Рубрикатор

Культура Чачома чи марто, Мария Степановна!
Чачома чи марто, Мария Степановна!

Неть читнестэ тешксты чачома чинзэ Покш Березникень райононь Симкина велесэ чачозесь-касозесь, эрзянь авась Мария Степановна Казакова-Кулавская. Эйкакшпингезэ ютась ламо эйкакшонь триця семиясо. Кевейкее иесэ кадовсь тетявтомо, сестэ кото иесэ ялаксонзо Витянь перька малав весе мелявкстнэ каявсть сонзэ лангс ды кудоютконь тевтнеяк марявсть тензэ певтемекс. Нурькинестэ, вишка пингстэ саезь содасы стака важодеманть, лиятненень лезксэнь максоманть. Теке шкасто Мария Степановнань обуцясо те шкас ванстовсть эрямонть лангс апеняцямось, перьканзо улицятненень кенярксонь каземась, эряви меремс, аванть пек мазый вайгелезэ. Виде, эрьванть юткстонок обуцянь ёнкстнэ, васняяк, саевить семиясто: тетянок-аванок, покштянок-сырькаенек пельде.

 

                                                         Ламось ютась покштянзо-бабанзо пельде
Ледстясынек васня покштянзо-сырькаензэ. Андрей Тимофеевич ды Марфа Спиридоновна Казаковтне пингест эризь Симкина велесэ. Войнадо икелень стака иетнестэ кудазорось семиянзо идесь вачо пекеде чувтосто эрьва мезень теемасо. Ловт, малав эрьва кудосо сонзэ кедьсэ теезь партнесэ чапавтсть умарть, салтсть капстат, куярт ды лия эмежть. Истя жо эйкакштненень чувтосто керсесь налкшкеть, нурькинестэ, эсь кедьсэ тейсь кудоютксо весе эрявиксэнть. Ансяк аволь кувака пинге Пазось тензэ макссь, кулось экшендемань ормадо, конасонть кармась сэредеме алашасо Саранскоев ардомадо мейле (важодсь заготконторасо). Низэ, Марфа Спиридоновна, одсто кадовсь ськамонзо кавто эйкакш марто. Савсь тензэ топавтомс кода авань, истя жо цёрань тевтнень. Кавонест эйкакшонзо – Степан ды Василиса – лездасть тензэ кудонь путомсто, шождалгавтсть эрямонзо. Куш эзь саво цёрынентень тетянзо пельде тонавтнемс, ялатеке чувтосто керсемань ёрокчись ютась тензэ. Степа вишка пингстэ кармась покш ломанень тевень топавтомо, васня тетянзо ладсо налкшкень тееме, шкань ютазь эрьва мезес тонадсь. Мария Степановнань ледстнеманзо коряс, кудопотсо уликс ули-пародонть ламось – буфетэсь, стольтне-мезтне – теезь тетянзо Степан Андреевичень кедьсэ. Мария Степановнань тетязо важодсь вирьваныцякс, авазо, Прасковья Ильинична, истя жо эрямонзо сюлмизе пертьпельксэнь ванстоманть ды вирьсэ чувтонь ламолгавтоманть марто.

                                                                 Ламо эйкакшт – ламо тевть
Степан Андреевичень ды Прасковья Ильиничнань а ёвтавикс кенярксчист ульнесь васень эйкакшонть Колянь чачомась, мельганзо а седе вишкине мельспарось – Анна тейтерест. Шкань ютазь Пазось кенярдовтынзе оштё Мария тейтерест ды Витя цёраст коряс. Эрямс бу покш уцяскасо те семиянтень кувака пинге, весемесь ульнесь: паро кудост, нешкепирест, кардаз потмо ракшаст, тетянть-аванть паро важодемаст ды вечкевикс эйкакшост. Кажось сась апак учо: Степан Андреевич кудазорось ормалгадсь экшендемань ормасо, конась пачтизе седе стакас – куломас.
Сэрей, пичешка, шумбра цёранть ормась правтызе пильге лангсто ды 42 иесэ сон кулось. Прасковья Ильинична сонсь содась, кодамо стака тензэ ульнесь ниле эйкакшонь трямсто-кастомсто. Кода вере ледстинек, веженсентень Витянень ульнесть ансяк кото иеть. Покштне – Николай ды Анна – школаст прядомадо мейле тусть ве ёнов тонавтнеме.
Мариянень сехте пек сатотсть кудоютконь ламо тевтне ды вишка ялаксонть мельгаяк вант ды вант…
Неть стакачитнень лангс апак вано, Казаковтнень весе эйкакштне кассть алкуксонь ломанекс, эрьвась юткстост муизе эрямонь кинзэ. Николай Степанович эсь шкастонзо прядызе Рязаньсэ ветеринарной техникумонть, Анна тонавтнесь поварокс, андсь школасо эйкакшт. Веженсесь Витя тонавтнесь машиностроительной техникумсо. Сонзэ прядомадо мейле савсь тензэ масторонть икеле топавтомс долгонть Афганистансо. Ды мезесь дивавты, теде кувать, мик кавто иень перть, эзь ёвта аванстэнь, штобу а сэредстемс седеензэ.
Мария школасо тонавтнесь парсте, ялатеке вузов-ков эзь карма максомо документэнзэ. Эйкакшпингень арсемадонзо – улемс стюардессакс, истя жо киненьгак эзь ёвтне, содась, тов сон а понги ламо тувталонь коряс.
1981 иестэ Шугур велень средней школанть прядомадо мейле тонавтнесь 3 № технической училищасо, конась теезель республикань се шкане сехте покш предприятиятнестэ вейкенть – Ламповой заводонть юрсо.
Мария Степановна комсь иеть важодсь 16 № цехсэ, васня заварщицакс, мейле – цоколень теицякс. Те шкас ледстни тейтерь-аванть туртов а шожда тевентень тонавтыцянзо: Н.Н.Матюшкин бригадирэнть, В.А.Моисеев мастерэнть ды Анастасия Коротковань – линиясо мартонзо важодицянть.
«Лисмасо» тевтнень топавтомадост мейле ютась важодеме «Биохимик» ОАО-с, косо оштё кемень иеть важодсь надобиянь дозировщицакс.
Пенсияв лисемадо мейлеяк те трудонь вечкиця авась тевтеме а аштеви, ней важоди Республиканской туберкулёзной диспансерсэ.
Мария Степановна уцяскав семиясояк, мирдензэ Анатолий Геннадьевич марто трясть-кастсть цёра, кие идинзе кемемаст. Армиясо служамодо мейле важоди МР-со УФСИН-нь ветеце номер ИК-со, караулонь прявтонь полавтыцякс, теке шкасто пряды Саранскоень Кооперативной институтонь юридической факультетэнть. Те семиянть покш мельспарост – Евгения нуцькаст. Весе юткошкаст ютавтыть тиринь велесэ – Симкинасо, тетяст-аваст кудосонть.
Мария Степановнань лемс неть читнестэ ёвтавить поздоровт ды лембе арсемат юбилеенть коряс. Минь вейсэндявтано неть паро валтнэс ды арсетяно кеме шумбрачи, эрямосо уцяска, мелень-бажамонь топавтома.
Валентина Юдина


08.02.2019

 

Новости

«Единая Россия» предложила Правительству усовершенствовать систему целевого набора в вузы
Премьер-министр Дмитрий Медведев поддержал предложения
фракции «Единой России» в Государственной Думе, озвученные ее
руководителем, вице-спикером Сергеем Неверовым. В частности,
одобрена идея пересмотра программы целевого набора в вузы,
введения сбалансированного питания в школах и сохранения
региональных и муниципальных телеканалов при переходе на
«цифру».
Подробнее ...
 
7 мая в Мордовии пройдет Диктант Победы
Региональный организационный комитет по проведению Всероссийского
исторического диктанта подержал решение Генерального Совета «Единой России» о
проведении «Диктанта Победы»
Подробнее ...
 
Кортавсь шукшонь пурнамонь реформадонть ды «Экология» национальной проектэнть тевс нолдамодо

Неть читнестэ Саранскойсэ ютавтовсь «Единой Россиянь» региональной дискуссионной площадкань васенце промксось. Сонзэ лувсо кортавсь коммунальной шукшонь пурнамонь реформадонть ды республикасонть «Экология» национальной проектэнть тевс нолдамодо. Промксонть важодемасо ульнесть «Ремондис Саранск» региональной операторонь прявттнэ, республикань Жилищно-коммунальной хозяйствань, энергетикань ды эрицятнень гражданской ванстомань, Вирень ды охотямонь хозяйствань, Эрицятнень социальной ванстомань, трудонь ды занятостень министерствань важодицятне, тарифень коряс республиканской службань специалисттнэ, ОНФ-нь ды общественной организациятнень члентнэ.

Подробнее ...
 
Кобзев: Получение паллиативной помощи по месту пребывания сделает ее доступной для всех нуждающихся
Возможность  получения  паллиативной  помощи  по  месту  пребывания   существенно   упростит  жизнь
нуждающихся в ней людей и их родственников по всей стране. Об этом заявил член общественного
совета партпроекта «Единой России» «Здоровое будущее», член комитета Госдумы по охране здоровья
Юрий Кобзев, комментируя подписанное премьер-министром Дмитрием Медведевым постановление о
внесении   изменений   в   программу   государственных   гарантий   бесплатного   оказания   медицинской
помощи.
Подробнее ...
 
Региональная дискуссионная площадка «Единой России» на «круглом столе» обсудит реформу обращения с ТКО
17 апреля в Региональном исполнительном комитете Партии состоится первое
заседаниеРегиональной дискуссионной площадки ВПП «Единая Россия».
Ее Координатором стал заместитель Председателя Государственного Собрания
РМИван Михайлович Москаев.
"Круглый стол" Региональной дискуссионной площадки Партии будет посвящен
теме: "Ход реформы обращения с твердыми коммунальными отходами и реализация
национального проекта "Экология" в Республике Мордовия".
К обсуждению партийцы пригласили регионального оператора "Ремондис Саранск",
министерство ЖКХ, энергетики и гражданской защиты, министерство лесного и
охотничьего хозяйства, министерство социальной защиты, труда и занятости
населения, Федеральную службу по надзору в сфере природопользования,
Республиканскую службу по тарифам, ОНФ и другие заинтересованные ведомства,
общественные организации. Начало мероприятия в 15.00.