Рубрикатор

Их знает вся Россия Алкуксонь герой
Алкуксонь герой

Аволь умок телевизорга малав весе каналтнэва ютась куля: Московсо од цёра идесь пожардо семия, кавто эйкакш марто ава. Кода свал, валске марто 4 чассто, Александр Несяев ушодызе важодеманзо, сон роботы шукшонь усксиця машинань ветницякс. Вейке кудо вакска ардомсто несь, кода васенце этажонь вальмастонть юты раужо качамо. Марявсть вайгельть, конат энялдсть лездамс, идемс пожардо. Вальмасонть ладязь решёткат, сынь кодаяк эзть таргаво. Александр сайсь кедезэнзэ лом, ансяк те эзь лезда. Сестэ цёранть превс сась саемс трос, конанть пензэ сюлмизе машинантень. Истя решёткась усковсь-сезевсь.

Пожарось ушодовсь тамбурсо. Кудосонть ульнесь кавто эйкакш марто ава. Тетяст те шкане командировкасоль. Кенкшенть ёнксось весе тол потсоль, вальматнесэ – решёткат, куваяк а лисеват. Мезе мартост улевель, бути аволь Саша? Сон идинзе ломантнень, тердсь пожарнойть ды скорой. Сонсь сыргась седе тов важодеме.

Кие жо те героесь? Мельспаро пачтямс, Александр Несяев – эрзянь цёра. Чачсь Пенза ёнксонь Сосновоборской райононь Нижний Мывал велесэ ламо эйкакшонь триця семиясо. Сашанень ней 21 ие. 2016 иестэ прядызе Пензань автомобильно-дорожной колледженть. Тонавтнесь «Техническое обслуживание и ремонт автомобильного транспорта» специальностенть коряс. Тонавтыцятнень валост коряс, сон видечинь кисэ аштиця, тонавтнесь парсте, явсь мель спортонтень ды весе ютавтовиця мероприятиятненень. Неень шкане заочна тонавтни строительной институтсо.

Минь сюлмавинек героенть марто. Те – сэтьме, виздиця ды прянь а покшкавтниця ломань. Вана мезе сон мерсь: «Кодамо мон герой? Эрьва ломанесь монь таркасо теевель истя жо…» – сэтьместэ корты Александр. Эрьва ломанесь ды аволь эрьвась!

Вана кода сёрмадыть лисезь тевенть коряс ломантне, саемга, Надежда Горских: «Александр, тынь алкуксонь ломань! Тынь теиде алкуксонь цёрань тев. Аволь эрьва ломанесь анок теемс мезеяк лия ломанень туртов стяко, кодамояк лезэнь апак сае ды веше. Сюкпря тынк тетянк-аванк туртов, конат кастсть паро цёра ды покш буквасто Ломань! Минек масторлангонтень а сатныть истямо ломанть, кода тынь!»

Ды истямо сюкпрянь валт кучить Сашанень эрьва чистэ! Сонзэ марто уш вастневсь идезь семиянть азорось ды ёвтась лембе валт. Эряви меремс, МЧС-сь бажи тешкстамс Александр Несяевень паро тевензэ.

Т.Маторкина

 

Новости

Московсо гайгить эрзянь морот!

Москов ошсо поладовить концерттнэ, конатнень анокстыть МР-нь заслуженной артисткась, «Садко» рузонь музыкань ды киштемань государственной ансамблянь морыцясь Вера Прохорова ды «Эрзянь вайгель» культурно-просветительской вейсэндявксось. Эряви меремс, васенце истямо концертэсь ютась декабрянь 17-це чистэ Московонь Раськетнень кудосо. Сон алтавсь велень моротненень.

Подробнее ...
 
Мордовиянь сехте вадря сувенирт

Декабрянь 22-це чистэ яволявтозельть «Мордовия Республикань туристической сувенир» конкурсонь изницятнень лемест. Истямо пелькстамонть ютавтсть МР-нь Культурань, национальной политикань, туризмань ды архивень тевень министерствась, Туристэнь-информациянь куншкакурось. Конкурсонть вельде эрявсть муемс сувенирэнь сехте вадря продукциянть, тешкстамс производительтнень, кочкамс лия ёнов а молиця сувениртнэнь ды невтемс сынст FIFA-нь болельщикень фестивальсэ.

Подробнее ...
 
Чемпионатонть анокстамга

Мордовиянь Прявтось Владимир Волков декабрянь 16-це чистэ ютавтсь 2018 иень масторлангонь Футболонь чемпионатонтень анокстамга оргкомитетэнь промкс, конасонть важодсть МР-нь Госсобраниянь Председателесь Владимир Чибиркин, Правительствань Председателесь Владимир Сушков, Мордовиясо Главной федеральной инспекторось Михаил Сезганов, Саранск ошонь Администрациянь прявтось Пётр Тултаев, «Оргкомитет Россия – 2018» АНО-нь операционной директорось Дмитрий Годунов.

Подробнее ...
 
Прявтось Московсоль

Мордовиянь Прявтось Владимир Волков декабрянь 18-це чистэ Московсо важодемань коряс вастовкшнось Россиянь Финансонь министрань полавтыцянть Леонид Горнинэнь марто.

Подробнее ...
 
Казаконь дружина

Мордовиясо васенцеде пурнавсь эсь олясо важодиця казаконь пожарной дружина. Те тевентень анокстамонть Саранскойсэ ютызь «Свято-Предтеченской» казаконь обществантень 25 совицятне.

Подробнее ...