Рубрикатор

Культура Роштовань орожиямот
Роштовань орожиямот

Ютась Роштовась ды сась шка ушодомс святкань орожиямотнень. Январень 8-19-це читне кезэрень пингестэ лововильть сехте вадря шкакс орожиямонть туртов. Неень шкане од тейтертне чуросто явить мель те тевентень, а мекс бу аламошкас а «чопавтемс» икелень шкатнес ды ютавтомс телень кувака чокшнетнень теке ёвкссо. Паряк, ёртсынек аламошкас смартфонтнэнь ве ёнов ды панжсынек сы шкань салаваксчитнень?
Минь пурнынек сехте содавикс ды вастневиця кемень орожиямотнень. Ютавтомс сынст мереви сеть тейтертненень, конатне эште эзть лисне мирденень ды арсить содамс, кодамокс карми сынст вечкевиксэсь, зярдо сонзэ сайсызь мирденень, зяро кармить эйкакшонзо ды берянь-аволь карми авань уцясказо.
Сехте содыцякс-ёвтыцякс ловови Василиень чокшнесь, кона тешкстави январень 13-це чистэ. Крештениянь сочельникеськак сонзэ эйстэ тусь а васов.

 

                                                                            Орожиямо анокстамось
Тейтертненень эряви аштемс сэтьместэ, а пейдемс-раксемс, калавтомат кодазь пулотнень, юксемат лангстост карькстнэнь, каямат эрьгетнень, пилекстнэнь ды суркстнэнь. Теде мейле видестэ ёвтамат мелявтовтыця кевкстематнень.
                                                                                 Вакан марто…
Орожиямо кундамсто саевить зняро вакант, зяро тейтертнеде. Вакантнэс каявить суркс, трёшник, кши, сахар, чурька, сал, вейке кедьгентень каяви ведь. Пекстазь сельме марто орожиицясь кочки эстензэ вакан. Бути понги суркс – те свадьбас, ярмак – сюпавчис, кши – парочис, сахар – кенярксчис, чурька – сельведьс, сал – зыянс, ведесь а канды кодаткак полавтомат.
                                                                                 Мезе ёвты штатолось
Ваканс эряви каямс ведь, орожиицятнень коряс грецкой пештень лукшт ды истянь зняро жо а покш штатолт эли штатолонь пелькст. Штатолтнэнь стявтомат лукштнень потс, кирвазтемат ды нолдамат уеме ваканонтень. Тейтересь, конань штатолозо палы васенцекс, курок лиси мирденень. Меельце палозь штатолонь азорось венчияк меельцекс. Бути лукшось ваясь, сестэ тейтерентень мирдененьгак а сави лисемс.
                                                                                Пултазь конёвне
Саеде конёвпанкс ды мерькинк сонзэ. Путынк ваканс ды кирвазтинк. Мейле палыця конёвонть велявтынк стенанть ёнов ды ванодо сулеензэ мельга. Лисезь картинась ёвтасы, мезе эйсэнк учи сы шкастонть.
                                                                               Штань тешкст
Саеде кавто штатолт, вейкенть кирвазтинк, омбоценть пелькскензэ путынк пенчес эли кшнинь кечес. Палыця штатолонть аравтынк пенченть алов ды солавтынк штанть. Солавтозь штанть эрязасто валынк кельме ведь марто стопкас ды мейле ваннынк теевезь фигуранть.
                                                                                       Истя–а истя
Банкас каядо ямкст эли зёрнат. Банканть велькссэ комадо ёвтынк мелявтовтыця кевкстеманк. Мейле коморсо саеде потстонзо ямкст, каинк столь лангс ды ловинк. Бути эйстэст карми цёт – лиси, тевесь удалы, меленк-бажамонк топавтови. Бути аволь цёт – сестэ, мекевлангт, мезеяк а лиси.
                                                                           Эйкакшто орожиямо
Веть ведь марто стопкас каяма суркс ды ливтема стопканть ушов, штобу кельмезэ ведесь. Мейле орожиямо шкастонть совавтома ды ловомат кельмевтезь веденть лангсто губорькстнэнь ды латкинетнень. Губорькскетне – неть цёрынеть, латкинетне – тейтерькат. Валаня эесь невти эйкакштомо эрямо.
                                                                                      Содыця книга
Эряви саемс кодамояк эчке книга ды максомс кевкстема. Мейле ёвтамс книгань лопанть ды строчканть номерэнзэ. Се, мезе сёрмадозь книгасонть, кармияк каршо валокс.
                                                                             Картасо орожиямо
Саемс картань колода ды вешнемс эстеть король. Картанть путома тодов алов ды мерема: «Суженый-ряженый, приди ко мне наряженный!» Мейле мадема ды, паряк, нетядо он. Кие сы онозонк, се кармияк мирденк. Неть читнестэ весе онтнэ содыцят.
                                                                                      Рисьме марто…
Зярдо весе мадить, саеде сырнень рисьме, ёзынк сонзэ кедькоморсо ды ёртынк столь лангс. Бути пры круг – учодо апаро тевть, бути пры кувакасто – тевенк удалы. Рисьмесь сюлмави – сестэ учодо сэредемат ды зыянт, тееви треугольникекс – вечкемань мелявкст, бантокс – свадьбас, гуекс – кияк митядызь-манятадызь, седеекс – вечкемас.
                                                                             Зеркалань тандавкс
Те орожиямось ловови сехте тандавтыцякс. Овсе пелеветь эряви озамс штатол марто зеркала икелев. Истя орожиямсто эряви улемс ськамонк, панинк лия нупальс ялганк-оянк. Пштистэ ванодо зеркаланть потс. Васняяк суликась чополгады, мейле потстонть лиси цёрань чама. Сестэ эряви меремс: «Чур монь!» ды валдомтомс нупаленть.
Вана истят орожиямот минь ёвтнинек тыненк течи. Илядо арсе, сынь алкуксонь эли весе апаро кулятне лисить сы шкасто. Кемеде, весе парось топавтови, апарось жо зярдояк мартонк а лиси! Кадык од тейтертнень туртов истят орожиямотне кармить шкань мельспаросо ютавтомакс, ялгатнень-оятнень марто весёла вастовомакс, пеедькшнемакс-раксемакс ды ламо иень перть кенярдовтыця ледстнемакс.


Марина Девятова


10.01.2019

 

Новости

43№ лицейсэ панжовсть «Героень партат»

«Единая Россия» партиянь «Од школа» партпроектэнть лувсо ушодовсь «Парты героя» проектэсь. Сонзэ вельде кепедевить минек масторонь геройтнень лемтне, эйкакштнень трямосо-кастомасо васенце таркас аравтовить патриотической ёнкстнэ.

Неть читнестэ Саранскоень 43№ лицейсэ ютась промкс, кона алтавсь «Героень партань» панжомантень. Тесэ невтезельть кавто партат, конат алтавить Советской Союзонь Героентень Виктор Николаевич Бобковнень ды Мужествань Орденэнь кавалерэнтень Владимир Иванович Ненюковнень.

Подробнее ...
 
«Единая Россия» поддерживает законопроект Минтранса о невозможности высаживать детей из общественного транспорта

Эксперты партпроекта «Единой России» «Безопасные дороги» поддерживают законопроект Минтранса, внесенный на рассмотрение в Правительство РФ, согласно которому будет запрещено высаживать детей до 16 лет из общественного транспорта. Партия поддерживает данный законопроект, и совместно с Минтрансом доработает документ перед его внесением в Государственную Думу. Об этом заявил координатор партпроекта, заместитель председателя комитета Госдумы по транспорту и строительству Владимир Афонский на заседании общественного совета партпроекта.

Подробнее ...
 
Законопроект о «22-й кнопке» позволит поддержать местные телеканалы
Включение в обязательный цифровой пакет муниципальных
телеканалов, который распространяют операторы кабельных сетей, расширит
информационное пространство для зрителей и позволит существенно
поддержать местную тележурналистику. Об этом заявил соавтор
законопроекта о «22-й кнопке» - заместитель секретаря Генерального совета
«Единой России», член комитета Госдумы по информационной политике,
информационным технологиям Евгений Ревенко. Документ предполагает
внесение изменений в статью 32 федерального закона «О средствах массовой
информации» и статью 46 федерального закона «О связи».
Подробнее ...
 
В «Единой России» предложили расширить список оснований для получения ипотечных каникул, включив в него рождение второго ребенка
     Перечень оснований, по которым банки будут обязаны вводить ипотечные
каникулы для заемщиков, должен быть максимально широким и включать в 
себя не только потерю работы, но и вторую беременность. Об этом заявила 
член общественного совета партийного проекта «Крепкая семья», депутат 
Государственной Думы Татьяна Цыбизова в ходе заседания 
внутрипартийной дискуссионной площадки партии «Единая Россия» 
«Благополучие человека» на тему «Доступная ипотека – шаг к семейному 
благополучию».
Подробнее ...
 
Ёвтасть поздоровт Геройтнень аватненень

Мартонь 8-це чистэ од ломантне содавтызь ды ёвтасть поздоровт Мордовия Республикань чавовозь Геройтнень сядо аватненень. Те паро тевенть кармасть топавтомо «Россия – страна возможностей» панжадо платформантень совиця Росмолодежень од ломанень инициативань Грантонь конкурссонть «Не бывает чужих матерей» проектэнть изнямонзо вельде.
Активисттнэ ульнесть республикань 22 районсо ды казсть Героень аватненень цецят ды казнеть. Мероприятиянть прявт тевезэ – од ломантнесэ нравственно-патриотической воспитаниянть кемекстамось ды Геройтнень аватненень лаздамось, конат ёмавтызь эсь цёраст Афганистанонь, Чечнянь ды лия локальной конфликттнэсэ воинской долгонь топавтомсто.
Проектэсь тевс нолдави 2016 иестэ саезь Мордовия Республикань Ковылкинань районсо, а 2018 иень ноябрясто саезь – республиканть келес. Од ломантне ютавтнить вастовомат чавовозь геройтнень аваст марто. Ёвтыть тенст поздоровт Мартонь 8-це чинть, Авань чинть кувалма. Лездыть тенст энялдомаст коряс.