Рубрикатор

Культура Самарасо ледстизь поэтэнть Числав Журавлёвонь
Самарасо ледстизь поэтэнть Числав Журавлёвонь

2018 иенть прядовомсто, декабрянь 23-це чистэ, Самарань раськетнень Ояксчинь кудосонть ютась литературань-музыкань чокшне, кона алтавсь эрзянь поэтэнть Числав Григорьевич Журавлёвонь ледстнемга. Те вастовоманть пурнызь ды ютавтызь Самарань эрзя-мокшонь недлячинь школатне, сыненст лездасть раськетнень Ояксчинь кудось ды «Масторава» эрзянь ды мокшонь национально-культурной центрась.

Чокшнентень сакшность Ч.Журавлёвонь вечкицянзо ды ловныцянзо, ялганзо ды содавиксэнзэ, весе сетне, кить явить мель сонзэ творчествантень. Эрьвась сась тей поэтэнть ледстямо, кунсоломо произведениянзо, кортамо тиринь кельсэ. Сценанть вакссо анокстазель Журавлёвонь книганзо выставка, фойесэ – поэтэнть портретэнзэ ды биографиянзо марто мазый стенд, косо ульнесть стихензэ да афоризманзо.
Вастовомась ушодовсь архивень видеонь невтемасо – покш экрансто Числав Григорьевич ловнызе «Шка» эсензэ сехте содавикс стихотворениянть. Вера Алексеева анокстась презентация – сон домкасто ды келейстэ пачтясь инжетненень поэтэнть эрямодо, творчествань кидензэ, ломантнеде, кить лездасть тензэ стямс поэтэнь а шожда кинть лангс. Вера сонськак ледстнесь. 1990 иестэ саезь 2010 иенть самс сынь вейсэ важодсть «Радио-7 из Самары» областень радиосо, косо ветясть эрзянь кельсэ радиопередачат.
Ламот васенцеде кармасть содамо, Числав Журавлёв нолдась эрзянь ды рузонь кельсэ кеветее книгат. Сон ульнесь «Масторава» Самарань ёнксонь эрзянь ды мокшонь вейсэндявксонть пурныцякс.
Концертэнть ушодызе «Масторава» народной хорось, те чокшнентень сынь сёрмадсть башка моро, кона алтавсь Ч.Журавлёвнень. Гайгсть поэтэнть эрзянь ды рузонь кельсэ ламо стихотворениянзо, сынст ловнызь 100№ ды 138№ Самарань школань национальной классонь тонавтницятне. Эйкакштне сынсь кочкасть эстест стихть, сетнень, конат тусть мелезэст, ловность сынст седейшкава ды паро мельсэ. Кой-конат те чистэнть васенцеде ульнесть сцена лангсо.
Кодамо чокшне моровтомо? Поэтэнть Журавлёвонь валонзо лангс моротне гайгсть баян марто ды фортепьянонь коряс. Паро произведениятне свал муить морыця, эсест музыкант. Истя лиссь поэтэнть зярыя сёрмадовксонзо марто. Сынст морызь Коноваловка велень «Эрзянь вайгель» ансамблясь, «Масторава» хорось, Самарань «Килейне» коллективесь, Антонина Васильева, Валентина Мелишева ськамост морыцятне.
Ваныцятне пек лембестэ вастызь эстрадань од морыцятнень – Игорь Сидоровонь ды Сергей Маруховонь. Концертсэнть гайгсть Ч.Журавлёвонь вечкевикс моронзо. Сынст морызь Нина Черных, Любовь Бирюзовская, Мария Блынских ды ламо лият.
Те чокшнестэнть эрьвась мукшнось лембе валт, конат алтавсть Числав Журавлёвнень. Весе ледстнесть, кодамо ульнесь те ломанесь, кодат лия ёнов а молиця тевть лиснесть эрямосонзо. Вал сайнесть «Масторава» эрзянь ды мокшонь национально-культурной центрань прявтось Л.А.Колесникова ды «Масторава» хоронь художественной руководителесь В.М.Сульдин. Сынь ёвтасть сюкпрянь валт чокшнень пурныцятненень.
Вастовоманть прядовомсто кияк эзь капша туеме. Весе кортнесть вейкест-вейкест марто, тейнесть фотографият. Эрьвантень казевсь Числав Журавлёвонь «Седеень вайгель» эрзянь ды рузонь кельсэ стихензэ марто книгась.

В.Алексеева


10.01.2019

 

Новости

«Единая Россия» запускает всероссийский контроль за реализацией нацпроектов

«Единая Россия» запускает всероссийский партийный контроль за реализацией национальных проектов. К нему будет подключен депутатский корпус Партии в регионах и муниципалитетах. Об этом в рамках заседания Президиума Генерального совета «Единой России» заявил секретарь Генсовета Андрей Турчак.

«Это позволит отслеживать, как на местах выполняются национальные проекты – строятся, реконструируются объекты, проводятся запланированные мероприятия», - сказал Турчак.

Подробнее ...
 
Комиссия «Единой России» по этике провела первое заседание
 Первое заседание утвержденной XVIII Съездом «Единой России» Комиссии
по   этике   прошло   16   января.   В   его   рамках   были   избраны   председатель
Комиссии, его заместитель и ответственный секретарь.
Подробнее ...
 
Россиянь Почтань 200 клиентт теевсть миллионерэкс

Государственной лотереянь статистиканть коряс, 2018 иестэ Россиянь Почтань отделенияс якицятне рамасть 68 миллиондо ламо лотерейной билетт. Вейке миллиондо ламо целковойть налксесть 206 ломанть. Те 2,4-ксть седе ламо икельце иенть коряс, сестэ миллионертнэде ульнесть 88 ломанть.

Подробнее ...
 
Управление Министерства юстиции Российской Федерации по Республике Мордовия напоминает порядок и сроки предоставления ежегодной отчетности некоммерческими организациями.

Законодательством Российской Федерации определена обязанность некоммерческих организаций ежегодно отчитываться перед уполномоченным органом. В частности, статьей 32 Федерального закона «О некоммерческих организациях», статьей 29 Федерального закона «Об общественных объединениях», статьей 25.1 Федерального закона «О свободе совести и о религиозных объединениях».

Подробнее ...
 
Крештениянтень анокстамот

Крештениянтень Саранскойсэ арсеви теемс экшелямонь туртов 11 тарка: «Старт» стадиононь эрькесэнть (2 таркат), Гончаровонь куросо, «Вирень эрьке», «Зелёная роща» эрькетнесэ, «Огни Саранска» кафенть маласо, Макаровкасо (Иоанн Богословской цёрань монастыренть вакссо), Куликовкасо Чапаевень куросо лисьмапрясонть, Полянки велень Юбилейной куросо аштиця лисьмапрясонть, Добровольной посёлкань Дачная куросонть, Иоанн Кронштадтскоень храмонь лисьмапрясонть ды Грузинской куросо аштиця эйкакшонь парконь эрькесэнть.

Подробнее ...