Рубрикатор

Правительство РМ Волков ёвтынзе кочкамонь итогтнень
Волков ёвтынзе кочкамонь итогтнень

Сентябрянь 11-це чистэ Мордовиянь Прявтонь тевтнень нурька шкас топавтыцясь В.Д.Волков ютавтсь пресс-конференция, косо ёвтынзе кочкамонь икелепелень итогтнень. Владимир Дмитриевич тешкстызе, республикасонть кочкамотне ютасть парсте, сэтьместэ. Кочкамонь участкатнес сакшность республикань 82% эрицятне. В.Д.Волковонь кисэ максозь 89,19% вайгельть, П.Ф.Вельмакинэнь – 0,71%, Т.В.Гераськинэнь – 1,46%, Д.В.Кузякинэнь – 4,18%, Е.П.Тюринэнь – 3,88%.

 

– Васняяк ёвтан покш сюкпря Россиянь Президентэнтень Владимир Владимирович Путиннэнь монень кемеманть кисэ, те иень тунда сон аравтымим Мордовиянь Прявтонь тевтнень нурька шкас топавтыцякс. Масторонь Президентэнть кемеманзо ломантне вадрясто редить, – мерсь В.Д. Волков. – Сюкпря сеть ломантненень, конат примасть участия кочкамотнень анокстамосо ды ютавтомасо, важодсть кочкамонь комиссиятнесэ. Башка сюкпря ёвтан региононь эрицятненень. Ломантне паро ёжосо ютасть кочкамонь участкатнес, топавтызь эсест гражданской долгост, ёвтызь эсест мелест-вановтост. Сюкпря республикань журналисттнэнень кочкамонь кампаниянть весемеёндо невтеманзо кисэ.

Масторсонть целанек кочкамотнень ютамодост кортамсто, В.Д.Волков тешкстызе, сеть кандидаттнэ, конатнень ёвтынзе РФ-нь Президентэсь, пурнасть ламо вайгельть.

Мордовиянь руководителенть валонзо коряс, эряви топавтомс покш важодема Прявтонь Аппаратонть, республикань Правительстванть пурнамга, истя жо поладомс республикань касоманть-кепетеманть, ломантнень эрямост вадрялгавтоманть, кода оштнесэ, истя жо велетнесэ.

– Ней эряви путомс весе вийтнень неень шкань тевтнень топавтомга, прявтось – вадрясто прядомс те иенть. Неень шкантень промышленной производствасо касомась кармась 13%, велень хозяйствасо – 4% ламо. Прявт капиталс инвестициятне кармасть малав 20%. Минь поладсынек эрямо таркань строямонь покшолматнень кастоманть, – тешкстызе Владимир Дмитриевич.

Паксясо важодицятненень эряви пурнамс эштё малав 20% сюронть.

– Течинь чинтень пурназь    1 млн. 100 тоннат сюро. Кукурузанть арсетяно пурнамс 1 млн. 500 тёжат тоннат, – толковизе В.Д.Волков.

Республикань руководстванть важодемасо покш мель явови кочкицятнень кармавтомаст топавтомантень. В.Д.Волков тешкстызе, кочкамотнеде икеле республикань эрицятнень марто ютавтозельть 88 вастовомат, косо ёвтазельть ламо пшкадемат. Ломантнень талновтыть ЖКХ-сь, кинь строямось ды витнемась (тедеде финансированиясь покшолгавтозь кавксть), седе пек те кевкстемась талновты велень эрицятнень, кудотнень маласо таркатнень вадрялгавтомась.

– Тешкстаса, ульнесть седе аламо кевкстемат медицинанть коряс, эдь те ёнксонть коряс ламо мезе теезь. Здравоохранениянь виевгавтомась свал ульнесь прявт тевекс. Теезь медицинань лезксэнь явомань колмо уровенень система. Эрицятнень энялдомаст коряс райононь зярыя больницятнесэ ванстозь чинь-вень перть улемань стационартнэ. Тешкстазь аравтлувонь топавтомась поладови, – мерсь МР-нь Прявтонь тевтнень нурька шкас топавтыцясь.

В.Д.Волков ёвтызе, эрицятнень марто истямо вастовоматне кармить свалшкань.

Ней республикась эрязасто аноксты 2018 иень Футболонь коряс масторлангонь чемпионатонтень. Од микрорайонтнэсэ, конат стявтовить мундиалентень, уш строязь школат, эйдень кужот. Эрямонь комплекстнэсэ уш эрить, седе ламо – од ломанть, секскак кемекстазь решения ушодомс эштё вейке эйдень кужонь ды Севастопольской ульцясонть од школань строямонть. Владимир Дмитриевич тешкстызе, поладови инновациянь экономикань виевгавтомась, неень шкань заводтнэнь, агропромышленной од комплекстнэнь строямось.

Вастовоманть прядовомга, В.Д.Волков тешкстызе, эрицятнень кемемаст максы сонензэ важодемасо покш вийть. 

 

Т.Аксенова

 

Новости

Турчак заявил о запуске конкурса социальных проектов первичных отделений «Единой России»
В ближайшее время стартует конкурс социальных проектов первичных
отделений «Единой России», лучшие проекты смогут претендовать на
грантовую поддержку Партии. Об этом сообщил секретарь Генсовета Партии
Андрей Турчак, выступая на пленарном заседании форума первичных
отделений «Единой России» в Северо-Кавказском федеральном округе.
Подробнее ...
 
20 лучших водных ревизоров Мордовии продолжат свою работу в Артеке
Сегодня в Саранске прошло заседание регионального штаба Всероссийской
экологической акции «Вода и здоровье». Там были названы имена 20 лучших
водных ревизоров республики, которые станут участниками федерального этапа
акции «Вода и здоровье»
Подробнее ...
 
Директор спортивной школы попросил депутата ГД Александра Воробьева помочь мордовской биатлонистке
 9 июня депутат Госдумы РФ, член Комитета Госдумы по
аграрным вопросам Александр Воробьев встретился с жителями
Мордовии на личном приеме. Люди обращались по разным вопросам
– в сфере ЖКХ, обеспечения лекарствами, помощи в получении жилья
и другим.
Подробнее ...
 
Молодогвардейцы - победители «Школы парламентаризма«посетили высшие законодательные органы страны
Первым пунктом экскурсии для ребят из Мордовии стал Совет Федерации Федерального
Собрания Российской Федерации, внутренний интерьер и дизайн которого поразил их своей
красотой и величием. Экскурсовод познакомила ребят с особенностями здания, провела по
главным местам Совета Федерации. Ребятам также удалось побывать в большом зале
заседаний, увидеть своими глазами рабочие места сенаторов и кресло председателя
Валентины Матвиенко. Также молодогвардейцы узнали, как проходит подготовка к
заседанию и собственно
сама
работа
заседаний.
Подробнее ...
 
Путин казизе Мордовиясто семиянть «Родительская слава» орденсэ

Июнень 1-це чистэ, Эйкакшонь ванстомань раськеютконь чистэ, РФ-нь Президентэсь Владимир Путин казинзе ламо эйкакшонь триця семиятнень «Родительская слава» орденсэ. Покш казнесэ тешкстазель Мордовиянь Зубова-Полянань райононь Ширингуши велень Урсовтнень кудораськесь. Покш промксонтень истя жо тердевсть РФ-нь ёнкстнэнь прявттнэ, косто састь семиятне, сынст ютксоль МР-нь Прявтось Владимир Волковгак.

Подробнее ...