Рубрикатор

Культура Роштувань кенярксчись
Роштувань кенярксчись

Январень 7-це чинть каршо вестэнть Мордовиянь православной весе храмтнесэ ютавтовсть кенярксчинь службат, конат алтавсть Роштувантень. Вадря коенть коряс, Роштувантень православиянь весе храмтне мазылгавтовсть кузнэсэ ды кузонь тарадсо, церьковатнес эли сынст малас теезельть «пещерат», косо чачсь Иисус Христос. Роштовань службась  лиятнень ёнов а молиця. Феодор Ушаковонь кафедральной соборсонть кенярксчинь службанть ветизе Саранскоень ды Мордовиянь митрополитэсь Зиновий.

Службантень сакшность сядот озныцят, ламот ульнесть эйкакш марто. Роштувань службась пек вечкеви вишкинетненень ды кувать шкас кадови сынст ледстнематнес. Те покш чистэнтень соборонтень сакшность МР-нь Государственной Собраниянь Председателесь В.В.Чибиркин, МР-нь Правительствань Председателесь В.Ф.Сушков, Саранск ошонь округонь депутатонь советэнь председателесь Н.Ф.Бурнайкин.

Храмс пурнавозетненень Зиновий владыкась пачтизе Московонь ды Весе Русень Патриархонть Кириллэнь Роштувань кучоманть.

«Те иневанькс вестэнть ёвтан седейшкавань поздоровт Роштуванть кувалма: те кенярксчись пештязь ломантнень идемань ды вечкемань смустьсэнть», – кортави Кучомасонть.

Те покш чинь смусттенть башка кортась Саранскоень ды Мордовиянь митрополитэсь Зиновий. «Течи минь тешкстатано покштояк покш кенярксчи, – пшкадсь сон озныцятненень. – …Кадык Пазонь баславамось пештясынзе тынк седеенк валдосо ды кеняркссо. Арсян тенк идема, шумбрачи ды уцяска. Минь седе товгак карматано апак пеле эскелямо икелев, виевгавтомо кемеманть, кастомо вечкеманть ды топавтомо паро тевть, эдь Пазось мартонок!»

Службантень ламот сыцятне те чистэнть причастясть. Службанть прядовомадо мейле ошонь эрицятнень Саранскоень районтнэс пачтизь тень туртов явозь башка автобустнэсэ.

МР-ва МВД-нь пресс-службасонть пачтясть, республикасонть кенярксчинь службатне ютасть сэтьместэ. Службатне ютавтовсть Мордовиянь 233 церьковатнесэ. Сэтьмечинть мельга вансть внутренней тевень органонь тёжадо ламо сотрудникть.

 

Новости

А.С.Пушкин лемсэ библиотекась тешкстызе чачома чинзэ

Сентябрянь 14-це чистэ Мордовия Республикань А.С.Пушкин лемсэ Национальной библиотекантень топодсть 119 иеть. Кенярксчинть кувалма библиотекань важодицятненень поздоровт ёвтась МР-нь Культурань, национальной политикань, туризмань ды архивень тевень министрась Анатолий Чушкин. Сон ёвтась покш сюкпря топавтовиця важодеманть кисэ, арсесь библиотекантень ансяк касомс-кепетемс ды муемс седе ламо од ловныцят.

Подробнее ...
 
Госдума приняла в первом чтении президентский законопроект о защите людей предпенсионного возраста

Рассматриваемый в Госдуме президентский законопроект, которым устанавливается уголовная ответственность за необоснованный отказ в приеме на работу или необоснованное увольнение лица по мотивам достижения им предпенсионного возраста, призван изменить отношение работодателей к сотрудникам старшего возраста. Об этом заявил первый заместитель руководителя фракции «Единой России» Андрей Исаев в ходе рассмотрения Госдумой законопроекта в первом чтении 13 сентября.

Подробнее ...
 
Лиседе чиеме!

Сентябрянь 15-це чистэ Саранскойсэ, Советской площадьсэ, ютавтови «Кросс-нации – 2018» Чиемань весероссиянь чись. Те  мероприятиясь карми молеме «Спорт против терроризма» девизэнть ало. Те тердеманть ало шожда атлетикань стартс лисить малав 4500 ломанть, юткозост совить шабра регионтнэстэ сазь инжетнеяк.

Подробнее ...
 
Ванстынк прянк грипптенть

Республикасонть ушодовсь грипптенть иммунизациясь. Кода пачтясть Роспотребнадзоронь региональной управлениясо, неть тевтнес нолдавить минсенек масторсо нолдазь вакцинатне, конатне ванкшнозельть парочинть ды зыяновчинть коряс. Неть: «Совигрипп» покштнень туртов ды «Совигрипп», конасонть арасть консервантт, эйкакштнень ды пешксесэ аватнень туртов. Вакцинатнень составс совить гриппень вирустнэнь актуальной штаммтне.

Подробнее ...
 
Эрзянь ды мокшонь кельсэ азбука

МР-нь заслуженной поэтэсь, Покш Березникбуень почётной гражданинэсь, РФ-нь общей образованиянь отличникесь, «Народное образование Республики Мордовия» журналонь главной редакторось Геннадий Гребенцов казсь вишка ловныцятненень од книга. Сон алтавсь тонавтнемань од иень ушодовомантень.

Подробнее ...