Рубрикатор

Развитие АПК Вандынь чиденть арсезь
Вандынь чиденть арсезь

Дюркина велесэ келейстэ тешкстазель Велень хозяйствань ды перерабатывающей промышленностень роботникень чись. Тесэнь Культурань кудос пурнавкшность Таразбуень, Алашеевкань, Сабанцелень, Аловелень сюронь, ламбамо якстерькаень кастыцятне, скалонь потявтыцятне, трактористтнэ, шофертнэ. Сыненст кенярксчинть кувалма поздоровт ёвтась, важодемасо од изнявкст арсесь «Сабанчеевское» велень хозяйствань предприятиянь прявтось Д.Н.Игушкин.

Пурнавозтненень концерт невтсь Мордовиянь «Умарина» государственной киштемань ды морамонь ансамблясь, конань художественной руководителесь, Мордовиянь искусствань заслуженной деятелесь В.И.Четыркин.
Апак сёпо мертяно, ваныцятненень истямо паро ансамблянть морамозо ды киштемазо пек вечкевсь. Дюркина велень поселениянь администрациянь прявтось В.А. Кузнецов паро ёжонь каземанть кисэ весень пельде артисттнэнь казинзе цецянь покш пусмосо.
Виктор Алексеевич Дюркина велень поселениянь администрациянь прявтокс важоди вете иеть. Те шканть перть парсте тонавтнинзе аволь ансяк велень эрицятнень бажамост, тевест, истя жо те велень китнень-янтнэнь, паксятнень, сень, мезесь течи талновты В.А.Кузнецовонь.
– Минек велень администрацияс совить эште кавто велеть: Манадышесь ды Паранеясь. Истя, колмо велева лововить 540 ломанть, 287 – пенсионерт. Дюркина велесэнть улить Культурань кудо, фельдшерско-акушерской пункт, почта, эйдень кужо. Ризксэнтень, аволь умок пекстызь школанть, – мельсапаронь апак кекше корты В.А.Кузнецов. – Ней эйкакштнень усксетяно шабра Аловелев. А мезть сёпомс, зярдо велесэнть арась школа, веленть арась вандынь чизэяк.
Дюркинасо истямо меленть-арсеманть а шныть. Тень лангс апак вано, эрицятне кедест а нолдтнить. Важодить истя жо виевстэ. Вана почтань прявтось Л.П.Тужина, мартонзо важодицятне Л.М.Трошкина ды Е.А.Лапшина весементь теить ломантнень эрямост вадрялгавтомга-шождалгавтомга. Велень пенсионертнэнень видьстэ кудос кандтнить пенсияст ды истя жо газетатнень ды журналтнэнь сетненень, кить лангозост сёрмадстсть.
Велень эрицятнень мельспарост – куншкакуросонть Ине Отечественной войнасо маштовозтненень стеллась, конань стявтызь 2016 иестэ.
2017 иестэ сонзэ панжомо сакшнось Мордовиянь Прявтось В.Д.Волков, – ёвтни В.А.Кузнецов. – Эдь Мордовиянь прявттнэнь вийсэ сон стявтозель стеллась. Минь а стувтнетяно сетнень, кить тюрсть валдо чинть кисэ немецко-фашистской захватчиктнень каршо.
Тешкстасынек, Дюркина велень поселениянь администрациясь, конань прявтсо В.А.Кузнецов, покш мель яви улезь сэдтнень витнемантень. Истя, 2017 иестэ витнезь сэдь, конань теемс явозельть 500 тёжат целковойть. Тедеде допрок витнезь фельдшерско-акушерской пунктось.
Кияк кевксти: косто саевсть ярмактне? Ёвтасынек, весемесэнть лездыцясь – «Сабанчеевское» велень хозяйствань предприятиясь, конань прявтсо Д.Н.Игушкин.
– Дмитрий Николаевич велень хозяйствань алкуксонь прявт. Сон мелявты аволь ансяк предприятиянть тевтнень коряс – велень эрицятнедеяк. Сон чарькоди: ансяк вейсэнь вийсэ таштавить велень хозяйствасо изнявкстнэ, – тешксты В.А.Кузнецов. – Тензэ мезень коряс эзинь пшкале, зярдояк эзь отказакшно. Свал лездась ды лезды.
В.А.Кузнецовонь валонзо коряс, Дюркина велень эрицятне эсь вийсэст ванськавтызь калмазыренть. Пильсизь умонь чувттнэнь. Паро тевень ушодыцятне, трудонь ветерантнэ Ольга Васильевна Беляева, Николай Михайлович Акимов. Велень эрицятне сынст содасызь парсте. Вана Ольга Васильевна пенсияс туемазонзо важодсь эйкакшонь тонавтыцякс. Ламонень лездась кеместэ стямс пильге лангс, кочкамс эсь тев. В.А.Кузнецовонь ушодксонзо коряс пирязь Манадыши велень калмазыресь.
– А шнамга, мон пек чийнинь велетнесэ китнень вадрялгавтомаст коряс, – видькстась Виктор Алексеевич. – Ков ансяк эзинь ардтне, кинень ансяк эзинь совсе тень коряс! Ды мезе? Улавось таркастонзо сыргавтозь. Течи велетнесэ китне а берянть. Сынь вельтязь асфальтсо. Тия тундаяк, сёксняяк ардоват легковой автомашинасо.
Дюркина велень поселениянь администрациянь прявтось В.А.Кузнецов, кода мерить, свал вешнемасо. Сон тевтеме зярдояк а ашти. Течи Виктор Алексеевичень бажамозо – чокшне ульцятнень валдомгавтомс светодиодной лампочкатнесэ. Седе аламо пандомс светэнть кис. Ды те тевесь топавтовома лангсо. Уш муевсть ярмакткак. Миезь велень администрациянь модань зярыя пелькст.
– Течи эрямось сонсь кармавты вешнемс кить-янт се, эли тона тевенть топавтомсто. Карминдерят арсеме-тееме икелень ладсо, сестэ изнявкст, паро эрямо иля учо. Эряви свал арсемс вандынь чиде, – видькстась В.А.Кузнецов. Тень шнатано миньгак.

Пётр Зиновьев,
Отяжелень район


07.11.2018

 

Новости

«Единая Россия» предложила Правительству усовершенствовать систему целевого набора в вузы
Премьер-министр Дмитрий Медведев поддержал предложения
фракции «Единой России» в Государственной Думе, озвученные ее
руководителем, вице-спикером Сергеем Неверовым. В частности,
одобрена идея пересмотра программы целевого набора в вузы,
введения сбалансированного питания в школах и сохранения
региональных и муниципальных телеканалов при переходе на
«цифру».
Подробнее ...
 
7 мая в Мордовии пройдет Диктант Победы
Региональный организационный комитет по проведению Всероссийского
исторического диктанта подержал решение Генерального Совета «Единой России» о
проведении «Диктанта Победы»
Подробнее ...
 
Кортавсь шукшонь пурнамонь реформадонть ды «Экология» национальной проектэнть тевс нолдамодо

Неть читнестэ Саранскойсэ ютавтовсь «Единой Россиянь» региональной дискуссионной площадкань васенце промксось. Сонзэ лувсо кортавсь коммунальной шукшонь пурнамонь реформадонть ды республикасонть «Экология» национальной проектэнть тевс нолдамодо. Промксонть важодемасо ульнесть «Ремондис Саранск» региональной операторонь прявттнэ, республикань Жилищно-коммунальной хозяйствань, энергетикань ды эрицятнень гражданской ванстомань, Вирень ды охотямонь хозяйствань, Эрицятнень социальной ванстомань, трудонь ды занятостень министерствань важодицятне, тарифень коряс республиканской службань специалисттнэ, ОНФ-нь ды общественной организациятнень члентнэ.

Подробнее ...
 
Кобзев: Получение паллиативной помощи по месту пребывания сделает ее доступной для всех нуждающихся
Возможность  получения  паллиативной  помощи  по  месту  пребывания   существенно   упростит  жизнь
нуждающихся в ней людей и их родственников по всей стране. Об этом заявил член общественного
совета партпроекта «Единой России» «Здоровое будущее», член комитета Госдумы по охране здоровья
Юрий Кобзев, комментируя подписанное премьер-министром Дмитрием Медведевым постановление о
внесении   изменений   в   программу   государственных   гарантий   бесплатного   оказания   медицинской
помощи.
Подробнее ...
 
Региональная дискуссионная площадка «Единой России» на «круглом столе» обсудит реформу обращения с ТКО
17 апреля в Региональном исполнительном комитете Партии состоится первое
заседаниеРегиональной дискуссионной площадки ВПП «Единая Россия».
Ее Координатором стал заместитель Председателя Государственного Собрания
РМИван Михайлович Москаев.
"Круглый стол" Региональной дискуссионной площадки Партии будет посвящен
теме: "Ход реформы обращения с твердыми коммунальными отходами и реализация
национального проекта "Экология" в Республике Мордовия".
К обсуждению партийцы пригласили регионального оператора "Ремондис Саранск",
министерство ЖКХ, энергетики и гражданской защиты, министерство лесного и
охотничьего хозяйства, министерство социальной защиты, труда и занятости
населения, Федеральную службу по надзору в сфере природопользования,
Республиканскую службу по тарифам, ОНФ и другие заинтересованные ведомства,
общественные организации. Начало мероприятия в 15.00.