Четверг, марта 28, 2024
Важное

Мордовиянь аграрийтне прядыть сюронь урядамонть ды анокстыть ламбамо якстерькаень таргамонть ушодовомантень.

Те культуранть кастыть республикань кавксо районтнэ. Сонзэ алов явозь комсте ламо тёжат гектарт. Ламбамо якстерькаень кастомантень покш мель явить Ромодановань, Ичалкань, Отяжелень ды Орданьбуень районтнэсэ, конат эсь паксятнес видсть 15 тёжат гектарт ламбамо якстерькай.

Учневи, ламбамо якстерькаень урядамось республикасонок ушодови сентябрянь омбоце декаданть прядовомадо икеле. Кода ютазь иетнестэяк, переработкас якстерькаень усксемась, ванськавтомась ды таргамось ютавтовить кедьвийтеме. Весе неть роботатнень, вейке районсто омбоцес ютамонть, кармить тееме механизированной комплекстнэ, конатнес совить механизированной ламбамо якстерькаень таргамонь комбайнат, погрузчикть ды урожаень ускомс автомашинат.

Отяжелень районсто ламбамо якстерькаень сехте ламо кастыцятнень эйстэ вейкесь – «Сабанчеевское» велень хозяйствань предприятиясь. Сонзэ прявтонть Д.Н.Игушкинэнь валонзо коряс, хозяйствасонть сахаронь нолдамонть туртов учневи таргамс ламбамо якстерькай мелень коряс седе ламо.

Пётр Зиновьев

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».