Рубрикатор

Культура Од иень тешкстамонь дивавтыця койтне
Од иень тешкстамонь дивавтыця койтне

Россиясо Од иесь – сехте покш ды келейстэ тешкставиця кенярксчи. Коень коряс минь рамсетяно шампанской, тейтяно оливье, мазылгавттано кузнэ, ванськавттано тантейстэ качадыця мандаринт, конёвпанкс лангс сёрмадтано салавань меленек ды вантано «Ирония судьбы, или С лёгким паром» кинонть. Весе те малавикс тенек вишкинестэ саезь. Ламот мастортнэсэ Од иесь тешкстави овсе лиякс. Теевтяно содавиксэкс Россиянь башка раськетнень ды омбо мастортнэнь Од иень тешкстамонь койтнень-кирдатнень марто.

 

Россиянь раськетнень од иень койтне

Башка ёнкстнэсэ Од иесь тешкстави кавксть. Невтемакс, Татарстансо. Васенцекс Од иенть тесэ тешкстыть кода весе, декабрянь 31-це чинь вестэнть, мейле мартонть прядовомсто – Наврузсто. Од иенть тешкстыть семиясо, мейле уш туить инжекс якамо. Эйкакштненень казнекс явшить Кыш-Бабай ды Кар-Кызы. Те, кода уш чарькодиде, Якшаматя ды Нуцькинезэ.
Кенярксчиденть икеле ванськавтыть-шлить кудотнень, муськить оршамопельтнень ды пидить-панить ламо тантей ярсамопельть. Туворонть лангс путовить: чак-чак (медь марто чапаксонь ламбамопель), губадия (топо марто кругловой пряка), урама (татаркс «хворост»), истя жо чичавкань, кснавонь, суронь сюкорот.
Якутонь кельсэ Од иесь лемдеви Ысыах. Сехте покш ды мазый коесь – покш толпандятнень кирвазтемась ды перькаст хороводонь ветямось. Ловови, неть кужотнесэ ломантне цела иес пештявить вадря ёжодо.
Бурятиясо Од иесь истя жо тешкстави кавксть: якшамковонь 1-це чистэ ды даволковсто. Кенярксчинть лемезэ Сагаан Сар (Ашо Ков). Ашо Ковонть каршо шлявить-ванськавтовить кудотне, седеяк покш мель те коентень путыть од тейтертне. Кортыть, бути киякстнэ кармить аволь ванькст, тейтеренть чиявтсы аволь мазый эли симиця цёра. Кенярксчиденть икеле азортнэ совить кудос ды кеместэ пекстасызь мельгаст кенкшенть. Те тееви сень туртов, весе апаротне кадовост ютазь иентень. Совамо кенкшенть ваксс путыть тенсть ды эень покольне.
Те минек масторонь раськетнень Од иень тешкстамонь ансяк зярыя койтне. Сынст ванномсто редяви, те кенярксчинь тешкстамонь койтне Россиянь келес пек малавикст. Ташто иень ильтямось сюлмавозь кудотнень шлямонть, оршамопельтнень муськеманть марто, истя ломантне панить весе апаротнень. Од иень вастомась ушодови кудонь мазылгавтомасто, од оршамопелень рамамсто ды сюпав туворонть пурнамсто. Кодат койть вастневить омбо мастортнэсэ?

Италиясо

Пек гайтевстэ ды весёласто Од иенть тешкстыть Италиянь эрицятне: ламо ялга ютксо, гайтев музыка марто, весеме ёндо марявить хлопушкат ды неявить мазый тюсонь лентат. Кортыть, буто Италиясо Од иенть каршо кудотнестэ ёртыть весе аэрявиксэнть – улест те оршамопельть, столт-стулт эли мик сантехника. Те ансяк мазый легенда седе ламо туристтнэнь те масторонтень тердемга. Од иень койтне жо те ёнкссонть овсе лият. Те масторонь эрицятне пек вечксызь Якшаматянть, конань лемдить Баббо Натале, секскак Италиянь весе эрицятне: аватне, цёратне, эйкакштне – наряжить якстере тюсонь оршамопельсэ. Секскак Миланонь, Флоренциянь эли Римень куротнесэ Од иенть тешкстамсто а эряви дивсемс, бути каршонк понги якстере носкасо полицейской, мекевлангт, те тешксэсь канды уцяска. Италиянь эштё вейке коекс ловови изюмонь сэвемась, кона коськсь видьстэ цюцёвс. Секс мекс виноградонь ягодатне молить кшнинь ярмактнень ёнов, ловови, кие седе ламо сэви эйстэст – од иестэ сюпалгады.

Эстониясо

 

Сехте «псистэ» Од иенть вастыть Эстониясо, секс мекс те кенярксчинть ютавтыть саунасо. Од иентень ваньксстэ ды шумбрасто совамга, курантнэнь чавомантькак эряви кунсоломс шлямонь-парямонь кудосонть. Нама, аволь весе топавтыть те коенть, седе пек сон вечкеви туристтнэнень. Эстониянь эрицятне Од иень вестэнть истя жо якить ошонь куротнева, совсить инжекс малавиксэст туртов. Эстониянь эрицятне кемить, уцяска тенст канды трубань урядыцясь. Те тувталонть кувалма, эйкакштненень сеедьстэ казить содсо ваднезь налкшкень трубань ванськавтыцят.

Шотландиясо

Шотландиясо Од иень вестэнть мазыйстэ наряжазь куротнева кевердить дёготь марто кирвазтезь парть, конатне тешкстыть туиця иенть, сынст марто вейсэ палыть весе зыянтнэ ды стакачитне. Шотландиянь башка велетнесэ куротнева якить палыця покш оска марто, сон тешксты чипаенть, кона ванськавты ки сыця иентень. Шотландиясо ули Од иень эштё вейке мельстуиця кой. Кенярксчинть самодонзо икеле, семиянек озыть кирвазтезь каминэнть ваксс, курантнэнь васенцеде чавомадост мейле кудазорось панжсы совамо кенкшенть, тень пингстэ чатьмони. Те коенть коряс кудостонть ильтяви ташто иесь ды нолдави одось. Шотландиянь эрицятне кемить, сови эли арась кудонтень уцяскась, ашти сень эйстэ, кие од иестэнть васенцекс юты поровтонть трокс. Бути васенцекс сови раужо черь марто цёра ды эштё канды казнетькак, сестэ од иесь карми пек паро.

Испаниясо

Од иень каршо вестэнть ули истямо кой – куроксто сэвемс кемгавтово виноградт, эрьванть – курантнэнь одс чавомадонть мейле. Эрьва виноградось канды уцяска сы иень эрьва ковстонть. Масторонь эрицятне пурнавкшныть Барселонань эли Мадридэнь куншкакуротнес, штобу кенеремс сэвемс виноградтнэнь. Те коентень уш сядодо ламо иеть.

Панамасо

Од иень пек дивавтыця кой ули Панамасо. Тесэ кирвазтить политиктнень, спортсментнэнь ды содавикс лия ломантнень нецяест (чучело). Тень пингстэ Панамань эрицятне киненьгак а арсить берянь. Весе сынь тешкстыть ютыця иень апаротнень. Коень коряс нецяйтне пултавить эрьва семиясо.


Даниясо

Даниясо Од иенть вастомсто ули истямо кой: стямс стул лангс ды кирнявтомс лангстонзо. Ловови, тень вельде эрицятне кирнявтыть сы иень якшамковонтень ды тандавтыть апаронь кандыцятнень. Теде башка, те коесь канды уцяска. Теке шкастонть Даниянь эрицятне топавтыть Од иень эштё вейке кой – ялгаст ды шабраст кенкштнес ёртнить колазь чакшт, стопкат. Те киньгак а ацирьгавты, мекевлангт, пек кенярдовты. Эдь те семиясь, кинь поровт лангсо кармить ламо порксазь чакшт, сы иестэ ули пек уцяскавокс. 

Грециясо

Од иень вестэ Грециянь эрицятне, кода лия мастортнэсэяк, якить вейкест-вейкест туртов инжекс казне марто. Ансяк ули вейке явома – азортнэнень, казнетнеде башка, кандыть кев, ков седе покш, тов седе вадря. Минек те пек дивавты, Грециясо жо ловить, ков седе стака кевесь, тов седе пешксе карми ярмаконь кескавнесь. Эште вейке коесь: семиясонть сехте сырентень эсензэ кудонть вакссо эряви тапамс гранат. Бути гранатонь видьметне певерить весе кудонть перька, сестэ од иестэ семиянть учи уцяскав эрямо!

 

Новости

43№ лицейсэ панжовсть «Героень партат»

«Единая Россия» партиянь «Од школа» партпроектэнть лувсо ушодовсь «Парты героя» проектэсь. Сонзэ вельде кепедевить минек масторонь геройтнень лемтне, эйкакштнень трямосо-кастомасо васенце таркас аравтовить патриотической ёнкстнэ.

Неть читнестэ Саранскоень 43№ лицейсэ ютась промкс, кона алтавсь «Героень партань» панжомантень. Тесэ невтезельть кавто партат, конат алтавить Советской Союзонь Героентень Виктор Николаевич Бобковнень ды Мужествань Орденэнь кавалерэнтень Владимир Иванович Ненюковнень.

Подробнее ...
 
«Единая Россия» поддерживает законопроект Минтранса о невозможности высаживать детей из общественного транспорта

Эксперты партпроекта «Единой России» «Безопасные дороги» поддерживают законопроект Минтранса, внесенный на рассмотрение в Правительство РФ, согласно которому будет запрещено высаживать детей до 16 лет из общественного транспорта. Партия поддерживает данный законопроект, и совместно с Минтрансом доработает документ перед его внесением в Государственную Думу. Об этом заявил координатор партпроекта, заместитель председателя комитета Госдумы по транспорту и строительству Владимир Афонский на заседании общественного совета партпроекта.

Подробнее ...
 
Законопроект о «22-й кнопке» позволит поддержать местные телеканалы
Включение в обязательный цифровой пакет муниципальных
телеканалов, который распространяют операторы кабельных сетей, расширит
информационное пространство для зрителей и позволит существенно
поддержать местную тележурналистику. Об этом заявил соавтор
законопроекта о «22-й кнопке» - заместитель секретаря Генерального совета
«Единой России», член комитета Госдумы по информационной политике,
информационным технологиям Евгений Ревенко. Документ предполагает
внесение изменений в статью 32 федерального закона «О средствах массовой
информации» и статью 46 федерального закона «О связи».
Подробнее ...
 
В «Единой России» предложили расширить список оснований для получения ипотечных каникул, включив в него рождение второго ребенка
     Перечень оснований, по которым банки будут обязаны вводить ипотечные
каникулы для заемщиков, должен быть максимально широким и включать в 
себя не только потерю работы, но и вторую беременность. Об этом заявила 
член общественного совета партийного проекта «Крепкая семья», депутат 
Государственной Думы Татьяна Цыбизова в ходе заседания 
внутрипартийной дискуссионной площадки партии «Единая Россия» 
«Благополучие человека» на тему «Доступная ипотека – шаг к семейному 
благополучию».
Подробнее ...
 
Ёвтасть поздоровт Геройтнень аватненень

Мартонь 8-це чистэ од ломантне содавтызь ды ёвтасть поздоровт Мордовия Республикань чавовозь Геройтнень сядо аватненень. Те паро тевенть кармасть топавтомо «Россия – страна возможностей» панжадо платформантень совиця Росмолодежень од ломанень инициативань Грантонь конкурссонть «Не бывает чужих матерей» проектэнть изнямонзо вельде.
Активисттнэ ульнесть республикань 22 районсо ды казсть Героень аватненень цецят ды казнеть. Мероприятиянть прявт тевезэ – од ломантнесэ нравственно-патриотической воспитаниянть кемекстамось ды Геройтнень аватненень лаздамось, конат ёмавтызь эсь цёраст Афганистанонь, Чечнянь ды лия локальной конфликттнэсэ воинской долгонь топавтомсто.
Проектэсь тевс нолдави 2016 иестэ саезь Мордовия Республикань Ковылкинань районсо, а 2018 иень ноябрясто саезь – республиканть келес. Од ломантне ютавтнить вастовомат чавовозь геройтнень аваст марто. Ёвтыть тенст поздоровт Мартонь 8-це чинть, Авань чинть кувалма. Лездыть тенст энялдомаст коряс.