Рубрикатор

Чемпионатонть шкасто транспортонть ды общественной таркатнень важодемадо

Ошонь мэрэнтень эрицятнень пельде сеедьстэ максовить кевкстемат, кода Футболонь коряс масторлангонь чемпионатонь шкастонть кармить важодеме общественной транспортось, рынкатне ды микшнемань лия таркатне.

«Ошось Чемпионатонть шкасто а пекстави. Теде а мезть кортамскак. Нама, зыянтомочинть ванстомга совавтовить зярыя полавтомат. Ансяк сынь эрицятнень лезэс. Матчтнень ютавтома читнестэ ошонтень а карми нолдавомо покш транспортось. Фуратненень ды лия покш машинатненень а эрявияк совамс ошонтень – тень туртов улить кить ошонть перька. Болельщиктнень личной автотранспортонть туртов теезь башка парковкат Макаровканть маласо ды Лямбирень трассасонть. Тосо карми машинань путомань ванстовиця тарка, теевить микшнема таркат, буфетт. Тосто ошонть куншкакуров ды стадиононть видьс болельщиктне пачтявить шаттлатнесэ стякодо. Ошонь эрицятнень мелявкстнэ токасызь ансяк матчтнень ютавтома читнестэ – аштемковонь 16-це, 19-це, 25-це ды 28-це читнестэ. Лия читнестэ ошсонть эрямось карми молеме свалшкань лувсо», – толковизе Пётр Тултаев.

Матчтнень ютавтома читнестэ общественной транспортось роботавтови седе эряза режимсэ ды ардомась весень туртов карми ярмактомо.

Матчтнень ушодовоманть 5.00 часто икеле транспортонть туртов пекставить зярыя ульцятне ошонь куншкакуросонть ды 2-це микрорайононь куротнева (стадиононть маласо).

«Эрьванть, кие сы Саранскоев, мартонзо свал улезэ паспортозо. Те эряви сэтьмечинть ванстомга. Магазинтнэнень кемекстамат товаронь ускома шкатнень. Седе паро сынст ускомат икеле чистэнть», – мерсь мэрэсь.

 

Новости

«Маска» АРТ-кафесэнть – кулинаронь-футболонь матчт

 Мейсэ Мордовиясь карми андомо ды дивавтомо 2018 иень Футболонь коряс масторлангонь чемпионатонь инжетнень? Неть салавачитнень панжомга «Маска» АРТ-кафесь ютавты кулинаронь-футболонь матчт. Кафень инжетнень туртов тесэ пидевить-паневить чемпионатонь мастортнэнь-участницатнень раськень ярсамопельть. Сынст варчамодост мейле эряви максомс вайгель вечкевикс ярсамопеленть кисэ ды анокстамс-пурнамс 2018 иень Футболонь коряс масторлангонь чемпионатонь ваныцятнень ды эсенк туртов меню.

Подробнее ...
 
Инжетненень невтема национальной культуранть мазычинзэ

Мордовиянь Прявтось Владимир Волков неть читнестэ вастневсь «Ассоциация финно-угорских народов» общественной вейсэндявксонь председателенть, Саранск ошонь администрациянь прявтонть Пётр Тултаев, ды эрзя-мокшонь раськетнень регионъютконь общественной вейсэндявксонь исполкомонь председателенть Александр Лузгин марто.

Подробнее ...
 
Кулят Ошонь Администрациясто

Пондельникстэ, мартонь 26-це чистэ, ошонь Администрациясо ютась оперативной совещания, конань ветясь ошонь округонь прявтось Петр Тултаев. Промксось ушодовсь Кемерова ошсо чавовозтнень коряс чатьмонемань минутасто. Саранскоень мэрэсь тешкстызе: «Объекттнэнь эксплуатацияс совавтомга вешематнень эрявить полавтомс. Минек ошсояк, койсэнь, микшнемань ламо комплекстнэ кандыть зыян. Саемга, ульнинь «Киномакс-Победа» кинотеатрасо ды сеансто мейле дивазевинь, лисема таркась вейке! Бути мезеяк тееви, арседе тынсь, мезе карми! Икелень шкатнестэ тосо ульнесть совамонь-лисемань кавто таркат. Сестэ строительтне арсесть зыяндо ванстоманть коряс. Паряк эряви анокстамс законодательной инициатива, проектно-сметной документациясь ютаволь экспертиза безопасностень лувтнень коряс».

Подробнее ...
 
Шумбрачинь чи

Эйзюрковонь 3-це чистэ Саранскойсэ ютавтови ошонь Шумбрачинь чи. Ленинской ды Пролетарской райононь парктнесэ, Экопарксонть ды конькасо кирякстнема таркатнесэ (Коваленконь, Гожувской куротнесэ ды «Саранск» стадионсонть) 11.00 чассто ушодовить концерттнэ, 12.00 чассто – спортонь пелькстамотне. Ленинской районсо арсевить «Тетям, авам, мон – спортонь семия» стартось, эрьва кодат пелькстамот ды квестт.

Подробнее ...
 
Чемпионатонть шкасто транспортонть ды общественной таркатнень важодемадо

Ошонь мэрэнтень эрицятнень пельде сеедьстэ максовить кевкстемат, кода Футболонь коряс масторлангонь чемпионатонь шкастонть кармить важодеме общественной транспортось, рынкатне ды микшнемань лия таркатне.

Подробнее ...