Рубрикатор

Культура Елена Антонова: «Монь эрьва няканть эсензэ обуцязо»
Елена Антонова: «Монь эрьва няканть эсензэ обуцязо»

Елена Антонова, Отяжеле посёлкань эрицясь, някинень стамо кармась кавто иеде теде икеле. Сон натой мельсэнзэ кирди се чинть, зярдо теизе эсь кедьсэнзэ васенце някинензэ. Сон теезель тейтерьканзо вешеманзо кувалма. Елена ней ледстни, някась лиссь аволь истямо, кодамо сон арсекшнесь, ялатеке пек вечкевсь эйкакшонзо туртов. Седе тов кедьчелькезэ седеяк виензась, ды някинетне кармасть лисеме седе парокс ды мазыекс. Кассь Антоновань вечкемазояк те тевентень. Елена арси, сонензэ налкшкень стамонь докачись сась сырькаензэ пельде. Эйкакшпорасто саезь Сабанцеле велень тейтерькась марсесь роднянзо-раськензэ пельде ёвтнемат-ледстнемат, кодат някинеть стакшность кезэрень пингетнестэ аватне эсест эйдест туртов. Сестэ, нама, кияк эзь арсе сынст рамамодо базарсто, весе налкшкетне теевильть кудосо ташто панкскестэ, пештявильть олгодо эли костязь тикшеде. Неть някинетне эйкакштнень туртов ульнесть паро ялгинекс, стака шкатнень печтямонь оинекс ды эйкакшпорадо ледстнемань паро ёнксокс.

 

Елена Сабанцеле велень школань прядомадо мейле тусь тонавтнеме Н.П.Огарёв лемсэ МГУ-нь Историянь ды социологиянь институтов, мейле лиссь мирденень Отяжелев, кармась роботамо заводсо. Ялатеке творческой оймесь лиссь лангс, ды Елена юткошкасто секе-тев педиль някинензэ-налкшкинензэ стамо-кодамо. Кемгавтово иесэ Анюта тейтерьказо – сонзэ васенце лездыцязо, колмо иесэ Андрей цёрынезэ, налкшкетнень васенце токшицясь, – экспертэзэ. Тейтерь-аванть мирдезэяк те оймень тевенть каршо а моли, а музгорди, те лувось жо авань, семиянь андыцянь-симдицянь эрямосо истя жо налкси покш роль.
Елена някань стамонь, налкшкень викшнемань-кодамонь материалтнэнь сеедьстэ рамси интернет-сайттнэсэ. Тоско жо ванкшны мастер-класстнэнь ды касты эсензэ содамочинзэ. Антонова кавто иес мезть ансяк эзь стакшно: эрьва кодат някат, принцессат, медсестрат, врачт, одирьва марто содамот, эрзяват, полицейскойть, тонавтницят, нумолот, тувинеть, псакинеть... Кода корты Елена, эрьва няканть ули эсензэ обуцязо ды оймезэ: «Някатне, теке эйкакшт, сынст теемстэ эряви истя жо путомс седейлембе, вечкема. Сестэ лиситькак седе мазыекс, сельмс каявицякс, азоросткак сеске муеви. Лиясто арсян, паряк, те няканть теемс вана се ломаненть кондямокс? Варштан-теян, алкукскак, ёнонзо моли, обуцяськак истямо. Монень маряви, весе някатне теке алкуксонь ломанть ды эрьванть ули оймезэ».
Ней уш Елена Антоновань някинензэ «якить-пакить» аволь ансяк Отяжелева ды маласо районтнэва, сынь тукшность весе масторонть келес. Интернетстэ сонзэ някатнень фотографиятнень неезь, ломантне яла кучить энялдомат миемадост, ды Лена бажи топавтомс весень мелест. Од иеденть икеле ламот кармасть вешеме стамс-кодамс мазый тувинеть, эдь тедеде минь васттано Тувонь иенть. Малавиксэнзэ, роднянзо-раськензэ туртов Елена казсь уш зярыя налкшкеть, ды вейкеяк сыця вишка инже а тукшны те кудостонть вечкевикс казневтеме.
Кедьчелькев тейтерь-аванть теевксэнзэ неизь Отяжелень райононь Администрациясояк, ды кавто иень перть Елена Антонова «Шумбрат, Мордовия!» фестивалень декоративно-прикладной творчествань выставкань участник. Кизна Елена сакшнось эсь няканзо невтеме-миеме тиринь Сабанцеле велев, сонзэ 400 иетнень тешкстамонь кенярксчистэнть. Августсто тердезель Отяжелень Андрей Первозванноень престольной кенярксчинь тешкстамонтень, косо сонзэ някинензэ неизь тёжадо ламо инжеть.
«Истят выставкатнесэ мон неян, кода, някатнень ванозь, цитнить эйкакштнень сельминест, ды монень покш мельспаро. Лиясто эйкакштне кавтолдозевить, кодамо някась тенст сехте вечкеви, ды сестэ мон тенст пейдезь мерян: «Ванкшнок ды кунсолок, конась теть «патяй» мери!» Кенярдан, монь кедьсэ теезь налкшкетне вечкевикст ламонень, аволь ансяк эйдетненень, покш ломантнененьгак», – ёвтни Елена. Аванть мельс-превс сакшныть ламо арсемат, ансяк сынст топавтомантень эряви шка, эдь ковгак а кадсак семиянть ды роботанть. Кие жо раминзе Еленань някинензэ, весе тешкстыть, алкукскак, сынст ули лембе ёжост, нать, налкшкетне саить мастерэнть шожда, весенень панжадо оймензэяк. Кортыть, ансяк истямо ломаннень максови уцяска теемс паро някинеть!


Марина Девятова


10.01.2019



 

Новости

«Единая Россия» запускает всероссийский контроль за реализацией нацпроектов

«Единая Россия» запускает всероссийский партийный контроль за реализацией национальных проектов. К нему будет подключен депутатский корпус Партии в регионах и муниципалитетах. Об этом в рамках заседания Президиума Генерального совета «Единой России» заявил секретарь Генсовета Андрей Турчак.

«Это позволит отслеживать, как на местах выполняются национальные проекты – строятся, реконструируются объекты, проводятся запланированные мероприятия», - сказал Турчак.

Подробнее ...
 
Комиссия «Единой России» по этике провела первое заседание
 Первое заседание утвержденной XVIII Съездом «Единой России» Комиссии
по   этике   прошло   16   января.   В   его   рамках   были   избраны   председатель
Комиссии, его заместитель и ответственный секретарь.
Подробнее ...
 
Россиянь Почтань 200 клиентт теевсть миллионерэкс

Государственной лотереянь статистиканть коряс, 2018 иестэ Россиянь Почтань отделенияс якицятне рамасть 68 миллиондо ламо лотерейной билетт. Вейке миллиондо ламо целковойть налксесть 206 ломанть. Те 2,4-ксть седе ламо икельце иенть коряс, сестэ миллионертнэде ульнесть 88 ломанть.

Подробнее ...
 
Управление Министерства юстиции Российской Федерации по Республике Мордовия напоминает порядок и сроки предоставления ежегодной отчетности некоммерческими организациями.

Законодательством Российской Федерации определена обязанность некоммерческих организаций ежегодно отчитываться перед уполномоченным органом. В частности, статьей 32 Федерального закона «О некоммерческих организациях», статьей 29 Федерального закона «Об общественных объединениях», статьей 25.1 Федерального закона «О свободе совести и о религиозных объединениях».

Подробнее ...
 
Крештениянтень анокстамот

Крештениянтень Саранскойсэ арсеви теемс экшелямонь туртов 11 тарка: «Старт» стадиононь эрькесэнть (2 таркат), Гончаровонь куросо, «Вирень эрьке», «Зелёная роща» эрькетнесэ, «Огни Саранска» кафенть маласо, Макаровкасо (Иоанн Богословской цёрань монастыренть вакссо), Куликовкасо Чапаевень куросо лисьмапрясонть, Полянки велень Юбилейной куросо аштиця лисьмапрясонть, Добровольной посёлкань Дачная куросонть, Иоанн Кронштадтскоень храмонь лисьмапрясонть ды Грузинской куросо аштиця эйкакшонь парконь эрькесэнть.

Подробнее ...