургтне ды урологтне-андрологтне профилактикань ды скринингень ванноматнень вельде шкастонзо редить андрологической орматнень. Омбоцесь – консультациянь-диагностикань ванноматнень ветямось, конатнень вельде путови виде диагнозось ды кочкави терапиясь. Тень туртов 18 иеде седе вишкинетне пачтявить Республиканской эйкакшонь клинической больницянь «Цёрань шумбрачинь» куншкакуронь андрологонтень, конась путсы диагнозонть. Колмоцесь – покш квалификациянь специалисттнэнь лезксэсь, конась явови ДРКБ-нь эйкакшонь уроандрологической отделениясонть.

Редязель, 18 иеде седе вишкинетнень ютксо 10-15% эйкакштнень покш рискест репродуктивной шумбрачинть коряс. Куншкакуронть панжомадонзо икеле те невтевксэсь ульнесь 0,1-0,5%.

Минек куншкакуросонть эрьва ие ванкшнома ютыть 1500 эйкакшт, ютавтовить малав 500 урологиянь операцият. Целевой финансированиянть арасьчинзэ кувалма «Цёрань шумбрачинь» куншкакурось важоди функциональной юрсо, минек лецицятнень мелест вельде. Куншкакуросонть важодиця специалисттнэнь лангс стакачись касы, а вана финансированиясь а покшолгавтови, – мерсь Александр Жаров. – Теде башка, арасть вейсэнь важодемань сюлмот покштнень андрологической службанть марто. 18 иетнень топодемадост мейле од цёратне а пачтявить покштнень сетентень.

Течи андрологонь приёмтне ветявить покш стакачитнень витемга. Те ЭКО-нтень анокстамось ды консультативной приёмось. Службанть важодеманзо ладямосонть арась системань лув. Стакачись истя жо сюлмавозь те ёнкссо важодиця лецямонь-диагностикань вийтнень келейгавтоманть марто. Жаров тешкстызе, системанть важодеманзо вадрялгавтомга эряви целевой финансирования.

Справкась: Отделениясь – Мордовиясо урологиянь-андрологиянь профилень вейкине отделения. Иень перть тосо лецявить 1300 эйкакшт. 2012 иестэнть саезь тосо теезь эйкакшонь гинекологиянь таркат (350 таркат иезэнзэ).

 
Сынь важодить ломантнень шумбрачист лезэс

Аштемковонь 14-це чистэ И.М.Яушевень лемсэ театрасонть ютавтовсь кенярксчинь промкс, конась алтазель Медицинасо важодицятнень чинтень. Пурнавозетненень поздоровонь ёвтамо сакшнось Мордовиянь Прявтось Владимир Волков.

Течи минь ёвтатано поздоровонь лембе валт сетненень, кить алтызь эсь пряст врачонь искусствантень – пек эрявикс ды ответственной тевентень, конась веши обуцянь башка ёнкст ды, нама, эсь тевень вечкеманть, – мерсь В.Д.Волков. – Ёвтан поздоровт весенень, кить важодить ломантнень шумбрачист лезэс – Медицинасо важодицятнень чинть кувалма!



Подробнее...
 
<< Первая < Предыдущая 1 2 3 4 5 6 7 8 9 10 Следующая > Последняя >>

Страница 1 из 12

Новости

Турчак: «Единая Россия» предлагает ввести повышающий коэффициент 1,4 для выплат по программе «Земский доктор»
«Единая Россия» готова в короткие сроки внести в законодательство 
необходимые изменения, направленные на повышение качества первичной 
медицинской помощи. Речь идет о введении повышающего коэффициента 
1,4 для выплат по программе «Земский доктор» для особо сложных и 
труднодоступных территорий и законодательном закреплении института 
наставничества для молодых врачей в течение не менее трех лет. Об этом 
заявил секретарь Генерального совета «Единой России» Андрей Турчак.
Подробнее ...
 
В «Единой России» подготовят предложения по освобождению учителей от излишней административной нагрузки
В «Единой России» перед началом учебного года подготовят
предложения по решению проблемы избыточной отчетности педагогов. Свои
инициативы сможет направить любой желающий через сайты региональных
отделений «Единой России» до 28 августа, а 4 сентября планируется
обсудить их с участием всех профильных ведомств, экспертов,
представителей родительского сообщества на федеральной дискуссионной
площадке «Благополучие человека». Об этом заявила первый заместитель
секретаря Генерального совета Партии, депутат Госдумы Ольга Баталина.
Подробнее ...
 
Турчак просит Президента РФ представить к награде бортпроводницу Ан-24 авиакомпании «Ангара»
Вице-спикер Совета Федерации, секретарь Генерального совета 
«Единой России» Андрей  Турчак выступил с предложением наградить 
бортпроводницу самолета Ан-24 авиакомпании «Ангара» Елену  Лапуцкую, 
которая 27 июня спасла 43 пассажира самолета, потерпевшего крушение в 
аэропорту бурятского поселка Нижнеангарск. Соответствующее обращение 
он направил Президенту РФ Владимиру Путину.
«Героический поступок бортпроводницы самолета Ан-24 
авиакомпании «Ангара» Елены Лапуцкой, которая спасла из горящего 
самолета 43 пассажира, рискуя собственной жизнью и имея серьезные 
травмы, достоин награды. Безусловно, такие случаи необходимо отмечать на 
государственном уровне», - уверен Турчак.
«Желаю Елене Лапуцкой скорейшего выздоровления и возвращения в 
профессию», - заключил вице-спикер Совфеда.
Отметим, 27 июня самолет Ан-24 авиакомпании «Ангара» из-за отказа 
двигателя совершил жесткую посадку в аэропорту бурятского поселка 
Нижнеангарск, и врезавшись в здание очистных сооружений, 
загорелся. Бортпроводница Елена Лапуцкая в одиночку сумела быстро 
открыть аварийные двери и помогла людям выбраться из салона. 
Благодаря этому, никто из 43 пассажиров не погиб. Командир корабля 
и бортмеханик погибли сразу, второй пилот покинул самолет через 
аварийный люк горящей кабины.
 
К лету 2020 года в рамках акции «Единой России» по лесовосстановлению будет высажено более миллиона деревьев
В рамках акции «Единой России» по лесовосстановлению будет
высажено более одного миллиона деревьев до лета 2020 года. Первые
лесовосстановительные мероприятия начнутся уже в сентябре-октябре этого
года в регионах, климат которых наиболее благоприятен, и продолжатся
весной. Первыми участниками акции станут лесные регионы Сибири,
Дальнего Востока и Северо-Западного федерального округа: Хабаровский,
Забайкальский, Приморский, Красноярский и Алтайский края, Республики
Алтай, Бурятия и Карелия, Амурская, Иркутская, Омская, Томская,
Новосибирская, Архангельская и Новгородская области.
Подробнее ...
 
Партийцы Мордовии провели акцию «Лучший друг»
Акция организована активом сторонников регионального
отделения партии в рамках проекта сторонников партии « Центр
поддержки гражданских инициатив» совместно с
Благотворительным фондом Да Добро. Волонтеры передали в
приют для безнадзорных животных Саранска корм,
медикаменты, аксессуары для животных.
Подробнее ...