Рубрикатор

Государственное Собрание РМ Ташто Шайгова ёнксонтень – 90 иеть!
Ташто Шайгова ёнксонтень – 90 иеть!

Июлень 7-це чистэ Ташто Шайговасо тешкставсь покш кенярксчи –муниципальной те ёнксонтень топодсть 90 иеть!
Валске марто райцентрань куншкакуросонть гайгсь мазый музыка. Парксонть важодсь «Ярхцама васта» республикань гастрономиянь колмоце фестивалесь. Тесэ раськень ярсамопельтнень невтизь Ташто Шайгова ёнксонь весе велетне, каванямот усксть шабра ёнкстнэстэяк. Кенярксчинь инжетнень каванясть мокшонь пачадо, прякадо, кудосо пидезь сырадо, сывельде, штюрьбадо, кстыйде, инзейде, салтозь куярдо, симдизь ламбамо позадо ды тикшень чайде. Ярсамопельтне истят тантейть, мик келетькак нильсак!

 

Вишкинетнень туртовгак ульнесь косо оймсемс, парксонть путозельть пек ламо батутт, аттракционт, ютавтовсть пелькстамот, микшневсь ламбамо вата ды ламо мезе лия. Весеме ёндо гайгсть мазый морот, пейдевтиця частушкат. Велень куншкакуросонть эсь маштомачист невтизь кедьчелькев ломантне, ютавтовсть мастер-класст, выставкат, спортонь пелькстамот...
Рана валске Ташто Шайгова велень храмсонть ютавтовсь кенярксчинь молебен. Теде мейле велень прявт куротнева ютасть республикань фольклоронь коллективтне.
Ташто Шайговань райононь эрицятненень поздоровонь ёвтамо сакшность ламо покш инжеть. Ютксост – МР-нь Госсобраниянь Председателесь В.В.Чибиркин, МР-нь Госсобраниянь Социальной политикань коряс комитетэнь прявтось Р.З.Аширов, Мордовиянь Прявтонь советникесь М.Г.Лушенкова, МР-со Россиянь УФНС-нь прявтось С.Н.Вишнякова ды ламот лият.
Официальной пельксэнть ушодовомадонзо икеле В.В.Чибиркин покш мельсэ ваннынзе шкинемань выставкатнень, варчинзе раськень ярсамопельтнень. Сон тешкстынзе раськень койтнень-кирдатнень башка ёнксост, кедьчелькев ломантнень теевксэст мазычист, фольклоронь сюпавчист.
– Шумбратадо! – пшкадсь велень эрицятненень МР-нь Госсобраниянь Председателесь В.В.Чибиркин. – Течи Ташто Шайгова ёнксось – эрязасто виевгадыця неень шкань район. Те ёнксонть прявт сюпавчизэ – сонзэ эрицятне, конат максыть эсест виест, ёрокчист тиринь ёнксонть лезэс, алкуксокс вечкить чачома таркаст. Ташто Шайговань эрицятне ламо теить республиканть виевгавтомга.
Ёвтан тенк поздоровт течинь покш чинть кувалма. Меельце иетнестэ тынк ёнкссо строязь од кить, жилищно-коммунальной хозяйствань, образованиянь ды здравоохранениянь ламо объектт. Одкстомтовить культурань ды спортонь куншкакуротне. Тынь тейтядо пек ламо тиринь ёнкссонть эрямонь вадря условиятнень теемга, шкинемань маштомачитнень топавтомга.
Владимир Васильевич тешкстызе, Ташто Шайговав покш мельсэ ардыть тонавтнеме, кода видестэ ветямс велень хозяйстванть, топавтомс местной самоуправлениянь тевтнень. Ледстизе, те иень майстэ Тюрингиянь делегациясь макссь покш питне Ташто Шайговань велетнень благоустройствантень, производствасо изнявкстнэнень.
– Ташто Шайгова ёнксонь Теризморга велесэ ульнесь Россиянь Президентэсь Владимир Владимирович Путин. Минек государствань Прявтонть кадовсть пек лембе ледстнеманзо тынк ёнксонть коряс, – тешкстызе В.В.Чибиркин.
Сюкпрянь валт те чистэнть ёвтазь ветерантнэнь лемс, кить Ине Отечественной войнань иетнестэ тюрсть ятонть каршо, сэтьме шкастонть кепедсть масторонть, кармасть невтемакс од ломантнень туртов.
Те покш чистэнть В.В.Чибиркин явшесь казнеть Ташто Шайговань райононь эрицятненень Мордовиянь Прявтонть ды МР-нь Госсобраниянть пельде.
Ташто Шайгова ёнксонть изнявкстнэде пурнавозтненень пачтясь райононь прявтось Г.А.Мухин. Течинь чинтень тесэ велень хозяйствань продукция нолдыть 11 велень хозяйствань предприятия ды 27 фермерэнь хозяйстват. Эрьва иестэ пурнави ламо сюро, касыть сывелень, ловсонь невтевкстнэ.
Геннадий Александрович тешкстызе, те ёнксонь эрицятне а лоткить неть изнявкстнэнь лангс, весе виест путсызь невтевкстнэнь ламолгавтомга. Бажить виевстэ важодемс велень хозяйствань продукциянь переработканть коряс. Уш течи тесэ важодить колбасань кавто цехть ды колмо пекарнят. Ёвтызе, те ёнкссонть важодемась поладови.
Кенярксчисэнть ледстязельть те ёнксонь содавикс ломантне, конат тейсть редявикс путовкс республиканть ды райононть виевгавтомантень, культуранть сюпалгавтомантень.
Г.А.Мухин тешкстызе, Ташто Шайговань районось иестэ иес яла виевгады, ды теньсэ покш путовксозо те ёнксонь эрьва эрицянть, кить покш мель явить тиринь модантень.
Семиянь, вечкемань ды кемемань чинть каршо казевсть мирдть-нить, конат вейсэ эрить 50 иеде ламо! Казнеть явшевсть сеть семиятненень, косо трявить-кастовить уроз эйдеть. Тешкстазельть семиянь династиятнеяк.
Лембе валт тиринь ёнксонь эрицятненень ёвтась «Агрохолдинг «Новотроицкий» ООО-нь прявтось В.В.Руженков.
Поздоровтнень ёвтамодост мейле ушодовсь концертэнь программась. Ваныцятне покш мельсэ вастызь од артистканть, ламо пелькстамотнесэ изницянть Лилия Ямбушевань моронзо. Ташто Шайговасо те тейтерьканть пек вечксызь, эдь сонзэ покштязо-бабазо те ёнксонь Сарга велестэ. Райононь эрицятнень туртов морасть Ташто Шайговань ды шабра райононь шкинемань лия коллективтне.

Т.Аксенова

 

Новости

«Единая Россия» запускает всероссийский контроль за реализацией нацпроектов

«Единая Россия» запускает всероссийский партийный контроль за реализацией национальных проектов. К нему будет подключен депутатский корпус Партии в регионах и муниципалитетах. Об этом в рамках заседания Президиума Генерального совета «Единой России» заявил секретарь Генсовета Андрей Турчак.

«Это позволит отслеживать, как на местах выполняются национальные проекты – строятся, реконструируются объекты, проводятся запланированные мероприятия», - сказал Турчак.

Подробнее ...
 
Комиссия «Единой России» по этике провела первое заседание
 Первое заседание утвержденной XVIII Съездом «Единой России» Комиссии
по   этике   прошло   16   января.   В   его   рамках   были   избраны   председатель
Комиссии, его заместитель и ответственный секретарь.
Подробнее ...
 
Россиянь Почтань 200 клиентт теевсть миллионерэкс

Государственной лотереянь статистиканть коряс, 2018 иестэ Россиянь Почтань отделенияс якицятне рамасть 68 миллиондо ламо лотерейной билетт. Вейке миллиондо ламо целковойть налксесть 206 ломанть. Те 2,4-ксть седе ламо икельце иенть коряс, сестэ миллионертнэде ульнесть 88 ломанть.

Подробнее ...
 
Управление Министерства юстиции Российской Федерации по Республике Мордовия напоминает порядок и сроки предоставления ежегодной отчетности некоммерческими организациями.

Законодательством Российской Федерации определена обязанность некоммерческих организаций ежегодно отчитываться перед уполномоченным органом. В частности, статьей 32 Федерального закона «О некоммерческих организациях», статьей 29 Федерального закона «Об общественных объединениях», статьей 25.1 Федерального закона «О свободе совести и о религиозных объединениях».

Подробнее ...
 
Крештениянтень анокстамот

Крештениянтень Саранскойсэ арсеви теемс экшелямонь туртов 11 тарка: «Старт» стадиононь эрькесэнть (2 таркат), Гончаровонь куросо, «Вирень эрьке», «Зелёная роща» эрькетнесэ, «Огни Саранска» кафенть маласо, Макаровкасо (Иоанн Богословской цёрань монастыренть вакссо), Куликовкасо Чапаевень куросо лисьмапрясонть, Полянки велень Юбилейной куросо аштиця лисьмапрясонть, Добровольной посёлкань Дачная куросонть, Иоанн Кронштадтскоень храмонь лисьмапрясонть ды Грузинской куросо аштиця эйкакшонь парконь эрькесэнть.

Подробнее ...