Рубрикатор

Культура Кезэрень оршамопеленек – вейсэнь сюпавчинек
Кезэрень оршамопеленек – вейсэнь сюпавчинек

Од иень каршо читнестэ Эрзя-мокшонь раськень регионъютконь общественной организациясь вейсэ А.С.Пушкин лемсэ Национальной библиотекань важодицятнень марто анокстась алкуксонь казне раськень культуранть, кезэрень эрзя-мокшонь оршамопельтнень вечкицятненень. Сынст ушодксост ды важодемаст коряс ютавтовсь «Эрзя-мокшонь оршамопелесь – масторлангонь сюпавчись» кенярксчи, кона теевсь «Ёроков Мордовиясь: историясь ды неень шкась» республикань этнокультурань образовательной проектэнть юрсо.

Кенярксчинть ушодовомадо икеле библиотекань фойесэнть гайгсть кезэрень морот, невтевсть эрзя-мокшонь раськетнень оршамопелест. Выставкань экспозицият пачтязельть Кочкуровасто, Рузаевкасто, Ковылкинасто, Ташто Шайговасто ды республикань лия районтнэстэ. Ламо инжетнень ютксо ульнесть Н.П.Огарёв лемсэ МГУ-со тонавтниця омбо масторонь студенттнэ.
Покшчись ушодовсь видеофильмастонть, косо пачтявсь сеть содавикс ломантнеде, кить ламо иень перть пурнасть Россиянь раськетнень оршамопелест. Пурнавозтнень мельс пек тусь видеотрансляциясь Санкт-Петербургсо РФ-нь этнографической музейстэ, косо истя жо ванстовить эрзя-мокшонь раськень оршамопельтне.
А.С.Пушкин лемсэ Национальной библиотекань важодицятне, те кенярксчинь ветицятне – Н.В.Бочканова ды В.И. Пронина – пурнавозтнень теизь содавиксэкс раськень оршамопельтнень историяст марто.
Инжетнень икеле кортасть Эрзя-мокшонь регионъютконь общественной организациянь прявтось Ю.А.Мишанин ды те вейсэндявксонь исполкомонь прявтось А.С.Лузгин. Минек раськень ломантнень ёрокчидест, тевест алкукс топавтомадо кортамсто сынь ледстизь республикань содавикс ломаненть, Мордовской АССР-нь заслуженной строителенть, Трудовой Якстере Знамянь орденэнь кавксть кавалерэнть, Раськетнень ояксчинь орденэнь кавалерэнть, Славань колмоксть орденэнь кавалерэнть, РФ-нь од ломантнень заслуженной наставникенть, Саранск ошонь ды Мордовиянь Почётной гражданинэнть В.Н.Самаровань, кие кодгеменде ламо иеть важодсь стройкасо. Сонензэ казсть «Гордость народа – гордость нации» почётонь знак. А.С.Лузгинэнь валонзо коряс, Валентина Никитичнанень те казнесь пек лади «Мордовия мастеровая: традиции и современность» форумонть ютавтомсто. «Те авась алкуксонь мастер строямонь тевсэ!» – мерсь Александр Степанович.
Седе тов невтезель презентация эрзя-мокшонь костюмонть историянзо коряс, сонзэ невтизе И.Д.Воронин лемсэ вейсэндязь краеведениянь музеень этнографиянь отделэнь прявтось И.Н.Кудашкина. Неень шкане тосо улить исторической ламо реликвият.
Эрзя-мокшонь раськень оршамопеленть коряс покш важодема вети МР-нь культурань заслуженной роботникесь, «Шумбрат, Мордовия!» республиканской фестивалень-выставкань экспертэнь советэнь прявтось, эрзя-мокшонь оршамопельтнеде книгань авторось Т.П.Прокина. Татьяна Петровна невтсь домка содамочить аволь ансяк неень шкань эрзянь ды мокшонь оршамопельтнень коряс, седеяк ламо ёвтнесь кезэренсетнеде.
Вейсэнь сюпавчинек ванстомадо, сонзэ башка ёнкстнэнь тонавтнемадо ды тевс нолдамодо-викшнемадо пурнавозтненень пачтясть республикасонок ды сонзэ томбалеяк содавикс ёроков тейтерь-аватне, эрзя-мокшонь раськень питнейчитнень алкуксонь ванстыцятне Р.С.Кемайкина ды Н.М.Кадерова. Тешкстасынек, тоско сценанть лангсо невтезель мастер-класс, кода эряви оршавтомс эрзянь ды мокшонь аватнень.
Паро ёжомарямо пурнавозтненень казсть эсь моросост раськеютконь, областной, ошонь ды омбо масторонь фестивальтнень конкурсонь лауреатось, народной фольклорной ансамблясь «Мерема», народной фольклорно-этнографической ансамблясь «Толава».
Кемеви, истят лезэв вастовоматне кармить ютавтовомо икелепелевгак, эдь сынст вельде минь аволь ансяк ледстясынек кезэрень оршамопеленек, ванстсынек минек покштянок-сырькаенек сюпавчист, целанек минек культуранок.
В.Юдина


25.12.2018

 

Новости

«Единая Россия» запускает всероссийский контроль за реализацией нацпроектов

«Единая Россия» запускает всероссийский партийный контроль за реализацией национальных проектов. К нему будет подключен депутатский корпус Партии в регионах и муниципалитетах. Об этом в рамках заседания Президиума Генерального совета «Единой России» заявил секретарь Генсовета Андрей Турчак.

«Это позволит отслеживать, как на местах выполняются национальные проекты – строятся, реконструируются объекты, проводятся запланированные мероприятия», - сказал Турчак.

Подробнее ...
 
Комиссия «Единой России» по этике провела первое заседание
 Первое заседание утвержденной XVIII Съездом «Единой России» Комиссии
по   этике   прошло   16   января.   В   его   рамках   были   избраны   председатель
Комиссии, его заместитель и ответственный секретарь.
Подробнее ...
 
Россиянь Почтань 200 клиентт теевсть миллионерэкс

Государственной лотереянь статистиканть коряс, 2018 иестэ Россиянь Почтань отделенияс якицятне рамасть 68 миллиондо ламо лотерейной билетт. Вейке миллиондо ламо целковойть налксесть 206 ломанть. Те 2,4-ксть седе ламо икельце иенть коряс, сестэ миллионертнэде ульнесть 88 ломанть.

Подробнее ...
 
Управление Министерства юстиции Российской Федерации по Республике Мордовия напоминает порядок и сроки предоставления ежегодной отчетности некоммерческими организациями.

Законодательством Российской Федерации определена обязанность некоммерческих организаций ежегодно отчитываться перед уполномоченным органом. В частности, статьей 32 Федерального закона «О некоммерческих организациях», статьей 29 Федерального закона «Об общественных объединениях», статьей 25.1 Федерального закона «О свободе совести и о религиозных объединениях».

Подробнее ...
 
Крештениянтень анокстамот

Крештениянтень Саранскойсэ арсеви теемс экшелямонь туртов 11 тарка: «Старт» стадиононь эрькесэнть (2 таркат), Гончаровонь куросо, «Вирень эрьке», «Зелёная роща» эрькетнесэ, «Огни Саранска» кафенть маласо, Макаровкасо (Иоанн Богословской цёрань монастыренть вакссо), Куликовкасо Чапаевень куросо лисьмапрясонть, Полянки велень Юбилейной куросо аштиця лисьмапрясонть, Добровольной посёлкань Дачная куросонть, Иоанн Кронштадтскоень храмонь лисьмапрясонть ды Грузинской куросо аштиця эйкакшонь парконь эрькесэнть.

Подробнее ...