Рубрикатор

Культура Эрьва тевентень путы ойме
Эрьва тевентень путы ойме

Надежда Владимировна Бочкановань (тейтерьксэнь фамилиязо Мартынова) содаса пек умок. Ледстневи, Советской шкатнестэ кавксоньгеменце иетнестэ савсь тень улемс Кочкурбуень Кацялай велесэ. Те шкас эзь стувтово сынст покш, од ды мазый кудост, косо ояксчисэ эрясь ламо эйкакшонь триця Мартыновтнень семиясь. Ледстнематнес кадовсь, кода лембестэ ды седейшкава вастымизь кудазортнэ. Покш семиянть лангс апак вано, кудопотмост цивтердсь ваньксчисэ. Эрьва кедьёнксось эсь таркасонзо. Сехте пек жо ледстневицякс кадовсь, кодамо ояксчисэ ды вейке-вейкень чарькодемасо эрясь те семиясь. Ламо шка а эряви, штобу редямс эрьва семиянть лувонзо, сеске неяви ды маряви, кода бу ломантне авольть кекше потмоёжост.
Владимир Тимофеевич ды Елена Епифановна трясть-кастасть кавксо эйкакшт, колмонест тейтерест: Таисия, Любовь ды Надежда тонавтнесть Н.П.Огарёвонь лемсэ Мордовской госуниверситетсэ, цёратне истя жо муизь эрямонь кист ды уцяскаст семиясост.
Те семиясь важодемань вечкиця, ламо тевс бажиця. Кардаз потмост свал пешксель ракшадо, мезест ансяк арасель…
Виде, тетяст-аваст пинге важодсть Кацялай тиринь велень хозяйствасонть, кудоютконь тевтнень савсь топавтомс эйкакштненень, вейке-вейкень лангс апак невтне, сынь тейсть весементь, мезе кармавтсть тетяст-аваст. Ков аволизь кучо: сад-пирев, кардазов эли вишкинетнень ваномо, кияк каршо вал эзь ёвта.

 Кода уш вере тешкстынек, весе тейтертне тонавтнесть вузсо. Надежда школань прядомадо мейле кочкизе Н.П.Огарёвонь лемсэ МГУ-нь филологиянь факультетэнть, 1997 иестэ, сонзэ парсте прядомадо мейле, ушодсь важодеме А.С. Пушкинэнь лемсэ Раськень библиотекасонть, васня финно-угрань литературань секторонь прявтокс, а 2009 иестэ саезь раськень ды краеведениянь литературань отделэнь прявтокс.

Надежда Владимировна свал бажи одонтень, сонзэ ушодксонзо коряс тевс нолдазель «Этношкола в библиотеке» республикань проектэсь. Тень вельде республикань школатнесэ виевгавтови эрзя-мокшонь раськень культурась, общеобразовательной тонавтнемань заведениятнесэ одкстомтови тонавтнемань-методической литературась. А стяко Надежда Владимировнань кочкизь республикань «Ёрокчинь лисьмапрятне» пелькстамонть прявтокс, косо ванкшновить тиринь кельсэ сёрмадыцятнень ёрокчист.
Содазь, неень шкане ламот документтнэ конёв лангсто ютавтовить электронной лувс. Н.В.Бочкановань бажамонзо вельде ванкшнозель ды тевс нолдазель «Электронная коллекция произведений мордовских писателей из фондов Национальной библиотеки им. А.С.Пушкина РМ, опубликованных в 1920-1930-е годы» проектэсь. Истя жо сон участвовась тиринь кельтнень медиа-проектсэнть, сонзэ вельде вейке порталс пурнавсть Российской Федерациянь территориясо электронной библиотекатнесэ уликс весе финно-угорской материалтнэ.
2014 иестэ Надежда Владимировнанень прась уцяска улемс Российско-Финляндской культурной форумсонть, Финляндиянь Оулу ошсонть сон кортась Мордовия Республикань А.С.Пушкинэнь лемсэ Раськень библиотекасо важодицятнень пельде. Теке жо иестэнть сон кочказель эрзя-мокшонь VI инекужонь делегатокс, сонзэ ютавтомадо мейле мелензэ-арсеманзо печатазельть республикань изданиятнесэ.
Эрзянь тейтерь-авась весе седейсэ ризны раськень ды краеведениянь литературанть ванстоманзо ды сонзэ нолдамонзо кисэ, аноксты статьят республикань общественной деятельтнень ды писательтнень юбилеень дататнес. Сеедьстэ эрси ветицякс сыненст алтазь покшчитнесэ.
Мордовиянь содавикс ломантненень ды исторической событиятненень Надежда Владимировна аноксты теле-радиоинформацият эрзянь кельсэ. Сон ламо шка ютавты писательтнень, ученойтнень, Мордовиянь краеведтнэнь автографост марто изданиятнень фондонь анокстамонтень, ков истя жо совить минек ёнксонь содавикс ломантнень произведенияст, кедьсэ сёрмадовкстнэ, фотодокументтнэ ды казезь книгатне.
Н.В.Бочканова, кода тевензэ парсте содыця ломань, кинь домкат содамочинзэ, практикань ды методикань лезкс максы аволь ансяк эсенек республикань библиотекатненень, истя жо Мордовиянь томбале улезтненень, косо эрить минек раськень ломанть.
Тешкстасынек, сон сеедьстэ эрси республикань томбале эриця эрзятнень ды мокшотнень кедьсэ. Истя, Эрзя-мокшонь литературань ды Эрзя-мокшонь культурань ютавтомань читнестэ сон якась Чувашиянь – Порецкой, Ульяновскоень – Инзань, Пензань – Шемышейкань ёнкстнэс.
Ков бу аволь моле Надежда Владимировна, эрьва косо бажи тонавтнемс одонть ды тосто самсто весе лезэвенть бажи нолдамс тевс.
2015 иестэ Н.В.Бочкановань кочкизь Эрзя-мокшонь регионъютконь общественной организациянь Пролетарской местной отделениянь прявтокс. Сон сеске эрязасто кундась те общественной тевенть седейшкава топавтомо.
Васняяк ояксчинь сюлмот ладясь Саранск ошонь Пролетарской муниципальной администрациянть, Светотехстроень «Луч» Культурань кудонть, «Ламзурь» народной фольклорно-этнографической ансамблянть марто, ков сонськак сеедьстэ якси морсеме.
Вейсэ ютавтозь пек ламо эрьва кодат мероприятият тиринь келенть ды культуранть ванстомга ды седе домкасто содамга. Надежда Владимировна ламо иень перть вейке таркасо парсте важодемань кисэ тешкстазь ламо казнесэ, конатнень ютксо: МР-нь Правительствань Почетонь грамотась, Мордовия Республикань Почетонь грамотась, «РФ-со литературань иесь» медалесь, «За вклад в развитие библиотечного краеведения России» раськень библиотекань ассоциациянть пельде (РБА) Почетонь грамотась, Московонь ГБУК-нть пельде Сюконямонь сёрмась ды истя седе тов.
Текенень поладсынек, сон уцяскав ава, вечкиця ни ды мелявтыця сырькай. Мирдензэ Андрей Николаевич марто трясть-кастасть кавто превей эйкакшт. Цёраст, Александр, тонавтнесь «Московский государственный университет путей сообщения – Программная инженерия» специальностенть коряс, тедеде пряды Н.П.Огаревонь лемсэ МГУ-нь Бизнес-информатика магистратуранть. Тейтерест, Анастасия, Н.П.Огаревонь лемсэ МГУ-нь кавто факультетсэ тонавтнесь, вейкенть прядызе якстере диплом марто. Бочкановтнень покш мельспарост – Роман нуцькинест, кинень явить весе ютко шкаст.
Течи, ноябрянь 6-це чистэ, Надежда Владимировна тешкстызе юбилеензэ. Сонзэ лемс ёвтазельть ламо поздоровт. «Эрзянь правда» газетань важодицятне вейсэндявить неть паро валтнэс ды арсить тензэ кеме шумбрачи, эрямосо уцяска, важодема таркасо од изнявкст.
В.Юдина


06.11.2018



 

Новости

«Единая Россия» предложила Правительству усовершенствовать систему целевого набора в вузы
Премьер-министр Дмитрий Медведев поддержал предложения
фракции «Единой России» в Государственной Думе, озвученные ее
руководителем, вице-спикером Сергеем Неверовым. В частности,
одобрена идея пересмотра программы целевого набора в вузы,
введения сбалансированного питания в школах и сохранения
региональных и муниципальных телеканалов при переходе на
«цифру».
Подробнее ...
 
7 мая в Мордовии пройдет Диктант Победы
Региональный организационный комитет по проведению Всероссийского
исторического диктанта подержал решение Генерального Совета «Единой России» о
проведении «Диктанта Победы»
Подробнее ...
 
Кортавсь шукшонь пурнамонь реформадонть ды «Экология» национальной проектэнть тевс нолдамодо

Неть читнестэ Саранскойсэ ютавтовсь «Единой Россиянь» региональной дискуссионной площадкань васенце промксось. Сонзэ лувсо кортавсь коммунальной шукшонь пурнамонь реформадонть ды республикасонть «Экология» национальной проектэнть тевс нолдамодо. Промксонть важодемасо ульнесть «Ремондис Саранск» региональной операторонь прявттнэ, республикань Жилищно-коммунальной хозяйствань, энергетикань ды эрицятнень гражданской ванстомань, Вирень ды охотямонь хозяйствань, Эрицятнень социальной ванстомань, трудонь ды занятостень министерствань важодицятне, тарифень коряс республиканской службань специалисттнэ, ОНФ-нь ды общественной организациятнень члентнэ.

Подробнее ...
 
Кобзев: Получение паллиативной помощи по месту пребывания сделает ее доступной для всех нуждающихся
Возможность  получения  паллиативной  помощи  по  месту  пребывания   существенно   упростит  жизнь
нуждающихся в ней людей и их родственников по всей стране. Об этом заявил член общественного
совета партпроекта «Единой России» «Здоровое будущее», член комитета Госдумы по охране здоровья
Юрий Кобзев, комментируя подписанное премьер-министром Дмитрием Медведевым постановление о
внесении   изменений   в   программу   государственных   гарантий   бесплатного   оказания   медицинской
помощи.
Подробнее ...
 
Региональная дискуссионная площадка «Единой России» на «круглом столе» обсудит реформу обращения с ТКО
17 апреля в Региональном исполнительном комитете Партии состоится первое
заседаниеРегиональной дискуссионной площадки ВПП «Единая Россия».
Ее Координатором стал заместитель Председателя Государственного Собрания
РМИван Михайлович Москаев.
"Круглый стол" Региональной дискуссионной площадки Партии будет посвящен
теме: "Ход реформы обращения с твердыми коммунальными отходами и реализация
национального проекта "Экология" в Республике Мордовия".
К обсуждению партийцы пригласили регионального оператора "Ремондис Саранск",
министерство ЖКХ, энергетики и гражданской защиты, министерство лесного и
охотничьего хозяйства, министерство социальной защиты, труда и занятости
населения, Федеральную службу по надзору в сфере природопользования,
Республиканскую службу по тарифам, ОНФ и другие заинтересованные ведомства,
общественные организации. Начало мероприятия в 15.00.