Рубрикатор

Образование
Панжовсь эйдень кужо!

Исяк, медьковонь 30-це чистэ, пек кенярксов чись ульнесь Т.Бибинань куросонть. Тосо панжовсь 8-це № эйдень кужось. Ошонь те микрорайонсонть стявтозь ламо од кудот, косо эрить эйкакш марто од семият. Кужонть те таркасонть ломантне учость ды вешсть. 2017 иестэ сынь пшкалесть РФ-нь Президентэнтень «Прямой линиянть» вельде. В.В.Путин максынзе В.Д.Волковнень республикань эрицятнень пшкадемаст марто конёвтнень.



Эйдень кужосонть 250 таркат, сон пешкедсь. Пурнавсть кемголмово группат. Вейкесь эйстэст алтави беряньстэ кортыця эйкакштненень.

Кужонть панжомо сакшнось МР-нь Прявтось В.Д.Волков. Сон ванызе эйдень кужонть ды весемесь тусь мелезэнзэ. Кода а туи мельс?! Тесэ ули бассейна, спортзал, актовой зал, компьютерэнь класс (неень шкань вешематнень ды программатнень коряс), ярсамопелень пидема тарка. Эйдетне чизэнзэ андовить ветексть. Омбоце этажс ярсамопельтне кузтевить башка кепедемкасо. Весе нупальтне артозь эрьва кодамо мазый тюссо, конат кецявтыть сельме. Спортзалсонть эйдетнень марто карми важодеме  В.Н.Балашов инструкторось, сон чачсь Ярославской областьсэ, тонавтнесь Московонь педагогической университетсэ. Эйдень кужонть прявтсо В.Н.Антонов.

В.Д.Волков, нама, кортась эйдетнень мартояк. Ансяк вишкинетне визделгадсть ламо инжетнеде. Теде мейле Владимир Дмитриевич вастовсь тетятнень-аватнень марто, кинь эйдест якить те кужонтень. Сон ёвтнесь «Демография» ды «Образование» проекттнэде. Сынст вельде 2021 иенть самс стявтовить кеветее эйдень кужот кода Саранскойсэ, истя районтнэсэяк. Теде башка, витневить-петневить ды паролгавтовить ташто кужотне.

Пурнавозтне макснесть В.Д.Волковнень талновтыця кевкстемат. Ломантне бажасть содамс, карми-арась стявтозь Химмашонь те районсонть оштё вейке кужо. Пек учить тесэнь эрицятне оймсемань парк, кудотнень перька паролгавтоманть ды эйкакшонь поликлиникань панжоманть. Владимир Дмитриевич пачтясь, панжови кужояк, школаяк, нама, эряви парк, сонзэ арсеви теемс «Огни Саранска» мазый таркасонть. Неень шкань поликлиникась панжови те иень декабрясто.

Тетятне-аватне ёвтасть МР-нь Прявтонтень ламо сюкпрянь валт кужонь панжоманть кисэ.

 

Татьяна Маторкина

 
Мордовиясо явшить сертификатт эйкакштнень тонавтомга

Неть читнестэ Печатень кудосонть ютавтовсь пресс-конференция «Реализация персонифицированного финансирования дополнительного образования в Республике Мордовия» кевкстеманть коряс. Журналисттнэнь марто вастовкшность МР-нь Образованиянь министрань васенце полавтыцясь Елена Солдатова, Саранск ошонь округонь Образованиянь управлениянь прявтось Оксана Шуляпова, Эйкакштнень дополнительной тонавтомань республикань куншкакуронь прявтось Ольга Уткина, сонзэ полавтыцязо Ольга Ашаева ды Россиянь ФАС-нь Мордовиянь управлениянь прявтонь тевтнень нурька шкас топавтыцясь Татьяна Тютянина.

Кортамось мольсь «Образование» национальной проектэнь «Успех каждого ребёнка» региононь проектэнть лувсо Мордовиянь дополнительной тонавтомантень полавтоматнень совавтомадо.

Истя, 2019 иестэ эрьва семиянтень мереви саемс питневтеме сертификат 5-18 иесэ эйкакштнень дополнительной тонавтомаст туртов. Уш таштамковонь 1-це чистэ кужинетнес ды секциятнес мереви сёрмадстовомс ансяк сертификатонть улеманзо пингстэ. Сень лангс апак вано, кодамо кружок эли секция кочки эйкакшось, кодамо организацияс сон карми якамо – тонавтоманзо кисэ карми пандомо государствась.

– Сертификатось – те реестрань тешкс, конась невти: эйкакшось совавтозь дополнительной тонавтомань персонифицированной финансированиянь системантень, – мерсь Елена Солдатова. – Мордовиясо сертификаттнэ явшевить те иень панжиковонь 1-це чистэнть саезь. Неень шкантень 5-18 иесэ эйкакштнень ютксто 66,5 проценттнэнень уш максозь сертификатт.

Подробнее...
 
Эряк, тиринь кель!

 

«Сивинь» эйкакшонь  лагерьсэ, кона ашти Краснослободскоень буесэ, эрьва иестэ оймсить ды шумбрачист кемекстыть  зярыя  сядот  пакшат.  Вейке сменась кеменде ламо иеть ютни «Эряк, тиринь кель!» лем ало. Тень коряс уш содави, кить сакшныть тов оймсеме. Неть:  рузонь, эрзянь, мокшонь, татаронь раськень эйкакшт ды од ломанть, кить лиснить изницякс тиринь кельтненень алтазь  пелькстамотнесэ. Ютксост седе ламотне  Мордовиясто. Аволь аламо сакшныть  Россиянь лия таркатнестэяк: Татарстансто, Башкириясто, Пензасто, Ульяновскойстэ,  Владимирстэ, Нижней Новгородсто, натой Удмуртиясто, Марий Элстэ.  Тедедеяк «Сивинь» лагересь пешкедсь эрьва кодамо кельсэ кортыця эйкакшто. Виде, ней сындест пурнавсть икелень коряс седе аламо – ансяк ведьгемень. Икеле иетнестэ сакшность 70 ды натой 100 эйкакшт. Мекс эйкакштне аламолгадсть? –  апак кевкстеяк чарькодят: а сатныть ярмактне. 

Тень лангс апак вано, «Эряк, тиринь кель!» сменась медьковонь 2-це чистэ таго панжовсь, мезесь кецявты весень, васняяк эйкакштнень, конатненень тесэ, аламо меремс, тукшны мельс.  Кемень чинь перть сынь кенерсть теевеме малавикс оякс-ялгакс, ламос-мезес тонадсть. Тесэ сынст  туртов  весемесь тееви, кода эряви ды кода ладязь сменань программасонть. Оймсемадо башка эйкакштнень  марто  ютавтнить  тиринь келень тонавтомань занятият. Эрзянь келенть марто содавиксэкс эйкакштнень теи  В.Н.Кезина, мокшонь келенть  марто – М.Н.Миронова (сон топавты сменань прявтонь тевтненьгак). Татаронь келенть вети  Ф.Ф.Боярова. Теде  башка, эйкакштнень  усксить экскурсияв содавикс таркатнева. Аволь умок якасть Наровчатов, косо ульнесть рузонь содавикс сёрмадеенть А.И.Купринэнь музейсэяк. 

Ютавтнить эрьва кодат вастовомат, чокшнеть, пелькстамот. Сеедьстэ сакшныть тенст покш инжеть, содый ломанть: сёрмадейть, морыцят, спортсмент,  библиотекасо, музейсэ ды лия таркасо важодицят.  Ютазь пецястояк (медьковонь 12-це чистэ) эйкакштне лембестэ вастызь Саранскойстэ делегациянть, конань прявтсоль Мордовия Республикань Образованиянь министерствань главной специалистэсь Н.В.Салмова, кинень максозельгак тевесь ваномс ды эсь сельме ало кирдемс весе сень, кода молить тевтне лагерьсэнть.

Вастовоманть, кона мольсь лембе чипай ало, ушодызь сынсь эйкакштне. Кить морасть, кить киштсть, кить ловность  валморот. Пек парсте эсензэ валморонзо ловнызе  эрзянь тейтересь Юля Керова. Сон – Ульяновской ёнксонь Инзань буестэ. Тейтерькась тедеде прядызе школанзо,  сайсь мель тонавтнеманзо поладомс Мордовиясо.

Мейле валось максозель инжетненень. Эряви меремс, вастовомась лиссь седе а ков парсте.  Васняяк, пек превейстэ арсезель сценариесь, конань сёрмадызь Равчирень финнэнь-угрань раськень культурань кужосо важодицясь Т.Т.Чекушова, А.С.Пушкин лемсэ Национальной библиотекасо важодицясь В.Б.Бояркина. «Сятко» журналонь прявт редакторось Т.В.Разгуляева эйкакштнень ланга журналонь явшемадо мейле тердинзе сынст  седе ламо ловномс тиринь кельсэ.

Вейке омбоце мельга эсест шкинемадост ёвтнесть Мордовиянь заслуженной поэттнэ Рая Орлова, Геннадий Гребенцов, «Якстерь тяштеня» журналсо важодицясь Наталья Чумбаева. Минек ине ломантнеде – скульптордонть С.Эрьзядо ды артыцядонть  Ф.Сычковдо – домка пачтямо тейсь С.Д.Эрьзя лемсэ музеень отделэнь прявтось Н.С.Осянина. Кодат морот морсесть минек покштятне-бабатне седикеле, невтизь МР-нь заслуженной артисткась Г.Макшева ды мон, кода «Ламзурь» морокуронь прявт. Ульнесть  казнетькак. Сынь макснезельть сетненень, кить видестэ содылизь се-тона содамоёвксонть.

Вастовомась таргаволь седеяк куватьс, тесэ эйкакштнень тердизь ярсамо. Лагерьсэ ладязь лувонть коламс а мереви.

Сы недлясто эйкакштнень марто вастовомо сыть лия инжеть. Кармить мартост ютавтомо мастер-класст морамонь, киштемань, национальной налкшкень теемань коряс. Истя карми молеме сменанть прядовомс, медьковонь 22-це чинть самс.

Туинек «Сивиньстэ»  кемема марто: кодат стакачить эрямосонок иляст лисне, эйкакштнеде а эряви стувтнемс зярдояк. Паряк, сы иестэ «Эряк, тиринь кель!» лагерев сыть седеяк ламо эйкакшт.

Раиса Щанкина

 
Парсте тонавтнемань кисэ – медальть

Республикань Культурань кудосо ютась валдо кенярксчи. Тесэ школань прядыцятнень туртов явшесть «За особые успехи в школе» медальть ды част. Тедеде 377 медалистт, сынь сакшность кода ошонь школатнестэ, истя жо республикань районтнэстэяк.

Лембе валонь ёвтамо ды медалень каземе сакшнось МР-нь Прявтось В.Д.Волков.
– Тынк медальтне – те зярыя иень школань эрямонь покш важодема, те изнявкст ды ильведькст, кеняркст ды сельведть. Течи те залсонть пурнавсть минек ёроков эйкакштне, Мордовиянь школань превей тонавтницятне. Сюкпря ёвтавлинь тонавтыцянк, превс путыцянк туртов, конат ламо важодсть мартонк, кастыдизь превей, паро, тиринь масторонь вечкиця ломанекс. Тынк изнявкстнэ – те сынсткак изнявксост.

Ютазь тонавтнемань иестэнть минек эйкакштне парсте невтизь пряст олимпиадатнесэ, раськеютконь ды весероссиянь од ломанень форумтнесэ. Колмоце ие Мордовиясь сови Россиянь кемень сехте вадря регионтнэнь юткс, косо улить покш изнявкст Весероссиянь олимпиадатнесэ. Течи те залсонть школасо тонавтницятнень туртов Весероссиянь олимпиадань эрьва кодамо этапонь 365 призёрт ды изницят. Колмо ломанть изнясть мирэнь ды раськеютконь олимпиадасо. Неть изнявкстнэ кортыть седе, тынь пурныде ламо содамочить, теиде сэрей тёкштнес васенце кеме эскелькст. Икеле эйсэнк учи сехте стака школась – эрямонь школась, – кортась Владимир Дмитриевич.

Прявтось тешкстызе, неень шкань од ломантне – цифровой шкань, од пингень эйкакшт. Сынст лангс ули кемема: кастсызь-кепедьсызь науканть, инновациятнень, IT-технологиятнень, промышленностенть, строительстванть, велень хозяйстванть ды лия ёнкстнэнь.

– Пшкадян тетянк-аванк туртов, конат течи састь тей: тынь кастыде пек вадря тейтерть ды цёрат. Сынст лангс кеми минек республикась ды весе масторось. Покш сюкпря тенк превей, ёроков, «сырнень» эйкакштнень кисэ! – мерсь В.Д.Волков. Сон пачтясь, ков бу авольть моле тонавтнеме минек од ломантне, кадык сыть эрямо ды важодеме тиринь ёнксов.

Школань прядыцятнень туртов медальть истя жо явшесть МР-нь Государственной Собраниянь Председателесь В.В.Чибиркин, МР-нь Правительствань Председателесь В.Ф.Сушков, Саранск ошонь мэрэсь П.Н.Тултаев.

Сцена лангсо весе инжетнень кецявтсь «Апрель» поп-группась, кона морась неень шкань моротнень. Теде мейле РДК-нть вакссо ютась весероссиянь флешмоб ды дискотека.

                                                                                                                                                                                                                                                       Татьяна Маторкина

 
Казнетне – эйкакштненень

«Профсоюзтнэ – эйкакштненень». Истя лемдязель благотворительной акциясь, конанть вейсэ ютавтызь Мордовия Республикань Профсоюзонь федерациясь ды «Ликероводочный завод «Саранский» ООО-сь. Сонзэ васенце бажамокс ульнесь – содавтомс эйдень кудосо, приютсо, школасо-интернатсо, санаториясо эриця ды лециця эйкакштнень. Ды аволь ансяк варштамс лангозост­, истя жо ускомс сынст туртов ламо казнеть, кевкстнемс эрямодост-аштемадост, кенярдовтомс мельстуиця налксематнесэ ды ламбамопельсэ.


Подробнее...
 
<< Первая < Предыдущая 1 2 3 4 5 6 7 8 9 10 Следующая > Последняя >>

Страница 1 из 29

Новости

Турчак: «Единая Россия» предлагает ввести повышающий коэффициент 1,4 для выплат по программе «Земский доктор»
«Единая Россия» готова в короткие сроки внести в законодательство 
необходимые изменения, направленные на повышение качества первичной 
медицинской помощи. Речь идет о введении повышающего коэффициента 
1,4 для выплат по программе «Земский доктор» для особо сложных и 
труднодоступных территорий и законодательном закреплении института 
наставничества для молодых врачей в течение не менее трех лет. Об этом 
заявил секретарь Генерального совета «Единой России» Андрей Турчак.
Подробнее ...
 
В «Единой России» подготовят предложения по освобождению учителей от излишней административной нагрузки
В «Единой России» перед началом учебного года подготовят
предложения по решению проблемы избыточной отчетности педагогов. Свои
инициативы сможет направить любой желающий через сайты региональных
отделений «Единой России» до 28 августа, а 4 сентября планируется
обсудить их с участием всех профильных ведомств, экспертов,
представителей родительского сообщества на федеральной дискуссионной
площадке «Благополучие человека». Об этом заявила первый заместитель
секретаря Генерального совета Партии, депутат Госдумы Ольга Баталина.
Подробнее ...
 
Турчак просит Президента РФ представить к награде бортпроводницу Ан-24 авиакомпании «Ангара»
Вице-спикер Совета Федерации, секретарь Генерального совета 
«Единой России» Андрей  Турчак выступил с предложением наградить 
бортпроводницу самолета Ан-24 авиакомпании «Ангара» Елену  Лапуцкую, 
которая 27 июня спасла 43 пассажира самолета, потерпевшего крушение в 
аэропорту бурятского поселка Нижнеангарск. Соответствующее обращение 
он направил Президенту РФ Владимиру Путину.
«Героический поступок бортпроводницы самолета Ан-24 
авиакомпании «Ангара» Елены Лапуцкой, которая спасла из горящего 
самолета 43 пассажира, рискуя собственной жизнью и имея серьезные 
травмы, достоин награды. Безусловно, такие случаи необходимо отмечать на 
государственном уровне», - уверен Турчак.
«Желаю Елене Лапуцкой скорейшего выздоровления и возвращения в 
профессию», - заключил вице-спикер Совфеда.
Отметим, 27 июня самолет Ан-24 авиакомпании «Ангара» из-за отказа 
двигателя совершил жесткую посадку в аэропорту бурятского поселка 
Нижнеангарск, и врезавшись в здание очистных сооружений, 
загорелся. Бортпроводница Елена Лапуцкая в одиночку сумела быстро 
открыть аварийные двери и помогла людям выбраться из салона. 
Благодаря этому, никто из 43 пассажиров не погиб. Командир корабля 
и бортмеханик погибли сразу, второй пилот покинул самолет через 
аварийный люк горящей кабины.
 
К лету 2020 года в рамках акции «Единой России» по лесовосстановлению будет высажено более миллиона деревьев
В рамках акции «Единой России» по лесовосстановлению будет
высажено более одного миллиона деревьев до лета 2020 года. Первые
лесовосстановительные мероприятия начнутся уже в сентябре-октябре этого
года в регионах, климат которых наиболее благоприятен, и продолжатся
весной. Первыми участниками акции станут лесные регионы Сибири,
Дальнего Востока и Северо-Западного федерального округа: Хабаровский,
Забайкальский, Приморский, Красноярский и Алтайский края, Республики
Алтай, Бурятия и Карелия, Амурская, Иркутская, Омская, Томская,
Новосибирская, Архангельская и Новгородская области.
Подробнее ...
 
Партийцы Мордовии провели акцию «Лучший друг»
Акция организована активом сторонников регионального
отделения партии в рамках проекта сторонников партии « Центр
поддержки гражданских инициатив» совместно с
Благотворительным фондом Да Добро. Волонтеры передали в
приют для безнадзорных животных Саранска корм,
медикаменты, аксессуары для животных.
Подробнее ...