Рубрикатор

Культура Ёвтак сюкпря васенце тонавтыцянтень!
Ёвтак сюкпря васенце тонавтыцянтень!

Истямо акция ютавтсть минек республикасо ОНФ-нь активисттнэ ды Мордовиянь Народной фронтонь отделениянь од ломантне.
Тонавтыцянь кенярксчиденть икеле сынь вейсэ МР-со ОНФ-нь исполкомонь региононь отделениянь прявтост Н.А.Сайгачева марто якасть Саранск ошонь округонь 26 № лицеев, косто Наталья Алексеевна муизе васенце тонавтыцянзо Галина Андреевна Хорькинань. Тешкстасынек, сонзэ васенце тонавтыцязо Г.А.Хорькина, кинень сы иестэ топодить 70 иеть, те шкас важоди начальной классонь эйкакштнень марто. Сонзэ тонавтомань стажозо малав ниленьгемень иеть. Васня сон важодсь покш классонь тонавтыцякс, мейле чарькодсь, сонензэ седе малавикст вишкинетне.

 

Виде, аволь сеске, ялатеке сон содызе вечкевикс тонавтницянзо Наталья Сайгачевань, кие тонавтыцянь кенярксчинть каршо сась тензэ покш цецяпусмо марто.
Комсь иеде ламо сон важодсь Саранск ошонь округонь 40 номер школасонть, косо ветясь урокт начальной класстнэсэ. Эрьва тонавтницядонзо ледстнесь седейшкава ды вечкезь. Эсь ёндо ёвтась сюкпрянь валт а стувтоманзо ды тензэ истямо покш мелень явоманть кисэ.
Вастовомань шкастонть, урокось эштё эзь прядовкшно (сон ветясь колмоце классо), эйкакштнень теинзе содавиксэкс умонь тонавтницянзо марто ды тень пингстэ яволявтсь:
– Те монь тонавтницям, зярдо-бути истя жо сакшнось монь уроктнес ды тонавтнесь ансяк «ветес».
– Мон жо те шкас ледстнян Тынк мизолксонк, – мерсь каршонзо Н.А.Сайгачева. – Тынь монь туртов те шкас кадовиде вечкевикс тонавтыцякс.
Галина Андреевнань чачома-касома ёнксось – Ицяло ёнксонь Гуляева велесь, тосто сонзэ ундоксонзо. Эште эйкакшпингстэ арсесь улемс тонавтыцякс. Мелезэ топавтовсь, эрямонзо алтызе тонавтыцянь а шожда тевентень ды тунь теде а янкси. Сонзэ вечкевикс тевенть ней карми поладомо нуцьказо, кие эри масторонь прявт ошсо – Московсо. Сон кеми, эйстэнзэ лиси алкуксонь тонавтыця, сонзэ тевенть поладыця.

***
Теке жо чистэнть ОНФ-нь активисттнэ ды Мордовия Республикань Народной фронтонь отделениянь од ломантне содавтызь Саранск ошонь округонь Октябрьской ёнксонь Куликовка велесэ эриця икелень тонавтыцянть В.И.Еремкинань. Валентина Ивановнань чачома ёнксось – Покш Березникень Раужо Промза велесь.
Эсест ёнксонь РОНО-нть кармавтоманзо коряс кодгеменце иетнестэ сон кучозель важодеме Вейсэнь начальной школав, косо тонавтсь эйкакшт малав комсь иеть. Седе тов эрямонь китне пачтизь Саранскоенть эйстэ а васоло Куликовка велев, косо поладызе вечкевикс тевензэ эштё кемголмово иес.
В.И.Еремкина пингензэ перть весе содамочинзэ, оймелембензэ казсь эйкакштненень. Эрьванть эйстэ бажась ливтемс алкуксонь ломань.
Валентина Ивановна аволь ансяк вадря тонавтыця, истя жо садпире мельга якамо парсте маштыця. Косо бу сон аволь уле, свал перьканзо теи а ёвтавияк кодамо мазычи.
Тонавтыцянь кенярксчинть коряс весе сонзэ тонавтницятне ёвтыть тензэ поздоровт, арсить кеме шумбрачи, эрямосо уцяска ды весе арсеманзо топавтома. Сыненст истя жо вейсэндявить эйкакшонзо, нуцьканзо, правнуцьказо ды 96 иесэ авазо.


В.Юдина


09.10.2018

 

Новости

«Единая Россия» возьмет на контроль реализацию закона о паллиативной помощи

Партия «Единая Россия» поддержит парламентский мониторинг за реализацией закона о паллиативной помощи. Об этом заявил член общественного совета партпроекта «Единой России» «Здоровое будущее», член комитета Государственной Думы по охране здоровья Юрий Кобзев. 

Подробнее ...
 
150 человек пройдут обучение в рамках модуля «Политический лидер» Высшей партийной школы «Единой России»

Первые занятия стартуют 25 февраля

Экспертной группой первого модуля Высшей партийной школы «Единой России» «Политический лидер» по итогам всех испытаний из более чем 6,6 тысяч участников были отобраны 150 слушателей. Из них 50 приступят к учебе уже с 25 февраля, еще 100 пройдут обучение в Высшей партийной школе в следующих потоках в марте-апреле. Конкурс на участие в проекте составил 44 человека на место.

Подробнее ...
 
Республикадонть – социальной сетьсэ

Печатень кудонь Пресс-центрасо аволь умок ютавтовсь мероприятия, конанть лувсо невтевсь социальной сеттнесэ Мордовия Республикань официальной аккаунтось. Пилотной нолдамось ульнесь уш даволковонь 1-це чистэ, секскак васень подписчиктне уш ванызь контентэнть вадрячинзэ.

Подробнее ...
 
Ловонть ускома шкастонзо

Неть читнестэ Саранскоень Администрациясо ютавтозь промкссонть башка мель явовсь ошсонть эйсюротнень, эенть ды ловонть урядамонь кевкстемантень. Ленинской райононь прявтось Александр Юткин ёвтнесь, управляющей компаниятне тагояк рамасть сал китнень ды ютамо таркатнень почодомс. «Эйсюротнень урядамонь коряс роботатне ветявить эрьва чистэ. Тевенть топавтыть верьга якицят ды специализированой техника», – пачтясь Александр Юткин.

Подробнее ...
 
Автобусонь од маршрут

Ошонь прявтось сонсь ловны эрицятнень сёрмаст, конат кучовить сонзэ лемс. Мэрэнть кедьсэ промкссонть Пётр Тултаев пшкадсь Транспортонь управлениянь прявтонь полавтыцянтень Елена Потапованень: «Сась пеняцямо, конасонть тешкстави, автобуссо эли троллейбуссо ардоманть кис карточкасо пандомадонть мейле ярмактне саевить аволь сеске эли аволь зняро эряви. Ломантне арсить те «Горэлектротранс» муниципальной предприятиянть вановтост ало. Ёвтадо: кие чумось ды ков пшкадема?»

Подробнее ...