Рубрикатор

Молодежная политика
Молодежный клуб
Од ломантне ёвтнесть «Рубеж-2019» форумсонть улемадост

Неть читнестэ Печатень кудонь Пресс-центрантень сакшность «Рубеж-2019» од ломанень омбоце лагерень участниктне. Те форумось ютавтовсь медьковонь 27-це чистэ саезь умарьковонь 3-це чис Калужской областьсэ.

Кода тешкстызе МР-со ОНФ-нь региононь исполкомонь прявтось Наталья Сайгачева, форумонть прявт смустезэ – од ломанень вейкине командань пурнамось, конатнень улить сатышка содамочист ды ёрокчист эсест регионтнэсэ улиця стакачитнень витемс.

Весемезэ форумонтень пурнавкшность «Молодёжка ОНФ» региононь командатнес совиця 212 ёроков од ломанть. Сынст ютксо ульнесть врачт, юристт, предпринимательть, тонавтыцят, истя жо лия профессиясо важодицят. Мордовиянть пельде од ломанень лагерентень якасть Анна Долголюк, Екатерина Аверьянова ды Алексей Савватеев. Кода тешкстызь, сынь ютасть виев кочкамо, весемезэ максозельть 500 ламо яволявтомат.

Форумонь инжекс ульнесть содавикс телеведущейть, актёрт, политикть, конат макссть од ломантненень превспутомат. «Спикертнэнь ютксо ульнесть Россиянь Героесь Алексей Романов, журналистэсь Андрей Медведев, РФ-нь Президентэнть юрсо эйкакштнень праваст коряс уполномоченноесь Анна Кузнецова ды ламот лият», – ёвтнесь Алексей Савватеев.

Форумсонть од ломантне варчнесть эсь пряст командасо важодемасонть, тонавтнесть максомо медицинань васенце лезкс, меельце варчамось – пирявксонь киксэнть ютамось, тесэ сыненст савсь теемс сэдь леенть трокс, печтямс чеядавксонть (болотанть).

Од ломантнень туртов истя жо анокстазель тонавтомань программа эсь мельсэст важодиця толонь мадстицятнень отрядтнэнь анокстамга. Курсатнень прядомадост мейле сыненст максозельть удостовереният. Эйкакштне истя жо тонавтнесть чувтосто керсицянь-теицянь тевентень. Тень вельде сынь кармить явомо алкуксонь лезкс зыянс понгозь ломантненень.

«Форумось прядовсь, ансяк сеть содамочитнень ды ёрокчитнень, конатнень минь пурнынек, карматано нолдамо тевс эсенек регионтнэсэ, – тешкстызе Анна Долголюк. – Весе вейсэ, вейкине командасо, минь карматано топавтомо эрьва кодат проектт. Истят форумтне пек эрявить кода минек республиканть, истя жо весе масторонть туртов».

Татьяна Аксенова

 
Китаень эрицятненень пек вечкевсть эрзянь киштематне

Мордовиянь од ломантне яволявтыть кизэнь форумонь кампаниянь васенце цётавкстнэнь. «Минек республикань од цёратне ды тейтертне якасть эрьва кодамо форумс, фестивальс ды пелькстамос. Сехте редявикстнэ ютксост – «iВолга 2.0» Равчирень округонь форумось ды «Волга-Янцзы» Россиянь-Китаень од ломанень форумось», – тешкстызе МР-нь Спортонь, од ломанень политикань ды туризмань министрань васенце полавтыцясь Наталья Помелова.



Медьковонь 16-26-це читнестэ Мордовиянь делегациясь ульнесь Китаень Хунань провинциянь Чанша ошсо, самай тосо ютавтовсь «Волга-Янцзы» котоце форумось.

«Минек делегациянтень совасть кемень ломанть. Те сехте парсте тонавтниця студенткак, конат истя жо содасызь китаень келенть, – мерсь «Волга-Янцзы» форумсонть Мордовиянь делегациянь прявтось Юлия Касьян. – Омбо масторсонть минек вастымизь пек лембестэ, анокстазель мельстуиця программа. Форумонтень истя жо сакшность од ломанть Китаень кемень провинциятнестэ. Сы иестэ сынь бажить понгомс «iВолгав». Ламот эйстэст уш ушодсть рузонь келень тонавтнеме. Миненек весемесь пек тусь мельс. Арсетяно, истят раськеютконь вастовоматнеде кармить седеяк ламо».

Кемень читнень перть од ломантне теевсть содавиксэкс Китаень университеттнэнь, покш технологиянь предприятиятнень марто. Китаень учёнойтне ловность тенст лекцият, сынь истя жо тонавтнесть Хунань провинциянь раськень культуранть ды историянть. Форумонть пекстамсто Мордовиянь тейтертне кенярдовтызь Китаень од ломантнень эрзянь раськень киштемасо ды моросо. Ваныцятненень истя пек вечкевсь минек раськень культурась, сынь натой энялдсть ютавтомс киштемань коряс мастер-класст.

Од ломантне истя жо ёвтнесть «iВолга 2.0» форумсонть улемадост. Ламот эйстэст изнясть грантт эсь проектэст топавтомс.

 

Татьяна Аксенова


14.08.2019

 

 
Андрей Соломкин: «Кинть изнясы ютыцясь»

 Уледе содавиксэкс: те эрзянь цёрась Андрей Викторович Соломкин. Чачсь 1982 иестэ Дубенкань райононь Дубенка велесэ. 2005 иестэ прядызе М.Е.Евсевьев лемсэ Мордовской госпединститутонь филологиянь факультетэнть. Тонавтнемань шкасто, 2001 иестэ саезь, ульнесь студентэнь строительной отрядонь прявтокс, конась строясь  ошонь 12 № гимназиянть, Саранскойсэ эрямонь комплексэнть ды ламо лия объекттнэнь. 2003 иестэ роботась педагогокс-организаторокс «Артек» эйкакшонь лагерьсэ. 2005 иестэ саезь 2010 иес – Мордовской молодёжной центрань методист, мейле – отделэнь прявт. 2009 иестэ кармась «Мордовской республиканской молодёжной центра» ГУ-нь директоронь полавтыцякс. 2014 иестэ аравтозь Мордовия Республикань Од ломанень тевтнень коряс государственной комитетэнь председателень васенце полавтыцякс. Те иень февральстэ Мордовиянь Прявтонть Указонзо коряс аравтозь Спортонь, од ломанень политикань ды туризмань министрань полавтыцякс.



Тешкстасынек, седе икеле Спортонь министерствась ды од ломанень коряс организациятне куш роботастькак велувсо, ульнесть башка-башка. Од иестэ саезь сынь вейсэндязь ве министерствас. Минек корреспондентэсь вастовкшнось Андрей Викторовичень марто ды кевкстнесь, кода ютавтови од ломантнень коряс роботась од лувсо.

 

– Андрей Викторович, мезе лангс васняяк нежедтядо од ломанень коряс политиканть ютавтомань роботасонк?

 

– Кода икелеяк, эсь роботасонок нежедтяно Россиянь Президентэнть ды Мордовиянь Прявтонть Госсобраниянтень Кучоматнесэ мероприятиятнень топавтомань программатнень лангс, Российской Федерациянь Правительстванть Кармавтоманзо лангс, косо кортави 2025 иес од ломантнень коряс политикадонть, истя жо «Од ломанень коряс политикадо» Мордовия Республикань Закононть ды лия нормативно-правовой акттнэнь лангс. Роботамонь ёнксонок ламо: од семиятненень эрямо таркань рамамс сертификатонь максомась, сынст туртов клубтне, эрямонь шумбра лувонь ветямось, студенттнэнь ды школасо тонавтницятнень ютксо самоуправлениясь, регионъютконь сюлмотне, «Образование» нацпроектэнь топавтомась, од ломантнень эрьва кодамо форумтнесэ ды мероприятиятнесэ ёрокчист невтемась.

 

– Инескеть, ёвтадо, кода республикасонок топавтови од семиятнень туртов «Жильё» программась?

 

– Ёвтазь проектэсь, эли программась, республикасонок топавтови 2003 иестэ саезь. Российской Федерациянь регионтнэнь ютксо те программанть топавтомга ярмаконь явомань коряс ютазь иетнестэ республиканок ашти ветеце таркасо ды омбоцекс – Равчирень федеральной округонь регионтнэнь ютксо. Ютазь шканть перть республикасонок те программанть вельде ламо од семият паролгавтызь эрямо таркаст.

 

– Кодамо мель эсь роботасонк явтадо патриотической воспитаниянтень?

 

 – Мерян сеске, те темась роботасонок сехте покштнестэ вейкесь. Мордовиясо од ломантнень патриотической воспитаниясь ловови республикань государственной властенть сехте покш тешксэкс. Весе роботась топавтови «Патриотическое воспитание граждан, проживающих на территории Республики Мордовия» подпрограмманть ды «Развитие культуры и туризма» Мордовиянь государственной программанть коряс. Патриотической воспитаниясонть покш мель явови важодемантень, конань свал топавтыть государственной органтнэ массовой информациянь средстватнень, од ломанень ды лия общественной вейсэндявкстнэнь вельде.

Республикань од ломантне покш мель явить весе ютавтовиця акциятненень, конатне алтавить Ине Изнямонь чинтень: «Георгиевская ленточка», «Письмо Победы», «Свеча памяти» ды лият. Ней коекс теевсь «Бессмертный полк» акциясь. Покш тарка патриотической воспитаниясонть саить общественной патриотической вейсэндявкстнэ. Вейкесь истятнэстэ – «Поиск» республиканской вейсэндявксось, конасонть лововить 1300 од ломанть. Сынь а весть ютавтнесть экспедицияст Новгородонь, Ростовонь, Тверень, Калугань областтнесэ ды Крым Республикасо. Неть экспедициятнень итогтнень коряс муезь ды одс калмазь 120 маштовозь солдатт, муезь кемень медальонт.

Тиринь масторонь историядонть ёвтнемга, ютавтозь «Партизанская слава» военно-исторической реконструкция, косо ёвтневсь партизантнэде, Мордовиянь эрицятнеде. Акциясонть примасть участия малав 300 од ломанть. Мордовиянь поисковой движениянь зярыя участникть паро роботань кис тешкстазь Мордовия Республикань Прявтонь Шнамонь конёвсо.

Мордовиясо уш аволь вейке ие важоди «Юнармия» весероссиянь патриотической движениянь региональной отделениясь, конась од ломантнень ютксо свал ютавтни патриотизмань мероприятият.

 

– Андрей Викторович, Мордовиясь – истямо регион, косо иеде икеле ютасть 2018 иень Футболонь коряс масторлангонь чемпионатонь налксемат. Республикань эрицятне неизь, кодамо покш робота ветясть те шкастонть од ломантне-волонтёртнэ. Сынст анокстамосо ды роботаст ладямосо ули тынк министерстванть таликазо?

 

– Уш зярыя иень перть ветятано покш робота волонтёртнэнь анокстамга. Тевесь ушодовкшнось республиканской Од ломанень центрасо. «Волонтёры Мордовии» ды «Союз добровольцев России» организациятнень марто вейсэ ушодокшнынек анокстамо волонтёртнэнь. Ней эрьва ие сынст анокстамосо панжовить од ёнкст: «Волонтёры победы», «Серебряные волонтёры», «Юные добровольцы», «Волонтёры-медики». Меельцетнеде ули мелем ёвтамс зярыя паро валт. Волонтёртнэ-медиктне ушодокшнызь эсь роботаст ниле иеде икеле. Вейсэндявксонь участниктне максыть лезкс лецямонь учреждениятнень сотрудниктненень, ёвтнить эрямонь шумбра лувонь ветямодонть, участвовить эрьва кодат семинартнэсэ ды тренингтнесэ.

Мордовиясо, медиктнеде башка, ули волонтёронь движения, кона вешни ёмазь ломантнень. Лемезэ: «Поиск 13 регион». Сынь ламо шка ютавтыть республикань школатнесэ: тонавтницятнень ютксо ветить профилактической роботат, участвовить ёмазь ломантнень вешнемасо республикань келес.

Зярыя иеде икеле Московсо ютась волонтёронь весероссиянь покш форум. Мордовиясто тов якасть малав 200 ломанть. Республикань волонтёртнэ паро тевест кис совасть вете регионтнэнь юткс, конатне ловозь изницякс волонтёронь движениясонть.

Мордовиянь волонтёртнэнь туртов пек паро экзаменэкс ульнесь 2018 иень Футболонь коряс масторлангонь чемпионатось. Сонзэ анокстамга Н.П.Огарёв лемсэ Мордовской госуниверситетсэ теезель «Волонтёронь центра». Энялдомат сёрмадокшность малав 10 тёжат од ломанть. Эйстэст кочказельть сехте вадрятне – 2318. Саранскоень ошонь-организаторонь АНО-нь базасо теезель чемпионатонтень волонтёронь анокстамонь центра. Кодамо лезкс сынь кандсть чемпионатонь шкасто, весе неизь.

 

– Инескеть, ёвтадо зярыя валт школасо тонавтницятнень движениятнеде?

 

– Мордовиясо «Российское движение школьников» вейсэндявксось теезель колмо иеде икеле. Истямо вейсэндявксонтень совасть Мордовиянь весе школатне. Вейсэндявксонть пек парт сюлмонзо республикань Образованиянь министерстванть, Саранск ошонь Администрациянь Социальной политикань коряс департаментэнть ды ней минек од министерстванть марто. Мезе те максы школасо тонавтницятненень, койсэнь, ламо. Вейсэндявксонть вельде од ломантне участвовить весероссиянь проекттнэсэ, конкурстнэсэ ды лия покш мероприятиятнесэ. Невтемакс, Мордовиянь школасо тонавтниця активисттнэ участвовасть «Россия – страна возможностей» форумсо, конась ютакшнось Московсо, ды «Территория самоуправления» пелькстамосонть лиснесть изницякс.

 

– Андрей Викторович, кодамо робота ветятадо неень шкань кажотнень (наркоманиянть ды алкоголизманть) каршо бороцямга?

 

– Наркотиктнень каршо бороцямсто нежедтяно Волонтёронь движениянть лангс. Тень коряс сынь а лоткавтнить роботаст. Ютавтневить профилактической мероприятият од ломантнень ютксо. Тевс нолдазь специализированной проектэсь. Лемезэ: «Химия жизни». Ютавтневить «кругловой стольть», косо кортави алкоголизманть ды наркоманиянть зыяновчидест. Тематне эрьва кодат: «Танец против наркотиков», «Спорт – альтернатива наркотикам» ды ламо лият. Истят «кругловой стольтнесэ» участвовасть ламо од ломанть. Арсетяно, те канды лезэ. Эдь бути мезеяк а карматано тееме, мезеськак а полавтови. Кинть свал изнясы ютыцясь!

 

– Сюкпря тенк!

 

Кортамонть сёрмадызе

Николай Евдокимов

 
Сынст вейсэндинзе «Инеркась»

«Инерка» эрькенть парсте содасызь аволь ансяк минек республикань, сонзэ томбале эрицятнеяк. Сон ашти мазыйдеяк мазый таркасо, вирь потсо. Тесэ юткошкаст лезэвстэ ютавтнить, шумбрачист вадрялгавтыть республикань эрицятне ды сонзэ инжетне.

Истямо лем ало ютавтневи Регионъютконь од ломанень образовательной форум. Сон панжтневи Мордовиянь МЧС-нь лагерьсэнть, кона ашти Сура леенть эйстэ аволь васоло. Эйзэнзэ сакшныть од ломанень движениянь, общественной организациянь ды объединениянь, тонавтницянь ды студентэнь самоуправлениянь органонь, аволь формальной од ломанень сообществань, од ломанень парламентэнь ды правительствань, волонтёронь организациянь... представительтне. Нурькинестэ, минек республикань ёроков, превей од ломантне, паро тевень ушодыцятне. Тедеде те форумось ютавтозель вейксэцеде ды эйзэнзэ сакшность сисемзядто ламо од ломанть. Ниле чить республикань вандынь кирдийтне ютавтнесть спортивной пелькстамот, кунсолость лекцият, невтсть эсь ёрокчист нацпроектэнь анокстамосо. Од ломантненень пек вечкевсь ВЦИОМ-нь директоронть Валерий Федоровонь ёвтнемазо.



Регионъютконь од ломанень IX образовательной форумонть пекстамо сакшнось МР-нь Госсобраниянь Председателесь В.В.Чибиркин

Владимир Васильевич ванкшноманть ушодызе «Патриоты России» площадкастонть. Мартонзо ульнесть РФ-нь Федерациянь Советэнь членэсь Владимир Литюшкин, Саранскоень 1941-1945 иетнень войнань ды трудонь подвигень мемориальной музеень директорось Николай Кручинкин. Тесэ теезель Советской ды Россиянь армиянь вооружениянь ды оршамопелень выставка, тесэ жо военно-исторической реконструкциянь фотографиятне. Реконструкциясь алтазель героентень-комсомолецэнтень Игорь Косаревнень.

– Игорь Косаревень чачома ёнксозо – Зубова-Полянань районось, – ёвтни Николай Кручинкин. – Выставкась ламонень вечкевсь. Од ломантне ды инжетне кармасть содамо седе, кода тюрсть минек ёнксонь солдаттнэ немецко-фашистской захватчиктнень каршо.

В.В.Чибиркин покш мель явсь «Бессмертный полконь» фотографиятненень.  Сон лездась понгавтомс карандашсо рисовазь Сергей Терешкинэнь портретэнть, кона Краснослободскоень районсто. Сергей Терешкин Ине Отечественной войнасо рисовась Якстере армиянь солдаттнэнь чачост ды маштсь 80 ятт.

– Од ломантненень, вешницятненень пек лездыть тонавтыцятне Виктор Ермушев, Иван Селеверстов, Сергей Косынкин, Лидия Силиванова, – полады Николай Андреевич Кручинкин. – Минек площадкасонть весемезэ 135 ломанть.

Седе тов МР-нь Госсобраниянь Председателесь В.В.Чибиркин теевсь содавиксэкс тонавтницянь Россиянь движениянь (РДШ) лидертнэнь тевест марто. Сынь важодить вадрясто ды тевесткак молить парсте. В.В.Чибиркин вачкась символической аволь покш пирамида, кона теезь чувтонь зярыя элементстэ ды невти РДШ-нь вейкине команданть, сетнень команданть, кинень виевгавтомс Мордовиясо од ломанень движениянть.

Форумсонть од ломантнень марто ульнесть, кода кортыть, «сиянь» волонтёрткак. Сынст улить эсест проектэст, конатне лездыть аволь уш од ломантненень эрьва кодамо тевсэ важодемстэ.

… Ды ушодовсь проектэнь презентациясь. Вай, зяро тесэ одось ды эрявиксэсь, техническоесь ды инновационноесь! Тесэ тонавтыцятненень лездамопельть, штобу сынь маштовольть тееме уроконь онлайн-картат. Истя жо улить тонавтницятненень лездамопельть, штобу сынь, бути истя можна меремс, «поревельть» научной гранитэнть мельспаросо ды шканть марто велувсо. Нурькинестэ меремс, сась шкась образованиясо совавтомс эрямос од технологиятнень, ды од ломантне кортыть: сынь тенень анокт, а вана тонавтыцятне зярс а капшить.

Тешкстасынек, форумсонть од ломантнень весемесь талновтсь. Невтемга, кода ванськавтомс ульцятнень шукштнестэ.

– Мон тей сакшнынь эрьва чистэ, – ёвтни Покш Березникень школань тонавтыцясь Елена Забатурина. – Эдь тесэ минек школань малав комсь эйкакшт-юнармеецт. Ванан эйкакштнень лангс ды кецян сынст вандынь чинтень. Истят промкстнэ вейсэндить, лездыть таштамс содамочитнень. Паро, ютавтневить истят мероприятиятне, ков тердтневить содавикс ломанть.

Палаткастонть-студиястонть В.В.Чибиркинэнь кедьстэ «Инерка» TV од ломанень каналось сайсь интервью. Тесэ кортасть од специалисттнэде, од ломантнеде… «Республикань предприятиятне пек учить сетнень, кить анокстазь парсте, – отвечась инжесь. – Ламо од перспективной ёнкст. Эряви покшолгавтомс трудонь производительностенть. Ломантне важодевельть тосо, косо тевс нолдави интеллектэсь. Улить класст, косо тонавтыть весементень, мезе вешеви. Оштё весть мерян, минек республикань предприятиятненень эрявить од ломанть, конатне эрить, тевест ладить неень шкань вешематнень лувсо».

Меельце площадкасонть МР-нь Госсобраниянь Председателесь В.В.Чибиркин тердсь лездамс сыретненень ды шнась сетнень, кить вешнить вирьс-козонь кадовозтнень. Ды те оштё аволь весе. В.В.Чибиркин башка таркасо тейсь ледстнемань ярмак ды кекшизе сонзэ зепес. Ушодовсь форумонь пекстамось. «Оштё весть весенень шумбрачи! Шумбра чокшне! – таго корты Мордовиянь Госсобраниянь Председателесь В.В.Чибиркин. – Минь теевинек содавиксэкс весе площадкатнень марто, сынь эрьва кодат. Тынк ули весемесь ёрокчинк невтемга, кастомга. Покш сюкпря тенк сень кисэ, мезе тейтядо. Тынк лангсто пример саить весе од ломантне. Конкурстнэ а ютнить изницявтомо, но изнявицят арасть. Кеме шумбрачи, уцяска! Се, мезе арсиде, топавтовозо!» Почетонь грамотатне ды шнамонь конёвтне муизь эсь геройтнень, налксезевсь мельстуиця музыкась.

Пётр Зиновьев.

 Покш Березникень район

 
Совет при полномочном представителе РФ в ПФО: продвижение талантливой молодёжи

12 марта 2019 года в Ижевске состоялся Совет при полномочном представителе Президента РФ в ПФО, где обсуждались вопросы выявления, развития и продвижения талантливой молодежи.

Открывая заседание Совета, полпред Игорь Комаров подчеркнул, что создание эффективной системы работы с одаренными детьми и молодежью – одна из ключевых задач развития образования на 2019-2024 годы, обозначенных в Указе Президента России Владимира Путина № 204 от 7 мая 2018 года:

«Достижение прорывных показателей в развитии науки и производства невозможно без обновления кадров и системной подготовки молодых специалистов. Президент Владимир Владимирович Путин поставил четкую задачу обеспечить широкое внедрение обновленных учебных программ на всех уровнях профессионального образования, организовать подготовку кадров для тех отраслей, которые еще только формируются», – сказал он.

Подробнее...
 
<< Первая < Предыдущая 1 2 3 4 Следующая > Последняя >>

Страница 1 из 4

Новости

Турчак: «Единая Россия» предлагает ввести повышающий коэффициент 1,4 для выплат по программе «Земский доктор»
«Единая Россия» готова в короткие сроки внести в законодательство 
необходимые изменения, направленные на повышение качества первичной 
медицинской помощи. Речь идет о введении повышающего коэффициента 
1,4 для выплат по программе «Земский доктор» для особо сложных и 
труднодоступных территорий и законодательном закреплении института 
наставничества для молодых врачей в течение не менее трех лет. Об этом 
заявил секретарь Генерального совета «Единой России» Андрей Турчак.
Подробнее ...
 
В «Единой России» подготовят предложения по освобождению учителей от излишней административной нагрузки
В «Единой России» перед началом учебного года подготовят
предложения по решению проблемы избыточной отчетности педагогов. Свои
инициативы сможет направить любой желающий через сайты региональных
отделений «Единой России» до 28 августа, а 4 сентября планируется
обсудить их с участием всех профильных ведомств, экспертов,
представителей родительского сообщества на федеральной дискуссионной
площадке «Благополучие человека». Об этом заявила первый заместитель
секретаря Генерального совета Партии, депутат Госдумы Ольга Баталина.
Подробнее ...
 
Турчак просит Президента РФ представить к награде бортпроводницу Ан-24 авиакомпании «Ангара»
Вице-спикер Совета Федерации, секретарь Генерального совета 
«Единой России» Андрей  Турчак выступил с предложением наградить 
бортпроводницу самолета Ан-24 авиакомпании «Ангара» Елену  Лапуцкую, 
которая 27 июня спасла 43 пассажира самолета, потерпевшего крушение в 
аэропорту бурятского поселка Нижнеангарск. Соответствующее обращение 
он направил Президенту РФ Владимиру Путину.
«Героический поступок бортпроводницы самолета Ан-24 
авиакомпании «Ангара» Елены Лапуцкой, которая спасла из горящего 
самолета 43 пассажира, рискуя собственной жизнью и имея серьезные 
травмы, достоин награды. Безусловно, такие случаи необходимо отмечать на 
государственном уровне», - уверен Турчак.
«Желаю Елене Лапуцкой скорейшего выздоровления и возвращения в 
профессию», - заключил вице-спикер Совфеда.
Отметим, 27 июня самолет Ан-24 авиакомпании «Ангара» из-за отказа 
двигателя совершил жесткую посадку в аэропорту бурятского поселка 
Нижнеангарск, и врезавшись в здание очистных сооружений, 
загорелся. Бортпроводница Елена Лапуцкая в одиночку сумела быстро 
открыть аварийные двери и помогла людям выбраться из салона. 
Благодаря этому, никто из 43 пассажиров не погиб. Командир корабля 
и бортмеханик погибли сразу, второй пилот покинул самолет через 
аварийный люк горящей кабины.
 
К лету 2020 года в рамках акции «Единой России» по лесовосстановлению будет высажено более миллиона деревьев
В рамках акции «Единой России» по лесовосстановлению будет
высажено более одного миллиона деревьев до лета 2020 года. Первые
лесовосстановительные мероприятия начнутся уже в сентябре-октябре этого
года в регионах, климат которых наиболее благоприятен, и продолжатся
весной. Первыми участниками акции станут лесные регионы Сибири,
Дальнего Востока и Северо-Западного федерального округа: Хабаровский,
Забайкальский, Приморский, Красноярский и Алтайский края, Республики
Алтай, Бурятия и Карелия, Амурская, Иркутская, Омская, Томская,
Новосибирская, Архангельская и Новгородская области.
Подробнее ...
 
Партийцы Мордовии провели акцию «Лучший друг»
Акция организована активом сторонников регионального
отделения партии в рамках проекта сторонников партии « Центр
поддержки гражданских инициатив» совместно с
Благотворительным фондом Да Добро. Волонтеры передали в
приют для безнадзорных животных Саранска корм,
медикаменты, аксессуары для животных.
Подробнее ...