Рубрикатор

Культура Мексикась эрзянь тейтеренть сельмсэ
Мексикась эрзянь тейтеренть сельмсэ

Мексика. Мезе тынь содатадо сондензэ? Мон вана содан, прявт ошозо – Мехико. Эйкакшпингстэ саезь вечксынь мексикань сериалтнэнь. «Богатые тоже плачут», «Дикая Роза», «Просто Мария», «Никто, кроме тебя», «Моя вторая мама» – неть телефильматне содавикст весенень, кить чачсть ютазь пингень 90-це иетнень самс. Сынст ваномо ломантне каднылизь роботаст, весе кудонь тевест ды мексикань актрисатнень Россиясо вечкилизь истя жо седейшкава, кода эсенектнень. Ледстнян, кода вишка ялаксом, неть сериалтнэнь ванозь, кармакшнось испанонь келень тонавтнеме. «Порфавор», «грасиас», «корасон», «те амо», «порке?» – неть валтнэнь монгак те шкас ледстнесынь ды чарькодьсынь. Мексикась неявсь тенек васолдояк васоло масторокс, косо свал кизэ, ломантне явовить кавтов: нужасо эрицят ды пек сюпавт. Ялатеке сюпавтнеяк, ламо ярмакост лангс апак вано, истя жо авардить ды учить алкуксонь вечкема. Нужачисэ эрицятненень жо эряви чачомс пек мазыекс ды улемс чинек-венек важодицякс, сестэ, паряк, тонь лангс сельмензэ каясы кодамояк синьор Альберто.

Кодамо жо алкуксонь Мексикась ней, кодат сынь – мексиканецтнэ, мейсэ явовить эйстэнек, минь кевкстнинек эрзянь тейтеренть, журналистканть, интернет-блогерэнть Людмила Барговань. Ульнесь меленек содамс седеяк, кода сон сюлмавозь Мордовиянть марто, костонь сонзэ ундоксонзо, кода ушодызе эсь профессиональной кинзэ ды кода уцяскась пачтизе Людмилань омбо масторов (Мексикасо тензэ весе мерить Мила, истя седе шожда ёвтамс).

 

Васняяк тешкстаса, Людмилань тетязо-авазо республикасонок содавикс ломанть. Анатолий Баргов – артыця, Тамара Баргова – журналист, сёрмадыця. Людмилаяк тусь аванзо киява, ансяк теде седе парсте ёвтни сонсь од тейтересь:

– Мон чачинь Саранскойсэ ды 15 иесэ уш карминь важодеме журналистикасо. Эзинь арсеяк, тень эйстэ касы эрямонь тевем. Школасо тонавтнемстэ те ульнесь мелень явовтомань кис шкань ютавтомакс. Недлязонзо весть школасо тонавтнеманть прядомадо мейле вастневилинек ды теилинек минек шкань цёрынетнень ды тейтернетнень туртов радиопрограмма, конань мейле нолдылизь валске марто радионь пачк. Кунсолыцянокак ульнесть, минськак а ёвтави кода кецнинек тенень. Пурнакшнымизь перьканзо Владимир Николаевич Ларин – пек превей журналистэсь, эйкакшонь ойменть домкасто чарькодиця-мариця ломанесь. Эряви меремс, сонськак Владимир Николаевич оймензэ коряс минек кондямоль, секс, нать, парсте чарькодилимизь. Аволь весе эйстэнек седе тов кассть журналистэкс, ансяк содан: эрьвась ёвты сюкпря те ломанентень уцяскав шканок кис. Ней уш монсь тонавтан од ломантнень, совавтан эйсэст журналистикас, ды бути максан тенст куш аламошка сень эйстэ, зяро миненек максыль Ларин ды зяро саинек пельдензэ, улян покш мельспаросо. Паро, бути эйкакшонть эрямо кинзэ лангсо вастови истямо ломань – те тейсы мейле весе эрямонзояк смустевекс.

Саранскоень кооперативной институтсо тонавтнемстэ важодинь корреспондентэкс «10 каналсо» ды диджеекс «МС-радиосо». Ды теке шкастонть эрямосон саизе эсь тарканзо сценаськак, зярыя иень перть монень сатотсь ветямс «Шумбрат, Мордовия!» республиканской фестиваленть, лия покш концертт. Пек кенярдан – савсь тень малацек улемс Владимир Шарапов ды Оксана Вишнякова марто, неть покш профессионалт. Седе тов туинь Московов, поладыя тонавтнемам, ней уш журналистикасо. Пек тень маштовсь весе се, мезень тееме тонадынь Мордовиясо. Монень Саранскоень радиосо ды телевидениясо важодемадо мейле а стакаль муемс эсь таркам Московонь медиасферасонть. 

Парсте содаса эрзянь келенть. Содаса ды вечкса. Кадык сонзэ эзинь тонавтне школасо, вишкинестэ саезь уш тетям ды авам кортасть мартон ансяк эрзякс. Ней, апак корта, лиясто валтнэ стувтневить, ансяк зярдо кортатано малавиксэнь марто скайп вельде – минь тагояк кортатано эрзякс, ды весе валтнэ муевить-ледстявить. Алкукс, седе ламо мель ней яван испанонь келентень, эдь Мексикасо весе кортыть испанонь кельсэ.

Кода мон пачкодинь Мексикав?

Васоло масторов кись панжовсь тень… сазоронь свадьбасо. А кемевияк, кода весе те лиссь! Одирьванть-женихенть столь лангсо сяворсь палыця штатолось, истя лиссь, монень савсь мадстемс пожаронть. Кирвазсь платиям, пицевсь кедем… Ды сестэ мон вастыя эсь уцяскам! Пельиень ютазь урьвакстынек. Иень ютазь эрямо кись пачтимизь Мексикав. Те масторсонть эрятано уш иеде ламо. Мон теян вечкевикс тевем – тонавтан журналистикантень од ломанть, ды лиснян эфирс «Вести FM» ды «МАЯК» радиосо Мексикасто репортаж марто. Ламо ловнан, седе домкасто тонавтнян испанонь келенть, бажан касомо лия тевсэяк. Эдь эштё зярдояк арасель истя ламо шкам алтамс эсень тонавтнемас-касомас.

Монь эрямосонть лиссь истя: васня сыргинь Саранскойстэ Московов. А вана истя васов – Россиясто Мексикав туемадо монь превс зярдояк эзь сакшно. Кортыть, лия масторов самсто ломаненть мелензэ-арсеманзо нилексть полавтовить. Васняяк сон весементень кенярды. Мейле ломанесь эрьва мезес тонады. Минь, невтемга, ней уш тонадынек чинь куншкат оймсекшнеме, кода теить весе масторонть келес – Фиеста! Ней уш теяк кармась улеме коекс – эрьва тарго, оймсема читнестэ, минек лия-лия таркатнень марто вастовомат, содавтомат. Колмоце полавтовксось – ламось мезесь лия масторонь эрямосто а тукшны мельс, натой кеж савты. Невтемга, Мексикасо ломантне а капшицят, тешкстазь шкантень зярдояк а сыть. А маштыть правилань коряс киланга ардтнеме, седе виде ули меремс – тосо арасть кодаткак килангонь правилат. Ламо эштё мезесь абунгавты.

Ды нилеце полавтовксось: зярдо друк тон чарькодят: те сынь, те сынст масторост. Сынь эрить истя, кода тонадсть, кода маштыть. А вана минь те масторсонть ансяк инжеть. Секс эряви весементь саемс мельс апак ацирьгале, паро мельсэ. Истямо мельс самодо мейле уш а кармат покордавомо эрьва кодат тескень койтнень-тевтнень коряс.

Те истя, мексиканецтнэ пек явовить эйстэнек. Ламос мон те шкас кодаяк а тонадан. А капшицят, а вечкить лия ломаннень мейсэяк отказамо. Сынь зярдояк теть а мерить: «Арась!», теке марто сеньгак теть а тейсызь, мезе теть эряви.

Вана эрямосто тешкст:

Валске. Пек капшан. Вастовома шкантень кадовсть зярыя минутат, совинь кафес, кевкстинь кофе. Официантось мерсь: «Нейке тейтяно!»  Учан... Ансяк кияк а капши кандомс тень кофе.

– Тынь, паряк, эзиде маря: мон вешинь кофе…

– Маринек. Курок карми!

– Зярдо?

– Комсь минутань ютазь. Минь зярс ванськавтсынек кофемашинанть…

***

Снартнинь панемс тантей пряка, ансяк сонзэ туртов эрявсь тень сахаронь пудра. Молинь вакссонок лавкав, кевкстия микшницянть, косо сынст путозь сахаронь пудрась. Сон ветимим тов, косо путозь сахарось.

Мерян:

– Ды эдь те аволь пудра – сахар…

– Ды эдь сахароськак аволь седе берянь

***

Лавкасо энялдан максомс тень чек. Ансяк кассирэсь прок эзимим маряяк.

– Инескеть, максодо монень чек!

– Мон кучия теть почта вельде.

– Эдь мон теть энялдынь: макст монень чек, аволь электронкас кучома.

– Вана печатасак – ды ули теть чек!

 

Ды истя секе-тев.  Ды те минденек эштё кортыть: а чарькодевикс рузонь ойме?!

Кевкстемат-кевкстемат, дивсемат-ацирьгалемат, нама, вейке лопас а кельги весе минек интервьюнок, секскак теньсэ кортамотне-ёвтнематне Мексикадо а прядовить, ловнодо Людмила Баргова эрзянь тейтеренть омбо масторсо эрямодонзо газетань сы номерсэнть.

         Марина Девятова

 

Новости

Кудотнень перька таркатне паролгавтовить

Пондельникстэ ошонь прявтось П.Н.Тултаев ютавтсь Саранскоень районтнэнь прявттнэнь марто промкс, косо кортамось мольсь кудо вакссо таркатнень паролгавтомадо. Ленинской районсо 32 кудотнень перька тевтне топавтозь весе. Экономиянть вельде паролгавтозель эштё С.Разинэнь куросо 33№ кудонть вакссо таркась.

Подробнее ...
 
Кулят ошонь Администрациясто

Саранскоень мэрэнтень пшкалить ошонь эрицятне, конат ацирьгалить гаражтнень ды утомтнень яжамост коряс. «Весе утомтне-гаражтне стявтозь аволь закононь коряс, каладот, наксадот, сынст эрявить калавтомс! Неть таркатнесэ антисанитария. Веенст энялдыть яжамс сынст, лиятне – молить каршо. Саемга, 20№ гимназиянть вакссто кармасть усксеме аволь закононь коряс стявтозь гаражтнень. Ломантне кортыть, гаражтнень сайсынк ды тарказост стявттадо ламо этажонь кудо. Кодаткак кудот те таркасонть а улить! Гаражтнень таркас ладить эйкакшонь налксемань таркат ды парковкат. Ней прядови 20№ гимназиянть вакссо стадиононь стявтомась, перьканзо таркась истя жо паролгавтови», – мерсь Петр Тултаев.

Подробнее ...
 
Плотников: Фермеры смогут жить на своей земле, а не ездить каждый день туда как на работу

 Госдума приняла в первом чтении законопроект, который разрешает фермерам строить дом для себя на своей земле сельскохозяйственного назначения. Законопроект меняет порядок строительства жилых домов в КФХ. Такое заявление сделал координатор партпроекта «Единой России» «Российское село», депутат Государственной Думы Владимир Плотников.

Подробнее ...
 
Андрей Макаров: Проект бюджета гарантирует выполнение государством всех социальных обязательств

    Внесенный Правительством РФ проект бюджета гарантирует выполнение государством всех социальных обязательств. Об этом заявил председатель комитета Госдумы по бюджету и налогам Андрей Макаров в ходе выступления от фракции «Единой России» на пленарном заседании нижней палаты парламента. 

     - Гарантированное выполнение государством всех социальных обязательств - это важнейшая задача бюджета, которую внесенный Правительством проект, безусловно, решает», - заявил Макаров, отметив, что «Единая Россия» вместе с Правительством РФ в рамках нулевого чтения прорабатывала проект бюджета, чтобы решить задачи, поставленные Президентом России Владимиром Путиным. 

        Он обратил внимание на то, что фактические доходы в 2019 году составили 19,969 трлн рублей, превысив прогноз на 22%. «Это показатель того, в каком состоянии находится наша экономика», - отметил парламентарий. 

Подробнее ...
 
Валдонть кисэ – социальной норма

Россиясо тагояк электричестванть кисэ арсеви совавтомс социальной норманть, зярдо кемекстазь лимитэнть велькска ютавтоматнень сави пандомс седе покш тарифень коряс. Минэнергонь ды Минэкономикань сентябрянь 19-це чистэ ютавтозь промкссонть те схеманть кемекстызе вице-премьерэсь Дмитрий Козак. Ведомстватненень жо документэнь проекттнэнь анокстамат 2019 иень якшамковонтень.

Подробнее ...