Рубрикатор

Ветеранонь промкс

Августонь 15-це чистэ Саранскойсэ ютась Мордовиянь ветеранонь организациятнень активень промкс. Пурнавкшность малав 400 ломанть. Промксонь участникекс ульнесь Мордовиянь Прявтонь тевтнень нурька шкас топавтыцясь В.Д.Волков.

Кортамонь темакс ульнесь ветерантнэнь общественно-политической активностест.

Владимир Волков ёвтась покш сюкпря ветерантнэнень, конат ламо иень перть оймамо а содыть. Ютавтовиця общественно-политической роботанть кисэ зярыя ломанть казезь казнесэ. Республикань Прявтонть пельде шнамонь валт ёвтазь Ицялонь райононь ветеранонь вейсэндявксонь прявтонтень Валерий Павлович Балахоновнень, Саранскоень правоохранительной органонь ветеранонь вейсэндявксонь ответственной секретарентень Нина Фёдоровна Белочкинанень, Рузаевкань райононь войнань ды трудонь ветеранонь вейсэндявксонь прявтонтень Николай Павлович Мальченковнень.

Эсь кортамосонзо В.Д.Волков тешкстызе, ветеранонь организациятне республикасонок ветить патриотической воспитаниянь покш робота. Сынст лезксэст вельде виевгадсь кадетэнь ды поисковикень отрядтнэнь роботаст. Мордовиянь Прявтонь тевтнень нурька шкас топавтыцясь  истямо роботанть кис ёвтась покш сюкпря.

В.Д.Волков кортась социально-экономической республикань тевтнедеяк. Тешкстазель, сехте покш мелесь, конань коряс ламо топавтови, теемс ломантненень паро эрямо. Ветерантнэнь ульнесть ламо талновтыця кевкстемаст. В.Д.Волков весенень явсь шка. Меельцекс ветеранонь активень промксось сермадсь пшкадема республикань эрицятненень.

Н.Евдокимов

 

Новости

Инжетне содавтовить эрзятнень эрямо коест марто

Мордовия Республикасо Эрзянь культурань ды ремеслань куншкакуронь теемань коряс дизайнерэнь арсемань объектэкс кармась Отяжелесэ пичень чочксто чапозь сокицянь-видицянь семиянь кудось. Сонзэ вакссо анок уш баняськак, кона уштови «раужосто», тунда путневить эмеж марто пандяткак.

Подробнее ...
 
Саранскойсэ панжови приют

Саранскойсэ панжови приют азортомо ракшатнень туртов. Кода пачтясть ошонь администрациясто, ней уш ули тень туртов таркаяк. Панжома шкась – те иень июнь ковс.  Приютонтень кармить кельгеме 100 каткат ды 300 кискат.

Подробнее ...
 
Удостовереният – судьятненень

Ютазь пецясто Мордовиясо Прявт федеральной инспекторось Михаил Сезганов МР-нь судьянь сообществань представительтненень явшесь удостовереният, конатнень лангс кедьчелькензэ путызе сонсь РФ-нь Президентэсь Владимир Путин. Мероприятиянтень сакшнось МР-нь Верховной судонь прявтось Сергей Штановгак.

Подробнее ...
 
Московсо гайгить эрзянь морот!

Москов ошсо поладовить концерттнэ, конатнень анокстыть МР-нь заслуженной артисткась, «Садко» рузонь музыкань ды киштемань государственной ансамблянь морыцясь Вера Прохорова ды «Эрзянь вайгель» культурно-просветительской вейсэндявксось. Эряви меремс, васенце истямо концертэсь ютась декабрянь 17-це чистэ Московонь Раськетнень кудосо. Сон алтавсь велень моротненень.

Подробнее ...
 
Мордовиянь сехте вадря сувенирт

Декабрянь 22-це чистэ яволявтозельть «Мордовия Республикань туристической сувенир» конкурсонь изницятнень лемест. Истямо пелькстамонть ютавтсть МР-нь Культурань, национальной политикань, туризмань ды архивень тевень министерствась, Туристэнь-информациянь куншкакурось. Конкурсонть вельде эрявсть муемс сувенирэнь сехте вадря продукциянть, тешкстамс производительтнень, кочкамс лия ёнов а молиця сувениртнэнь ды невтемс сынст FIFA-нь болельщикень фестивальсэ.

Подробнее ...