Рубрикатор

Демография
Демография
Саранскойсэ панжовсь эйдень кужо

 Неть читнестэ тагояк сась паро куля – ошсонок панжовсь эйдень од кужо. Сон ашти Юбилейноень 5№ микрорайонсо, Ремзаводонть вакссо, Ю.Святкин лемсэ куросонть, косо стявтозь зярыя од кудот. Чарькодеви, тосо эрить ламо од семият, косо трить-кастыть вейке, кавто, колмо эйкакшт.

Кужонь панжомо сакшность МР-нь Правительствань Председателесь В.Ф.Сушков, сонзэ полавтыцясь Г.А.Лотванова, Саранск ошонь мэрэсь П.Н.Тултаев ды лия инжеть. Эйдень кужонть стявтсь «Ремстрой» ПАО-сь «Жилище» республикань целевой программань «Ипотека и арендное жилье» проектэнть вельде.

– Сюкпря эряви ёвтамс минек Президентэнтень В.В.Путиннэнь, кона яви тенек мель. Кужонть стявтомга тусть малав 190 млн. целковойть. Сынст ютксо покш пельксэнть максызе федеральной бюджетэсь, – кортась В.Ф.Сушков.



9№ эйдень од кужосонть 240 таркат. Тесэ кемгавтово группат, вейкесь эйстэст алтави беряньстэ кортыця эйдетненень (5 иестэ саезь 7 иес). Тесэ кармить важодеме педагог-психолог, логопед. Кужонь прявтось – Е.А.Аверкина.

Мезе парось, ней малав весе кужотнесэ улить бассейнат. Ниле иестэ саезь эйдетнень кармить тонавтомо укшномо, аштеме ведь лангсо. Занятиятнес кармить якамо кавксонь-кавксонь ломанть. Бассейнанть сэрезэ 60 сантиметрат. Ули эрявикс инвентарь.

Инжетне ванызь медицинань блоконть, ков совить физиокабинетэсь, процедурной кабинетэсь. Тесэ кармить ванномо эйкакштнень. Теде мейле совасть изостудияв, компьютерэнь классов, налксемань нупалев, косо кортасть эйкакштнень марто. Эйдетне мельспаросо невтнесть налкшкест ды мизолдсть, неявсь, кужось тенст вечкеви.

Мейле В.Ф.Сушков вастовсь тетятнень-аватнень марто, конат ёвтасть сюкпрянь валт кужонь панжоманть кисэ. Владимир Фёдорович пачтясь, эйдень кужонь стявтоматне поладовить. Саранскоенть 300 иень эрямонзо перть истят покш полавтомат зярдояк арасельть. Стявтовить-кепедевить эрямонь од микрорайонт, панжовить эйдень кужот, школат, поликлиникат.

– Курок тесэ панжови од школа ды оштё вейке эйдень кужо. Эрявить озавтомс чувтот, зярс сынь тесэ арасть, – мерсь Правительствань Председателесь В.Ф.Сушков.

Эряви меремс, маласо шкасто эйдень од кужо панжови Титовонь куросо. Истя жо эйдень кужот кармить стявтомо Ялгасо, Луховкасо. Тееви весемесь минек эрямонть паролгавтомга.

Татьяна Маторкина

 
Эрьва эйкакшось – эйдень кужонть мельспарозо

 

«Демография» национальной проектэнть юрсо сехте покш мель явови эйкакштнень марто семиятненень, сыненст социальной лезксэнь максомань тевтнень топавтомантень. Мордовиясо тень коряс ламо-мезе тееви: эйкакштнень туртов стявтовить эйдень од кужот, тень кувалма киртяви тов очередесь ды аватне максыть тейтерькаст-цёрынькаст кужотнес шкастонзо. Минек масторонь прявт ошсо, Московсо, тень коряс тевтне молить ков седе беряньстэ. Лиясто эйдень кужов эйкакшось саеви ансяк школадо икеле иестэнть эли овсе а понги тов. Дивсинь, зярдо ялгам тосто гайневтсь ды пеняцясь,  тензэ лисема важодеме (эйкакшонтень топодсть колмо иеть), ансяк маласо кужосто тарка эзть максо, кадык очередьскак сон стякшнось сестэ, зярдо ансяк кармась содамо пекиямодо. Авантень савсь сёрмадомс роботамо таркасо яволявтома теде, ды, паро, тосо чарькодизь ды кармить учомо сонзэ, зярс эйкакшонтень а максыть тарка. Тешкстама, монь кавто эйкакшон ды зярдояк мелявкст эйдень кужов саемадо семиясонок арасельть. А майсить теде Отяжелень райононь Сабанцеле велень тетятнеяк-аватнеяк. Эрьва эйкакшось тосонь эйдень кужонтень – покш мельспаро. Аволь умок вастовинек Сабанцеле велень эйкакшонь кужонь прявтонть Нина Алексеевна Куркина марто ды сон ёвтнесь эрямодост-аштемадост: ­

                                                             
– Эйдень кужонок панжозель 2002 иестэ. Ламо вий путсь тенень «Сабанчеевское» ООО-нь прявтось Д.Н.Игушкин. Зярдо сон сась тиринь велентень, сеске чарькодизе, вейкеяк важодиця а кадови велес, бути тосо арасть школа ды эйдень кужо. Зданиясь икелеяк минек ульнесь, сестэнь эйдень кужось пекстазель ютазь пингень 90-це иетнестэ ды вейсэнь вийсэ шкань ютазь кужинесь кармась роботамо одов. Витнезель, рамазельть од ацамот-мезть, оршамопелень понгавтнема шкафчикть, ярсамонень стольть ды стулт. Пурназель од коллектив. Панжозельть кото роботамо таркат. Веленть туртов те покш тев. Ней кужонтень якить Сабанцелень кемголмово вишка эрицят. Весе эсенек, лия велестэ сакшныцят арасть. Ялатеке улить тарканок саемс оштё ламо эйдеть, шабра велетнестэяк учотано. Эйкакштнень туртов ярсамопельтнень коряскак тенек лезды велень хозяйствань предприятиянть прявтось, максы яла сахар ды сывель. Тензэ покш сюкпря миненек лездамонть кисэ!

Нина Алексеевнань прявт ало неень шкане важодить вете ломанть. Неть: воспитателесь В.В.Сидорова, сонензэ кавто лездыцятне – Л.М.Китайкина ды Н.П.Обмайкина, пидицясь-паницясь И.Г.Денисова ды музыкань занятиятнень ветицясь Н.И.Нестёркин. Эйдетне кужонтень саевить 1,5 иестэ саезь. Нина Алексеевнань валонзо коряс, сынь оштё учить ниле-вете эйкакшт. «Минь пек кемтяно Максимовтнень ламо эйкакшонь триця семиянть лангс. Сынь трить-кастыть уш кото тейтерькат-цёрынькат, колмотне эйстэст минек кедьсэть, учотано нилеценть».

Сабанцелень эйдень кужось – вейке покш семия. Тесэ эйкакштне пек учовикст-эрявикст. Кода воспитательтне мельгаст яксить-васькавтнить – башка историясь. Тонавтомань программась кужосонть моли неень шкань вешематнень коряс. Покш мель явить прявтось, воспитательтне ды музыкань занятиянь ветицясь эрзянь, рузонь моротнень ды киштематнень туртов. Ве чияк тесэ а ютни Н.И.Нестёркинэнь баянтомо.  Эйдень кужось вейсэ тетятнень-аватнень марто ставтсть тейтерькатненень эрзянь вишка платият, цёрынькатненень – палинеть ды ней эйсэст киштнить-морсить Сабанцеле велень весе кенярксчитнесэ. Улить оштё лия оршамопелесткак. Пек вечкевсь велень эрицятненень эйдень кужонь эйкакштнень чувтонь пенч марто киштемась. Эйкакшкетне оршазельть ашо кснавне марто якстере платиясо-панарсо, прясост мазый пацинеть ды картузт. Вишка киштицятне сценанть лангсо пряст ветясть овсе апак пеле, кой-конатне, видькстатано, лиясто стувтокшнызь, мезекс пенчкетне тенст максозельть, ды бажасть варчамс танстест. Ваныцятне ильтизь виев цяпамосо, ламонь сельведесткак туекшнесть кенярдомадонть. Вейке тев, бути истят «ципакинеть» неят телевизорсто, лиясь, зярдо сынь эсеть ёнксонь ды эждить седейть эсест киштемасост-морамосост.

Марина Девятова

 
Семиянь питнейчитнень ванстомга, шумбра эйдетнень чачтомга

 

«Демография» раськень проектэнть лувсо Мордовиясо топавтови «Финансовая поддержка семей при рождении детей» республикань проектэсь, конань вельде покш лезкс явови эйкакш марто семиятненень, истя жо тейтерь-аватненень мереви питневтеме ютамс ЭКО-нь процедуранть.

Эйкакшонь чачтомась – те покш дивань тев, конась лиси ломаненть эрямосо. Илинк кадо вандынь чис часиянть. Тетятненень-аватненень арсян: сатост виенк ды шумбрачинк кастомс ды тонавтомс эйкакшонк. Государствась жо весемесэ тенк лезды! – мерсь Мордовия Республикань Социальной ванстомань, важодемань ды эрицятнень занятостень министрань полавтыцясь Светлана Шувалова неть читнестэ Печатень кудосо ютавтозь журналисттнэнь марто вастовомасонть.


Ярмакт – васенце

эйкакшонть кисэ

2018 иень январень 1-це чистэнть саезь эрицятненень эрьва ковсто пандовить ярмакт васенце эйкакшонь чачтоманть (трямс-кастомс саеманть) кис. Васенце эйкакшонть лангс пособиясь пандови сеть семиятненень, конатнесэ среднедушевой доходось 1,5-ксть аволь седе покш важодицятнень прожиточной минимумонть коряс (мельс саевить ютазь иень омбоце кварталонь невтевкстнэ). Мордовиясо те – 13698 целковойть. Истя, бути колмо ломаньстэ аштиця семиянть ютазь иень 12 ковтнень перть вейсэнь доходось ульнесь 41094 целковойде аволь седе ламо, сестэ сыненст эрьва ковсто кармить пандовомо ярмакт. Пособиясь карми ютазь иень омбоце кварталонть коряс эйкакштнень туртов прожиточной минимумонть покшолмасо.

Эряви тешкстамс, закононтень совавтозь полавтомат. 2020 иестэнть саезь, васенце эйкакшонть кисэ ярмактне пандовить, бути семиятнесэ среднедушевой доходось 2-ксть аволь седе покш важодицятнень прожиточной минимумонть коряс. Те лезды седе ламо семиятненень получамс неть ярмактнень.

МР-нь Эрицятнень социальной защитань, важодемань ды занятостень министерствань Пособиянь ды эрьва ковонь пандомань отделэнь прявтось Вера Ботина толковизе, ярмактне кармить пандовомо сень пингстэ, бути эйкакшось ды сонзэ тетязо-авазо Россиянь Федерациянь гражданинт. Республикасонть эйкакштнень туртов прожиточной минимумось 2018 иень омбоце кварталстонть – 8942 целковойть. Самай истямо покшолмасо карми пандовомо эрьва ковонь пособиясь 2019 иестэ од тетятненень-аватненень, кинь семиясо чачсь (эли сынь сайсть трямс-кастомс) васенце эйкакш.

Тетятненень-аватненень мереви сёрмадомс яволявтома пособиянть явомадо эйкакшонть чачома чистэнзэ саезь 1,5 иетнень перть. Ярмактне кармить пандовомо эйкакшонть чачома чистэнзэ саезь, бути пшкадемась пачтязь эйкакшонть чачомадо мейле (трямс-кастомс саемадо) васенце кото ковтнень перть. Бути те теезь седе мейле, сестэ пособиясь пандови пшкадема чистэнть саезь. Зярдо эйкакшонтень топоди ие, эряви пшкадемс одс. Пшкадицятненень яволявтоманть мереви кандомс эрямо таркань коряс социальной защитань учреждениянтень эли МФЦ-в. Тетятненень-аватненень анокстама: эйкакшонь чачомадо свидетельства, семиянть доходонзо коряс справка, банксо счётонь реквизитт.

Мелят эрьва ковонь пособиясь пандовсь 1187 аватненень, 2019 иестэ те лезксэсь карми явовомо 2100 аватненень.

Республикань

авань капиталось

2012 иень якшамковонь 1-це чистэ саезь Мордовиясо пандови республикань авань (семиянь) капиталось колмоце ды седе меельце эйкакштнень чачтомаст (трямо-кастомо саемаст) пингстэ. Сонзэ покшолмазо ней: 125 270 целковойть – колмоце эйкакшонть кисэ, 150 324 целковойть – нилеце эйкакшонть кисэ ды 187 906 целковойть – ветеце ды седе меельце эйкакштнень кисэ.

Кода тешкстызе Мордовия Республикань Социальной ванстомань, важодемань ды эрицятнень занятостень министерствань демографиянь, семиянь, аватнень ды эйкакштнень кевкстемаст коряс отделэнь прявтонь полавтыцясь Елена Пашина, авань капиталось пандови эрьва эйкакшонть чачомадонзо мейле, лиякс меремс, аволь весть.

Авань капиталонь ярмактнень мереви ютавтомс семиянть эрямонь условиятнень вадрялгавтомс (кудонь эли квартирань рамамс, педе-пев витнемс эли строямс), эйкакшонть тонавтомс, аванть пенсияс.

Весемезэ, 2012 иестэнть саезь, максозь 7 тёжадо ламо авань капиталонь сертификатт. Те, нама, лездась ламолгавтомс чачтоманть. Меельце 5 иетнень перть Мордовиясо ламо эйкакшонь семиятнеде кармасть 2 тёжадо седе ламо. Весемезэ эйстэст малав 6 тёжат.

Эрямонь условиятнень вадрялгавтомга

Эрямо таркань улемась – семиясонть эйкакшонь чачтомадо мелень кемекстамонь прявт ёнкстнэде вейкесь. Мордовиясо топавтови программа, конань коряс эрьва эйкакшонть чачтоманзо (трямо-кастомо саеманзо) пингстэ киртяви ипотекань кредитэсь. Истя, васенце эйкакшонть кисэ кредитэсь киртяви 10%, омбоценть кисэ – 10%, колмоценть кисэ – 30%, нилеце эйкакшонть кисэ кредитэсь пекстави целанек.

Кода ёвтызе МР-нь Социальной ванстомань, важодемань ды эрицятнень занятостень министерствань доплататнень, надбавкатнень ды компенсациятнень отделэнь прявтось Екатерина Горбунова, 2016 иестэ саезь ипотекань кредитэнь пандомс социальной пандовкст явозь 360 семиятненень, 41 семиянть ипотекаст пандозь целанек.

 

ЭКО-нть мереви ютамс питневтеме

«Демография» раськень проектэнть лувсо топавтовить покш тевть тейтерь-аватненень медицинань лезксэнь явомань качестванть кастоманзо, репродуктивной системань орматнень шкастост редямост ды лецямост, пешксесэ аватненень медицинань-социальной лезксэнь явоманть коряс, истя жо Обязательной медицинской страхованиянь программанть лувсо мереви питневтеме ютамс ЭКО-нь процедуранть. Покш мель явови орматнень профилактикантень, диспансеризациянь ютамонтень. Истя, 2019-2024 иетнестэ диспансеризация ютыть республикань малав 320 тёжат тейтерь-ават, седе покш мель карми явовомо сынст репродуктивной шумбрачинтень. Истя жо акушертнэ-гинекологтне ютавтыть профилактической ванномат 15-17 иесэ малав 58 тёжат тейтерькатнень.

Обязательной медицинской страхованиянь ярмактнень лангс 2019-2024 иетнень перть арсевить ютавтомс 4110 ЭКО-нь процедурат, сынст эйстэ 640 – тедеде. Ансяк те иень 5 ковтнень перть ЭКО-нь процедурадонть мейле чачтасть 58 ават, чачсть 70 эйкакшт.

Татьяна Аксенова

 
Казнеть ламо эйкакшонь кастыця аватненень

Неть читнестэ Республикань Кудонь Покш залсонть ютавтовсь кенярксчинь вастовома, конась алтазель Авань чинтень. Тей сакшность республикань весе ёнкстнэсэ эриця аватне ды тетятне, кить трить-кастыть вете, кото, сисем ды мик кемень эйкакшт. Поздоровонь лембе валт аватнень лемс ёвтась Мордовиянь Правительствань Председателесь В.Ф.Сушков.

Подробнее...
 
Александр Воробьев: Изменения в законодательстве, касающиеся социальных выплат – мера очень своевременная
В ноябре 2018 года «Единая Россия» поддержала изменения в законодательство, за счет которых был увеличен ряд социальных выплат

Так, в России с  января 2019 года будет увеличен максимальный  размер ежемесячных пособий по уходу за ребенком до 1,5 лет. Он составит  26 тысяч рублей вместо  24 тысяч рублей  как сейчас.  Точный максимальный размер ежемесячного пособия по уходу за ребенком за полный календарный месяц с 1 января 2019 будет составлять 26 152,27 рублей. По действующим правилам размер пособия по уходу за ребенком составляет 40% от среднего заработка. Вырастут минимальный и максимальные размеры пособия по беременности и родам за 140 дней отпуска. Минимальный размер пособия по беременности и родам за 140 дней отпуска с 1 января 2019 года вырастет почти до 52 тыс. рублей. В то же время максимальный размер пособия достигнет порядка 301 тыс. руб. (в этом году 282 тыс. руб.).  Эти изменения заложены в федеральный бюджет на ближайшие 3 года, который Госдума приняла 21 ноября в третьем, окончательном чтении.

Подробнее...
 
<< Первая < Предыдущая 1 2 3 4 5 6 7 Следующая > Последняя >>

Страница 1 из 7

Новости

Турчак: «Единая Россия» предлагает ввести повышающий коэффициент 1,4 для выплат по программе «Земский доктор»
«Единая Россия» готова в короткие сроки внести в законодательство 
необходимые изменения, направленные на повышение качества первичной 
медицинской помощи. Речь идет о введении повышающего коэффициента 
1,4 для выплат по программе «Земский доктор» для особо сложных и 
труднодоступных территорий и законодательном закреплении института 
наставничества для молодых врачей в течение не менее трех лет. Об этом 
заявил секретарь Генерального совета «Единой России» Андрей Турчак.
Подробнее ...
 
В «Единой России» подготовят предложения по освобождению учителей от излишней административной нагрузки
В «Единой России» перед началом учебного года подготовят
предложения по решению проблемы избыточной отчетности педагогов. Свои
инициативы сможет направить любой желающий через сайты региональных
отделений «Единой России» до 28 августа, а 4 сентября планируется
обсудить их с участием всех профильных ведомств, экспертов,
представителей родительского сообщества на федеральной дискуссионной
площадке «Благополучие человека». Об этом заявила первый заместитель
секретаря Генерального совета Партии, депутат Госдумы Ольга Баталина.
Подробнее ...
 
Турчак просит Президента РФ представить к награде бортпроводницу Ан-24 авиакомпании «Ангара»
Вице-спикер Совета Федерации, секретарь Генерального совета 
«Единой России» Андрей  Турчак выступил с предложением наградить 
бортпроводницу самолета Ан-24 авиакомпании «Ангара» Елену  Лапуцкую, 
которая 27 июня спасла 43 пассажира самолета, потерпевшего крушение в 
аэропорту бурятского поселка Нижнеангарск. Соответствующее обращение 
он направил Президенту РФ Владимиру Путину.
«Героический поступок бортпроводницы самолета Ан-24 
авиакомпании «Ангара» Елены Лапуцкой, которая спасла из горящего 
самолета 43 пассажира, рискуя собственной жизнью и имея серьезные 
травмы, достоин награды. Безусловно, такие случаи необходимо отмечать на 
государственном уровне», - уверен Турчак.
«Желаю Елене Лапуцкой скорейшего выздоровления и возвращения в 
профессию», - заключил вице-спикер Совфеда.
Отметим, 27 июня самолет Ан-24 авиакомпании «Ангара» из-за отказа 
двигателя совершил жесткую посадку в аэропорту бурятского поселка 
Нижнеангарск, и врезавшись в здание очистных сооружений, 
загорелся. Бортпроводница Елена Лапуцкая в одиночку сумела быстро 
открыть аварийные двери и помогла людям выбраться из салона. 
Благодаря этому, никто из 43 пассажиров не погиб. Командир корабля 
и бортмеханик погибли сразу, второй пилот покинул самолет через 
аварийный люк горящей кабины.
 
К лету 2020 года в рамках акции «Единой России» по лесовосстановлению будет высажено более миллиона деревьев
В рамках акции «Единой России» по лесовосстановлению будет
высажено более одного миллиона деревьев до лета 2020 года. Первые
лесовосстановительные мероприятия начнутся уже в сентябре-октябре этого
года в регионах, климат которых наиболее благоприятен, и продолжатся
весной. Первыми участниками акции станут лесные регионы Сибири,
Дальнего Востока и Северо-Западного федерального округа: Хабаровский,
Забайкальский, Приморский, Красноярский и Алтайский края, Республики
Алтай, Бурятия и Карелия, Амурская, Иркутская, Омская, Томская,
Новосибирская, Архангельская и Новгородская области.
Подробнее ...
 
Партийцы Мордовии провели акцию «Лучший друг»
Акция организована активом сторонников регионального
отделения партии в рамках проекта сторонников партии « Центр
поддержки гражданских инициатив» совместно с
Благотворительным фондом Да Добро. Волонтеры передали в
приют для безнадзорных животных Саранска корм,
медикаменты, аксессуары для животных.
Подробнее ...