Рубрикатор

Культура «Келу» ансамблясь – минек культурань сюпавчи!
«Келу» ансамблясь – минек культурань сюпавчи!

МР-нь государственной филармониясо вейкеяк концерт а ютни Г.И.Сураев-Королёв лемсэ «Келу» ансамблявтомо. Сынст морост кенярдовтыть, талновтыть, кармавтыть арсеме, мельсэ-превсэ пачтить кезэрень пингев. Кода течи эри ансамблясь, ков ардтни моро марто, теде миненек ёвтни коллективень художественной руководителесь, МР-нь культурань заслуженной роботникесь Ирина Васильевна Макейкина

Ирина Васильевна, зяро ней морыцят «Келу» ансамблясонть?

– Весемезэ малав 20 ломанть. 15 морыцят, ули инструментальной состав, домрасо, флейтасо, баянсо седицят.

Улить-арасть од морыцянк?

– Иеде икеле сась Ирина Горина. Видьстэ меремс, сон минек марто важодекшнесь, мейле тукшнось Московов. Шкань ютазь велявтсь тосто мекев ды кармась явомо мель вечкевикс тевентень – музыкантень. Ёвтан истямо тевде, сон эрияк Г.И.Сураев-Королёв лемсэ ульцясо!

Кода ютась 2017 иесь, ков ардтниде морсеме?

– Ламо ардтнинек республикань районтнэва, велева, школава ды эйдень кужова. Концертэнь программанок келей, сон алтави эрьва кодамо иесэ ваныцянень. 2017 иестэ Г.И.Сураевнень-Королёвнень топодевельть бу 95 иеть. МР-нь Композиторонь союзонь прявтось Н.В.Кошелева ютавтсь вастовома, косо минь морынек. Мейле тейтерезэ Светлана Георгиевна тердтнимизь морамо сыре ломантнень туртов пансионатов.

А стувтовиксэкс кадовсь 2016 иесь. Минь ардтнинек Московов хоронь коряс Весероссиянь фестивалев-конкурсов. Васенце этапось ютась Саранскойсэ. Мейле – Нижней Новгородсо (Равчирень федеральной округонь этапось), тосо саинек васенце тарканть. Московсо «Профессиональные народные хоры» номинациясонть ульнесть кавксо коллективть. Сакшность морыцят Алтаень крайстэ, Новосибирской областьстэ, Белгородсто ды лиясто. Жеребьёвкань коряс миненек эрявсь морамс васенцекс. Нама, пек талнынек! Мейле чарькодинек, те седеяк паро, морынек ды ойминек, сэтьместэ ванынек-кунсолынек лия участниктнень.

Ирина Васильевна, мезе морыде?

– Морынек колмо морот: мокшокс «Келу», рузкс «Во поле туман» (обработкатне Г.И.Сураевень-Королёвонь) ды «Эрзянь карть» вокально-хореографической композициянть. Жюрисэнть аштесть содавикс ломанть: Пятницкоень лемсэ рузонь народной хоронь художественной руководителесь Александра Пермякова, Весероссиянь хоронь вейсэндявксонь прявтось Павел Пожигайло, Россиянь Армиянь А.В.Александров лемсэ морамонь ды киштемань ансамблянь ветицясь Валерий Халилов (кона мейле чавовсь), Кубанской казачьей хоронь ветицясь Виктор Захарченко ды лият. Омбоце чистэнть ютась Христос Спасителень храмсо концерт, косо яволявтозельть изницятнень лемест. Васенце тарканть саизе Белгородось, омбоценть – Чечнясь, минь, «Келусь», – колмоценть. Кемтядо, минек туртов те ульнесь теке васенце тарка!

Мезе учотадо 2018 иестэнть?

– Ули меленек ардомс концерт марто лия регионов. Бажатано ставтомс од оршамопельть. Октябрясто филармониясо панжови од сезонось. Тедеде сонензэ топодить 75 иеть. Те шкантень анокстатано од произведеният. Вельмевттяно ташто обработкатнень, одкстомттано сеть моротнень, конатнень умок эзинек морсе. Нама, неень шкане стака муемс композиторт, моронь сёрмадыцят. Весенень эряви пандомс.

2018 иень кизна карми Футболонь коряс масторлангонь чемпионатось. Чарькодеви, ансамблянок карми морамо ламонь таркава. Зярдо савкшны морамс ды киштемс лия ошонь эли омбо масторонь инжетнень икеле, ломантне мельспаросо ваныть, весе седейсэ кунсолыть. Ды кадык сынь а чарькодить, мезде моратано, ялатеке сельмесэст ули мелень явома. Сынст лангс ванозь, потсот вельми кеняркс ды минек сюпав культуранть кисэ каштанчи. Ламо вайгельсэ морамось косояк арась. Эрявить ванстомс минек койтнень. Явомс тенст покш мель.

Концертэнь программанок сюпав. Минь моратано-кишттяно эйдень кужосо, школасо, покш инжетнень икеле. Улить паро моронок, виев киштеманок, музыканттнэ седить инструментсэ. Саемга, эйдетненень ютавттано налксемань лувсо программа: улить Овто, Лишме героенек. Седятано вешкемасо, жалейкасо.

1969 иестэ саезь 1979 иес «Келусь» ульнесь самодеятельной коллективекс. Сынь ламо ардтнесть омбо масторга. Ули покш мелем тердемс эрзянь ды мокшонь велетнестэ мазый, виев вайгель марто тейтерь-аватнень, кадык сынст арасть музыкальной образованияст, ули ансяк вайгелест. Самай истя эсь шкастонзо пурнась коллективенть Г.И. Сураев-Королёв. Морыцят сон вешнесь велева, сайнесь апак тонавто, ансяк паро вайгель марто. Ды уш тесэ тонавтсь, витнесь, ладясь вайгельтнень. Мезть сёпомс, ней од ломантне а бажить самс ансамбляв морамо. Весенень эрявить покш зарплатат. Тесэ эряви тенст косояк эрямс…

Ирина Васильевна, содазь, кой-кона морыцянк важодить ансамблясонть ламо иень перть. Сынст паро тевест тешкстазь?

– Мельспаро пачтямс, 2015 иестэ «МР-нь Заслуженной артистка» лементь максызь Анна Зуеванень, 2016 иестэ – Елена Воронинанень. 2017 иестэ Анна Атласованень максозь «МР-нь Народной артист» лемесь. Минь кисэст кецятано ды аштетяно каштанчисэ. Анна Григорьевна Атласова сась «Келув» 1979 иестэ! Эряви меремс, минек коллективсэ важодить сетне, кить а неить эрямост лия тевсэ, кить алтызь эрямо пингест вечкевикс тевентень.

Т.Маторкина

 

 

Новости

Повышение уровня занятости на селе – один из приоритетов «Единой России»
На XVIII Съезде «Единая Россия» предложила дать возможность расширения
рынков сбыта для личных подсобных хозяйств (ЛПХ).
 В рамках обсуждения на дискуссионной площадке XVIII Съезда Партии, 
посвященной вопросам сельского хозяйства, было предложено дать 
возможность применения добровольной патентной системы 
налогообложения для крупных личных подсобных хозяйств (ЛПХ). Тех, что 
намеренны выйти на более широкие рынки сбыта, нежели фермерские 
ярмарки.  «Но для этого им сейчас нужно оформляться в качестве 
фермерского хозяйства или индивидуального предпринимателя. Это уже 
другая отчетность и налогообложение.  подача деклараций и заполнение 
нескольких видов отчетностей. Мы предлагаем дать  возможность 
владельцам ЛПХ, которые этого захотят, приобрести патент. Если у вас есть 
личное подсобное хозяйство, вы реализуете излишки, и не планируете 
выходить на уровень более широкой торговой деятельности, то и 
приобретать патент не нужно», - пояснил заместитель Председателя
Госдумы, руководитель фракции «Единая Россия» Сергей Неверов.
Подробнее ...
 
Премьера!

Декабрянь 8-це чистэ 17:00 чассто Эрзянь ды мокшонь национальной драматической театрасо ваныцятнень учи премьера. Тесэ невтить М.Камолеттинь «Играем в дружную семью, или гарнир по-французски» од путовкс. Спектаклясь алтави МР-нь заслуженной артисткатнень Марина Аверкинань ды Галина Самаркинань юбилеень тешкстамонтень. Режиссёрось-путыцясь МР-нь заслуженной артисткась Л.Шахова.

 
Ардоманть кис питнетне яла касыть

Саранск ошонь общественной транспортонь частной предприятиятне бажить кепедемс ардоманть кис питнетнень декабрянь 25-це чистэ саезь. Теде сынь пачтясть ошонь администрацияв. 2, 5, 10, 15, 16, 18, 19, 21, 22, 24, 25, 28, 32, 35, 36, 37, 38, 40, 41, 44 ды 45№ маршурттнэсэ питнесь карми 25 целковойть (ней – 20). 23, 34 ды 66№ – 23 целковойть. Мэриясо пачтясть: неень шкане Саранскойсэ важодить кавто ООО-т («Сигнал С» ды «ПАТП»), конат усксить ломанть, истя жо индивидуальной кавксо предпринимательть. Частной усксицятнеде 35%.

Подробнее ...
 
Важоди Якшаматянь почта

Мордовиянь Главпочтамтсо декабрянть прядовомс карми важодеме Якшаматянь Почтась. Сёрмадомс ды нолдамс почтань ящикс телень прявт волшебникентень пачтямо мереви эрьвантень, иетнень лангс апак вано.

Подробнее ...
 
Партийцы ждут от Съезда конструктивных дискуссий

  - Именно в первый день  XVIII  Съезда Партии, который пройдет  7-8 декабря в Москве, состоится работа трех дискуссионных площадок «Обновление», «Открытость», «Партия и выборы», на которых мы сможем обсудить свои предложения и принять  решения, действительно позволяющие   наладить более эффективную и открытую работу партийных структур», -  сказал секретарь  Регионального отделения  «Единой России», Председатель Государственного Собрания республики Владимир Чибиркин.

Подробнее ...