Рубрикатор

Их знает вся Россия М.В.Ларин: «Афганистансо улемстэ мон эзинь сода пелема»
М.В.Ларин: «Афганистансо улемстэ мон эзинь сода пелема»

Февралень                15-це чистэ топодить 30 иеть кода Афганистан Республикасто ливтезельть советской войскатне. Афганистансо войнась мольсь 9 иеть, 1 ков ды 18 чить. Сонзэ пачк ютасть зярыя сядот тёжат советской солдатт ды офицерт. Аволь аламо ведь чудсь се шкастонть. Аламонь-аламонь пичкасть томбавкстнэ-сэредькстнэ, ансяк васоло Афганистанонь войнадо ледстнематне нейгак эрить неть солдаттнэнь ды офицертнэнь мельсэст-превсэст, сынст а нардасынзе шкась, кувака вайгельпетне.

Афганистанонь войнанть пачк ютась эрзянь цёраськак Ларин Михаил Васильевич. Сон чачсь Орданьбуе ёнксонь Кечушева велесэ. Школанть прядомадо мейле, те ульнесь 1978 ие, мольсь тонавтнеме Н.П.Огаревонь лемсэ университетэнь филологиянь факультетс. Уш сы иень апрелень 9-це чистэ сонзэ лемс сась повестка, Михаил Васильевичень саизь армияв. Службанзо кандсь васоло Венгриянь Сегед ошсо, ульнесь артиллеристэкс.

 

– 1979 иень декабрясто минь аштинек нарядсо, складт ванстынек, тесэ апак учо весень кепедимизь тревоганть коряс. Уш сеске чаркодинек, сайсамизь Афганистанов. Саинек мартонок ансяк рюкзакт, кодамояк оружия арасель. Самолётсо ливтинек Душанбенть видьс, мейле Узбекистанонь Термез ошсо макссть тенек вооружения. Минь совинек 191-це башка мотострелковой полконтень, техникась ульнесь эрьва кодамо: танкт, гаубицат, миномётт – вооружениянь весе видтнэ. Снарядтнэнь кепединек машинань кузовс, удалов понгавтынек гаубицатнень ды сыргинек Амударья леенть трокс, – ёвтни М.В.Ларин. – Кода совинек Афганистанов, васенцесь, мезе неинек – те певтеме пандт! Сэрест тёжа вайгельпеде ламо! Пандотнесэ теезь кудынеть, косо эрить тосонь эрицятне – афганецтнэ. Минь ардынек, а сынь ки чирева ойсезь аштить. Эштё вейке дивавтыця тевесь кадовсь мельс. Афганистанов пачкодинек декабрясто, лангсонок телень оршамот, пильгсэнек – понань кемть, ялатеке тенек экше ульнесь, тосонь эрицятне жо кепе пильгс калошасо якасть.

Михаил Васильевич ёвтнесь, сынь пачкодсь Пуль-Хумри провинциянтень – те келей виде тарка, конань перька таго сэрейдеяк сэрей пандт. Сеске кармасть валямо орудиятнень, ледстни, вадря модась ульнесь, аволь кевев, чувовсь шождасто. Кекшизь гаубицатнень, снарядтнэнь, мейле чувность блиндажт, козо кельгсть кото-сисем ломанть. Сынст артдивизиясонть ульнесть колмо батареят: вейкесь ванстась полк, омбоцесь оймсесь полксонть, колмоцесь тукшнось рейдс, боевой походс.

Михаил Васильевичень сельмензэ икеле те шкас ашти васенце тюремась, конантень сынь понгонесть:

– Ютынек колоннасо, минь ульнинек кузовсо, тесэ рациянть вельде пачтясть: икеле молиця кавто БМПтне тапазь, колоннась лоткась ды ушодовсь тюремась. Весемеёндо леднемат, сезевемат. Монень марявсь теке ёндол кивчкаи ды пурьгине зэрни. Мейле уш тонадынек неть леднематнес.

Пуль-Хумрисэ ульнинек кавто ковт, мейле Саланг пандоюткованть сыргинек Газни провинциянтень. Пандоюткованть ардомсто неинек пултазь пек ламо техника, тосо ютасть пек виев тюремат. Газни провинциясь – те Афганистансо сехте пси таркась, чить тосо коштось эжи 60 градусос. Газнисэ истя жо пек ламо пандт, менелесь ды модась ве тюссот – ожот, тосо сэнь менель а неят. Недлязонзо кавксть тува юты чуваронь буря, мезеяк пачканзо а неят, моли сон часошка, лиясто седе куватьс.

Миненек макссть 45 таркас палаткат, моданть лангс каинек апак строга лазт ды чова вельтявкст. Малав ковонь перть пандо прясо ванстынек полконть. Чить а ёвтави кодамо пси, чокшнесь жо сы пек куроксто, ветне тосо пек якшамот. Аволь кода минек тесэ тельня кельмат. Тосо якшамось ловажат яжи. Пек стакаль. Пандтнэсэ эрямсто натой тонадокшнынь тешттнень коряс содамс шканть. Ялгатне кевкстьсамизь: «Миша, зяро шказо?». Мон каршост: «Вейке час кеветее минутат». Частнэнь варштасынек, алкукскак истя.

Кода видькстась Михаил Васиьевич, неть иетнеде сехте вадря ледстнемакс кадовсть – те вейсэ, видестэ, парсте ладязь тевень топавтомась.

– Ледстяса, сеске ниленек кирнявтано машинань кузовстонть, анокстасынек орудиянть тюремантень, а сынст сталмост колмо ды пель тоннат! Кавтотне венстнить 60 килонь сталмосо снарядонь ящикть, лиятне кундсить эйсэст. Ды тень топавтсть кемгавксово иесэ ниле цёрынькат. Кияк эзь тарга ве ёно, кияк эзь кекшне, – видькстась М.В.Ларин. – Монь эйсэ кодамояк пелема арасель. Мордовиясто ульнинек кемгавтовонек: рузткак, эрзяткак. Ризксэнтень, ульнесть ёмавксткак. Маштовсть эрзянь кавто цёратне – вейкесь Манадыши велень, омбоцесь – Сабанцелень.

Покш зыян лиссь Михаил Васильевичень семиясояк, зярдо сон ульнесь Афганистансо – кулось авазо.

– Мон те зыянонть седейсэнь мария. Кудосто кучсть тень телеграмма, эзизь невте монень. Мейле омбоцеде кучсть. Тесэ монь тердимизь ды пачтизь ризксэв кулянть. Эряви ёвтамс, пек куроксто пачтимизь кудов: вертолётсо ливтинь Кабулов, тосто самолётс озынь – ютавтынь чи ды пель, зярдо лиятне ки лангсо ульнесть вейке-кавто недлят. Максокшность тень отпуск 20 чить.

М.В.Ларин Афганистансто велявтсь 1981 иень июньстэ. Университетэнь прядомо эзь карма, покш мелезэ ульнесь важодемс милициясо. Кудов самсто, зярыя чинь ютазь мольсь Внутренней тевень органтнэс ды энялдсь максомс тензэ направления. Вешемазо марязель, Михаил Васильевич кучозель тонавтнеме Чебоксаронь милициянь средне-специальной школав. Сонзэ прядомадо мейле кармась важодеме Ромодановань райононь милициянь отделсэ участковоекс, шкань ютазь – старшей участковоекс. Мейле мольсь тонавтнеме Горькоень милициянь высшей школав, сонзэ прядомадо мейле Ларинэнь аравтызь розыскень отделэнь прявтокс. А уш Россиянь МВД-нь академиясо тонавтнемадо мейле (ёвтасныек, сонзэ прядызе ансяк «ветес») Михаил Васильевичень аравтызь Ромодановань райононь милициянь отделэнь прявтокс. Те тевенть топавтсь кеветее иень перть. Полковникесь М.В.Ларин МР-ва Внутренней тевень органтнэсэ весемезэ служась 35 иеть. Ульнесь командировкасо Чечнясояк. Милициянь отделэнь прявтокс М.В.Ларинэнь важодема шкастонзо, Ромодановань отделэсь тевдеемань невтевкстнэнь коряс аволь весть лиснесь васенцекс республиканть келес. Тень тешкстыть ламот грамотатне. Те шкастонть районсонть лисезь весе маштоматне ды разбойной каявоматне панжозельть.

– Пек вечкевсь важодемам. Бажинь эрьва тевенть ванномс башка. Бути лисиль саламо, чумондовицянть эстень тердевтилия ды кортылинь мартонзо, чарькодевиль, сон эли аволь топавтызе те зыянов тевенть. Эсень важодемам топавтынь видестэ, бажинь киньгак а покордамс, эрьванть марто кортынь апак покшкавтне, ломанькс, – видькстась Михаил Васильевич. – Бажинек лездамс школатнененьгак, райотделэнть пельде рамсинек тенст магнитофонт, конёвт, ручкат.

М.В.Ларин отставкас тусь 2011 иестэ. Сон нейгак а ашти тевтеме, важоди «МАПО и К» предприятиянь безопасностень коряс прявтонь полавтыцякс. Михаил Васильевичень покш каштанчизэ ды кенярксозо – вечкевикс семиязо. Анна Викторовна нинзэ марто кастсть кавто цёрат. Конат, эряви тешкстамс, поладызь тетяст тевенть. Покшось, Сергей, прядызе Воинской высшей училищанть. Васняяк служась Мурманскойсэ, мейле – Азербайджанонь Баку ошсо, шкань ютазь – Москов ало. Очна кармась тонавтнеме Санкт-Петербургонь Транспортонь ды тылэнь академиясо. Мелят тензэ максызь подполковникень званиянть.

Омбоце цёраст, Александр, тонавтнесь Саратовань Внутренней войскань военной институтсо. Колмо ды пель иеть ульнесь Чечнясо батальононь командирэнь полавтыцякс, служась Нижегородской областень Богородской районсо. Ней сонзэ ютавтызь Равчирень округонь штабс. Мелят РФ-нь Президентэнть Указонзо коряс тензэ макстсть Суворовонь медаль.

М.В.Ларин видькстась, Афганистан Республикасто советской войскатнень ливтема чистэнть уш ютасть 30 иеть, тень лангс апак вано, сынь, се шкань солдаттнэ ды офицертнэ, ванстыть ялгаксчинь кеме сюлмотнень, сынь вейкест-вейкест туртов теке тиринь лелят-ялакст. Эрьва иестэ, февралень 15-це чистэ вастневить, васняяк молить храмов, мейле кенярксчинь промксонтень. А стувтнить маштовозь оятненьгак. Неть васоло иетне  свалшкас кадовсть ледстнемазост.

Т.Аксенова


08.02.2019

 

Новости

Турчак: «Единая Россия» предлагает ввести повышающий коэффициент 1,4 для выплат по программе «Земский доктор»
«Единая Россия» готова в короткие сроки внести в законодательство 
необходимые изменения, направленные на повышение качества первичной 
медицинской помощи. Речь идет о введении повышающего коэффициента 
1,4 для выплат по программе «Земский доктор» для особо сложных и 
труднодоступных территорий и законодательном закреплении института 
наставничества для молодых врачей в течение не менее трех лет. Об этом 
заявил секретарь Генерального совета «Единой России» Андрей Турчак.
Подробнее ...
 
В «Единой России» подготовят предложения по освобождению учителей от излишней административной нагрузки
В «Единой России» перед началом учебного года подготовят
предложения по решению проблемы избыточной отчетности педагогов. Свои
инициативы сможет направить любой желающий через сайты региональных
отделений «Единой России» до 28 августа, а 4 сентября планируется
обсудить их с участием всех профильных ведомств, экспертов,
представителей родительского сообщества на федеральной дискуссионной
площадке «Благополучие человека». Об этом заявила первый заместитель
секретаря Генерального совета Партии, депутат Госдумы Ольга Баталина.
Подробнее ...
 
Турчак просит Президента РФ представить к награде бортпроводницу Ан-24 авиакомпании «Ангара»
Вице-спикер Совета Федерации, секретарь Генерального совета 
«Единой России» Андрей  Турчак выступил с предложением наградить 
бортпроводницу самолета Ан-24 авиакомпании «Ангара» Елену  Лапуцкую, 
которая 27 июня спасла 43 пассажира самолета, потерпевшего крушение в 
аэропорту бурятского поселка Нижнеангарск. Соответствующее обращение 
он направил Президенту РФ Владимиру Путину.
«Героический поступок бортпроводницы самолета Ан-24 
авиакомпании «Ангара» Елены Лапуцкой, которая спасла из горящего 
самолета 43 пассажира, рискуя собственной жизнью и имея серьезные 
травмы, достоин награды. Безусловно, такие случаи необходимо отмечать на 
государственном уровне», - уверен Турчак.
«Желаю Елене Лапуцкой скорейшего выздоровления и возвращения в 
профессию», - заключил вице-спикер Совфеда.
Отметим, 27 июня самолет Ан-24 авиакомпании «Ангара» из-за отказа 
двигателя совершил жесткую посадку в аэропорту бурятского поселка 
Нижнеангарск, и врезавшись в здание очистных сооружений, 
загорелся. Бортпроводница Елена Лапуцкая в одиночку сумела быстро 
открыть аварийные двери и помогла людям выбраться из салона. 
Благодаря этому, никто из 43 пассажиров не погиб. Командир корабля 
и бортмеханик погибли сразу, второй пилот покинул самолет через 
аварийный люк горящей кабины.
 
К лету 2020 года в рамках акции «Единой России» по лесовосстановлению будет высажено более миллиона деревьев
В рамках акции «Единой России» по лесовосстановлению будет
высажено более одного миллиона деревьев до лета 2020 года. Первые
лесовосстановительные мероприятия начнутся уже в сентябре-октябре этого
года в регионах, климат которых наиболее благоприятен, и продолжатся
весной. Первыми участниками акции станут лесные регионы Сибири,
Дальнего Востока и Северо-Западного федерального округа: Хабаровский,
Забайкальский, Приморский, Красноярский и Алтайский края, Республики
Алтай, Бурятия и Карелия, Амурская, Иркутская, Омская, Томская,
Новосибирская, Архангельская и Новгородская области.
Подробнее ...
 
Партийцы Мордовии провели акцию «Лучший друг»
Акция организована активом сторонников регионального
отделения партии в рамках проекта сторонников партии « Центр
поддержки гражданских инициатив» совместно с
Благотворительным фондом Да Добро. Волонтеры передали в
приют для безнадзорных животных Саранска корм,
медикаменты, аксессуары для животных.
Подробнее ...